طلاب الهند بحيدر اباد

student · 06-11-2007, 09:37

السلام عليكم ورحمة الله تعالى وبركاته
والله العظيم كلها حقيقة انا طالب حاليا فى حيدر اباد لى زى سنة ونص كده من ضمن المشاكل الجامعة الى اسمها مانيبال و90%ا من الطلاب السودانيين بيدرسوا فيها الله يلعنها فى القبل الاربعة اول حاجة تعليلم عند بعد يعنى غاشين نفسنا مافى محاضرات ولا اى شى ثم ثانيا بياخدوا فلوس اكتر من العثمانية وشوف لو شلت مادة واحدة لازم تنتظر حكاية ستة شهور علشنان تمتحن المادة والله انا لو عارفها كده ماكان جيت من السودان انا اخف قدر بدرس ماجستير وطيب ماحكاية الطلبه البيدسوا بكلاريوس وطول السنة نووووم شديد وحايمين بى مواترهم واهلهم بيرسلوا ليهم فى المصاريف شهريا والراس قرعة لا انجليزى ولا علم والله العظيم الحاجة الى اكتشفتها انه جامعة مانيبال فى حيدر اباد والى هى اصلا عندها كليات تابعة ليها مثل مقل وا اكمى وامريا بس ديل قاعد ين يخصلوا القروش ويدوك الكتب تجى الامتحانات تمشى تدورها انت وحظك جامعة ربحية لا غير والله ماعارفين نعمل شنو انا طلعت من اهلى قلت ليهم بحضر الماستر وبجى وعيب على اجيب شهادة زى دى الله يسهل بس وسمعت انه فى الفترة الاخيرة دى السفارة الهندية مابتدى فيزا من مانيبال طيب ديل زمان كانوا وين لحدى ماوقع الفاس فى الراس الطلبة الجدد معظمهم بيجوا عن طريق معهد زوووم وبغيروا الاقامة فى البوليس وبيسجلوا فى الكليات الزفت دى نحنا الطلاب الضحية ونرجوا من السفارة او وزارة التعليم العالى التدخل فى الموضوع لانه مصل هذا بيدخل مستقبل الوطن فى ورطة طلاب بلا علم وهسه مامعروف الواحد بيرجع لاهله متين والله طل الطلاب عايشين نفس الاحساس احتمال ماعدا جامعة العثمانية طبعا هى الافضل الكليات كلها التابعة لى جامعة مانيبال كلها زفت والله مافيها اى محاضرات كلها تعليم عن بعد ونظامهم زى الزفت بس عايزين الدزلة تستفيد من الطالب الاجنبى كل ماياخروك الدولة والجامعة هى المستفيدة لانه بتجيهم قروش بالدولار والله حال الطلاب هنا حدث ولاحرج كلموا اهلنا قولوا ليهم صلوا علينا وعلى اولادكم صلاه الغائب ونرجوا من جهات الاختصاص التدخل فى الموضوع ونرجو منك المساعدة يااخواننا وان تنشروا هذا الموضوع فى الجرائد والمنتديات وانا المشكلة كلها بختها فى السفارة لانه ادونا فيزا وما عارفين الحاصل فى الجامعة بالظبط شنو
اتفاجانا حقيقة والله
لاحول ولا قوة الا بالله العلى العظيم
انا لله وانا ايه راجعون

وصلى الله على سيدنا محمد وعلى اله وصحبه وسلم

ECHOO · 06-11-2007, 13:35

هوي يا student ده شنو بطل حركات الهنود دي

A.Abass · 06-11-2007, 15:20

كدي جييك يا اخوي، لأنو عندي صحبان كمية في حيدر بتاع دي .

