تخاريف قلم

ارهابيه · 05-11-2007, 14:51

* تقول المذيعه المعروفه : هلا حبيبي شخبارك ..
مهلا .. أتحبين كل من يتصل بالبرنامج وتهمك اخباره ؟

* أغرب ما قيل في دعاية مشروب (( اشرب كوكاكولا لانو انا ما بشؤب الا كوكاكولا ))..
أنا احب اغانيها ولكن لا يهمني ماتشرب , ولن اترك شرب (الاستيم) لانها تشرب الكوكاكولا ..
* قالت وبكل جديه أمثل ادوار الاغراء ولكن لا امارسه في حياتي ..
وما الفرق ؟
* هذه الفنانه ساقطه .. أشمئز منها .. ولكني أحفظ أغانيها وحركاتها وتغنجاتها عن ظهر قلب ..
ما هذا ؟
* تقول الحمد لله ربنا وفقني وحقق البومي نجاح كبير واذا ربنا وفقني حا اصور اغنيتي بعد رمضان..
... بدون تعليق ...

ECHOO · 06-11-2007, 13:34

اقتباس:

المشاركة الأصلية كتبت بواسطة المتميزة

تقول المذيعه المعروفه : هلا حبيبي شخبارك ..
مهلا .. أتحبين كل من يتصل بالبرنامج وتهمك اخباره ؟

دي فاقده حنان

اقتباس:

المشاركة الأصلية كتبت بواسطة المتميزة

أغرب ما قيل في دعاية مشروب (( اشرب كوكاكولا لانو انا ما بشؤب الا كوكاكولا ))..

أنا احب اغانيها ولكن لا يهمني ماتشرب , ولن اترك شرب (الاستيم) لانها تشرب الكوكاكولا ..
.

طبعا ناس الدعايات ديل بوهموك كانو انته لمن تستعمل المنتح حيدوك معاو الفنانه ولا الجكسويه الفي الدعايه هديه .علي قول ساينفيلد

اقتباس:

المشاركة الأصلية كتبت بواسطة المتميزة

قالت وبكل جديه أمثل ادوار الاغراء ولكن لا امارسه في حياتي ..
وما الفرق ؟ .

مافي فرق.

اقتباس:

المشاركة الأصلية كتبت بواسطة المتميزة

هذه الفنانه ساقطه .. أشمئز منها .. ولكني أحفظ أغانيها وحركاتها وتغنجاتها عن ظهر قلب ..
ما هذا ؟ .

هذه نسخه منها

اقتباس:

المشاركة الأصلية كتبت بواسطة المتميزة

تقول الحمد لله ربنا وفقني وحقق البومي نجاح كبير واذا ربنا وفقني حا اصور اغنيتي بعد رمضان..
... بدون تعليق ...

اكيد قايلاو عمل عمل خير .

حسن فاروق · 06-11-2007, 19:00

اقتباس:

هلا حبيبي شخبارك

(لبنانية)قاصدة مرحب أخوي كيف حالك (للترحيب)

اقتباس:

انا ما بشؤب الا كوكاكولا

إبتزاز للمستهلك وإستغلال نقطة ضعفه وهي (التقليد) بالذات في مجتمعاتنا

اقتباس:

ادوار الاغراء

لوقالت أمثل أدوار ملتزمة ولكنها لاتشبه واقعي لصدقناها

اقتباس:

أشمئز منها .. ولكني أحفظ

هذا إنفصام في الشخصية

اقتباس:

تقول الحمد لله ربنا وفقني وحقق البومي نجاح كبير

إختلط الحابل بالنابل ( زي عندنا السكران لما يترتح ويجي يقع بقول يالله)
يطلب الرفق من الله وفي نفس الوقت يعصيه.

ارهابيه · 06-11-2007, 19:44

اقتباس:

المشاركة الأصلية كتبت بواسطة ECHOO

اكيد قايلاو عمل عمل خير .

أنا زاتي قلت كده ..
وحقت ساينفيلد دي عجبتني .. لكن صدق ما جايه مع الدعايات السودانيه ..

ارهابيه · 06-11-2007, 19:50

اقتباس:

المشاركة الأصلية كتبت بواسطة حسن فاروق

إختلط الحابل بالنابل ( زي عندنا السكران لما يترتح ويجي يقع بقول يالله)
يطلب الرفق من الله وفي نفس الوقت يعصيه.

