ماذا كان يخطر ببالك عندما اخترت لقبك؟؟

السمحة · 10-11-2007, 17:08

اصدقائي الكرام
تحياتي
سؤال بسيط ارجو ان تجيبوني عليه بصراحة !!!!
طبعا في مجموعة كبيرة من الاعضاء عندهم القاب بعضها غريب وبعضها مضحك
وفي القاب جادة جدا المهم انا ما حاذكر القاب معينة انا بس عايزة اعرف السبب
في اطلاق اللقب شنو واتمني انكم تفيدوني ...
حابدأ بنفسي لقبي السمحة....ليه
لحظة اعجاب بنفسي ورضا كبييييييييير وفي الوقت داك اشتركتا في المنتدي
واول لقب خطر علي بالي كتبته بعدين بقت تعجبني حكاية اني اول ما اسجل
دخولي في المنتدي بتكون رسالة الترحيب مرحبا بكي يا السمحة بشعر بالاطراء
مع اني شينة شنة مرة ....بس بتكون حلوة معاي وبتضحكني..

شايقية · 11-11-2007, 02:00

إزيـــــــــــك يا سمــــــــــــــــحة ..
وزي ما قـــال الرائـــع : مصطفـــى سيــــد أحمــــــــــد
سمحــــــــــــة وسمـــــــريـــــــة .. محبــــوبتــي ولفتــــاتـــــــا ..

انــا لمن جيــــت صـــراحة حكيــــت راســـي كتيــــر وقلتـــــا

"الشوايقــة أهــلي الحنــان ..
عندهــم قلــوب مسقية بمويــة فنـــان..
وهمســات شوقــن عطــر فتــان..
وحروف قصيــدن بتشجــي الكيــان ..
ونغمــات غنــاهم تنــحت فــي الوجــدان ..
غرســو جوانــا حــب الشــعر حــد الإدمــان ..
وخلـــونا نقــول الشوايقــة نــاس بكايــين وجـــد حـــنااان ..

فعشــــــــان كـــــــــــدا إختـــــــرتــــــــــا اسمــــــــــي ( شـــــــــــــايقــــيـة )

السمحة · 11-11-2007, 21:59

العزيزة شايقية
تحياتي
والله كلامك جميل وفعلا الشوايقية اهل الحنان والحب والشعر المعبر والجميل
مشكورة علي المرور ودمتي..

كسلاوية · 11-11-2007, 22:09

اقتباس:

المشاركة الأصلية كتبت بواسطة السمحة

العزيزة شايقية
تحياتي
والله كلامك جميل وفعلا الشوايقية اهل الحنان والحب والشعر المعبر والجميل
مشكورة علي المرور ودمتي..

فعلآ الشوايقة أهل الحنان وربنا يخليهم ...

وانتي عارفة السبب خليها بيني وبينك ..

الصمت الجريح · 12-11-2007, 06:21

يالسمحه

يعطيك ربي العافيه

موضوعك جميل

عني انا (الصمت الجريح )

لا اعلم هل غدوت جزءا منه ام بات هو جزءا مني
فقط ما ادركه انه يلازمني منذ 4 سنوات

ولم اختره انا

بل اسمتني به الأيام

تسلمي اختي

بنت الشاطئ · 12-11-2007, 10:02

سلامـــــــــــــات يا السمحــــــــة

بالنسبه لي لقبي ((بنت الشاطئ ))

ليه سببين

اولا لاني من بورتسودان وساكنه جنب الشاطئ وكده وفحبيت الشواطئ

تانيا نسبه ل(عائشه عبد الرحمن )كاتبه واستاذه مصريه كانت فخر لكل

امرأة عربية ومسلمة في كتاباتها وكانت تلقب نفسها ببنت الشاطئ

عروس الرمال · 12-11-2007, 10:08

السمحة احييك على الموضوع الجميل
اما عن لقبى فانها مسمى لمدينة الابيض " عروس الرمال " فلها فى دواخلى ود خاص فتمنيت ان اصبح عروسا لرمالها وكلما تاتنى رسالة الترحيب من المنتدى احس باحساس جميل وتعود كل الذكريات الجميلة فى عروس الرمال

السمحة · 12-11-2007, 21:22

العزيزة كسلاوية
تحياتي
ربنا يخلي الشوايقية وفعلا انا عااااااااارفة السبب بس مافي
داعي لشماراتك
وبعدين انتي ما وريتيني ليه كسلاوية .....

السمحة · 12-11-2007, 21:25

الصمت الجريح
تحياتي
مشكور علي مرورك الجميل والكلمات المعبرة..

السمحة · 12-11-2007, 21:32

العزيزة بنت الشاطئ
تحياتي
مشكورة علي المرور...والرد
يا بختك ببورسودان الجميلة وهواء الشاطئ العليل...