الأسد · 06-11-2007, 15:41

أخ Student أولاً مرحب بيك في المنتدى ..
لا حول ولا قوة إلا بالله .. دي مصيبه دي ..
أنا عندي أقاربي ,اصحابي قروا في الهند بس في مدن تانيه تقريباً والحمدلله رجعوا في زمن عادي مدة البكالريوس بس .. بس حيدرا أباد دي ما عندي عنها خلفيه .. ب س لو بالطريه دي بالجد مصيبه للطبله ولأهاليهم .. أحسن منها كتير انك يقرأو هنا أو في جامعات عربيه إذا لابد انها تكون بالخارج ..
والكلام ده قريب ولا طول وساكتين عنها الطلبه هناك ؟؟
ووين السفاره السودانيه من الكلام ده ؟؟

student · 06-11-2007, 16:55

مشكورين على المرور وجزاكم الله الف خير
الكلام ده تقريبا طول والسفارة كانت بتدى الفيزا للكليات دى بس نحن رحنا ضحيا وانا بتكلم ليكم من واقع عايشه وعايش ومعظم الطلاب البيدرسوا حاليا او النايمين حاليا عايشين نفس الاحساس وماقادرين نعمل اى حاجة هسه حاليا صاحبى كلمنى انه السفارة اكتشفت حالة الكليات انها تعليم عن بعد مافيها محاضرات انه السفارة مابتدى فيزا حاليا لو الطالب جاه قبول من الجامعة الزفت الى اسمها مانيبال تووووووف عليها اخيرا عرفوا الحاصل شنو بالضبط وطيب مازنبنا نحن الجينا ودخلنا ديل نفوض امرنا الى الله
وبعد ده كله مافى طلاب بيستلموا شهاداتهم فى الفترة المحددة للماجستير او البكلاريوس لازم ياخرونا سنة او سنتين واللح دبرسة شديدة وعادة معظم الطلاب لو الواحد جاه طالب جديد مابيوريه الكلية بالضبط الحاصل عليها شنو طواااالى بيدخلوا فيها والهنود عايزين فلوس لاغير هسع حاليا بعد السفارة عرفت الحاصل وقفوا الفيزا للجامعة دى لكن بعض الطلبه بيطلعوا قبولات من معهد اسمه زوووم بتاع كورسات كمبيوتر ولما يصلوا الهند بيغيروا الفيزا من المعهد للكلية التعليم عن بعد وبعدين نظام الكلية تافه جداااااا بس عايزين يستنزفوا الطالب اكبر قدر من المال لكن المشكلة اين سفارة السودان بالهند من المفترض تجى وتقيف على حال الطلاب وتعرف الحاصل عليهم شنو

.

monytop · 06-11-2007, 18:57

سلامات

ياولدنا الطلاب نخش فى الموضوع توش كدا

يلا انا قبل فتره كانت زانه لى الهند دى زنه شديده

فى راسى وكنته عاوز امشى اعمل لى كم كورس

كدا ، المهم الخطوه الاوله جيت فى المنتدا دا سالت

اول حاجه والجماعه رسونى على البر ماقنعته تانى

بره سالته والفهمتوا انو حيدر اباد احسن حته فى الهند

فيها كميه من المسلمين وامنه وفيها معهد زوم دا معهد

كويس ودخلتا الموقوع حقوا وعندهم نافذه اون لاين بتسال

عن اى شى عاوز تعرفوا حتى الاسعار فيهوا تمام وبرضوا فى

معهد دبت بس دا ماعارفتوا فى ياتوا ولايه بس ممتاز بستلمك من

المطار وكل شى عليهم بس تنضف مخك دا وتجى تمام حتى من كترت

سوالى لميت فى ريس الرابط بتاعت السودانين اخوه قال لى ماعندك مشكله

اول ماتمشى بجيهك وبرضوا فى بعض الزملاء المهم بس قالوا

الهند صعبه شويه لى بت براها خصوصا الحجه

خرخرت وقالت ماماشه معاى . يعنى من كلامى

دا دايره اطلع ليك بى حاجه واحده بس انته وغيركم اولاد

لو فعلا حته واحده ماظبطت ممكن تشفوا غيرا مافى مشاكل

بس الركلسه والتسيلم للامر الغير واقع دى هى المشكله

وتحيه ليك ياولدنا

student · 06-11-2007, 22:59

مشكورة مونى توب على المرور وجزاكى الله الف خير بالنسبة لدراسة الكورسات والله ممتازة جدا مع انه البلد قاسية وصعبة شدييييييييد نحن الاولاد متجرسين منها لكن لو صبرتى حتكون الفائدة بالعلم ولانجليزى
ربنا يوفق