أنا اتخيل لي هنا السكران بكون نطقها اتوماتك لكن العتب على الصاحيييييين ديل ..
مشكور على مرورك حسن فاروق ..

monytop · 09-11-2007, 03:10

سلامات

المتميزه انا صراحه كل يوم بمشى وبجى بقرا البوست كل

وزى ماعارفه وبقولا عديل انا معجبه بى مواضيعك معظما

اها بعد المقدمه دى ........

المشكله الواحد من كترت البهرجه واختلاط الحابل

بالنابل بقا ماقادر يفرز بين الفيدوا كليب والدعايه

بين الدلع ونطيط الفنانات فى اغانى الاطفال

بقا لاعارف الواوه من اروى عطشك

واخر السنه نظام زكاة اموال ولا كفارت زنوب

حفله خيرى وحمله وطنيه الواحد لما بقا زاتوا مخرف

ومشتى ......................

شايقية · 11-11-2007, 02:53

المتميـــــــــزة دائمـــــــــــــــــا

ما عارفة اقول ليك شنو لكن التلفزيون دا خلانا زي الناس العندهم ( شيزوفرينيا )

تكون قاعد تتفرج يجيبو ليك برنامج ديني .. والمعاصي وسلبيات القنوات .. والحاجات البقت تعرضا .. وتقول القناة دي خلاص ما دام جابت البرنامج دا قناة ملتزمة .. وحياتك يخلص البرنامج الديني بي جاي .. يدخلو ليك في المسلسلات والأفلام .. والأغــاني ..

ناهيك عن الدعايات .. البقت اصلا ما ليها علاقة بالمنتج المعروض .. انا معظم الدعايات ما بكون قادرة افهم هي شنو .. وما بتفهمي الا في نهاية الدعاية ..

كل حاجة بقت بالمقلوب ..

ولا الفنانة تجي تقول ليك والله البومي نجح وصورتا كم فيديو كليب ( كتر خير الله ) .. والله كتير موفقني بكل عمل بعملو وفيديو كليب بصورو .. ( عليك الله دي ما شيزوفرينك عديل كدا ) .. حسي هي واعية للبتقولو دا

اما عن القوم التبع ديل خليهم ساي .. يعني ابسط مثال تلقى مجتمعنا يحفظ في الاغاني الاجنبية ومبسوط انو حافظ ليهو كم كلمة انجليزية .. وتلقى ما فاهم نص الكلام .. وما عارف انو دي اغنية هابطة وعيب حتى تتغنى .. لكن كل حاجة بدون وعي .. ما عارفين انو ناس برا في المجتمعات المحافظة بمنعو اطفالن يسمعو اغاني زي كدا .. وبعتبرو الناس البغنو اغاني زي كدا ناس بتاعين شوارع ما مربيين ..

والله الزول بقى يخجل يقعد في التلفزيون مع اهلو .. لانو حتى مسلسلاتنا وافلامنا العربية .. بقت زي الاجنبي واحد .. لا حياء .. ولا خجل .. ولا خـــوف من الآخـــرة .. ولا رهبـــة من يوم حيتحاسبو فيهو ..

غايتو لا حول ولا قوة الا بالله .. الله يصلح مجتمعنا .. ويصلحنا جميعا ..

يديك العافية ..موضـــوعك رائـــع ... وبالجد مشتـــاقيــــــن ..

ارهابيه · 12-11-2007, 00:40

موني نورتي البوست ..
وعلى قولك الواحد بقى ما عارف هو مخرف ولا هم المخرفين
ولا منو المخرف لكن صدقيني في خرف حاصل ..

ارهابيه · 12-11-2007, 00:58

يا مرااااااااااااحب شايقيه شخصيا معانا في التخاريف.. التخاريف نورت ..

اقتباس:

المشاركة الأصلية كتبت بواسطة شايقية

ماناهيك عن الدعايات .. البقت اصلا ما ليها علاقة بالمنتج المعروض .. انا معظم الدعايات ما بكون قادرة افهم هي شنو .. وما بتفهمي الا في نهاية الدعاية ..

[COLOR="red..

[/color]

انتي عارفه انو في دعايه بتتعرض ليها زمن لكن لحدي حسي ما عرفتها دعاية شنو ..
والفهمتهم ما عرفت الرابط العجيب بين الدعايه والمنتج ما عارفه المشكله في مخي ولا المشكله وين ..