تخاريف قلم - الصفحة 3

ارهابيه · 13-05-2008, 16:45

اقتباس:

المشاركة الأصلية كتبت بواسطة البرق

[

شر البليه ما يضحك

بالنسبه للفن عموما" انا اعتقد انو سلوك الفنان ليس له علاقه باستماعي واستمتاعي بفنه فاذا كنت اطرب لأغانيه فهذا لا يعني بالضروره ان يكون هذا الفنان علي خلق ودين وينتمي الي اسره محترمه..... فلا بد من (فرز الكيمان )........

[/color]

الاخ البرق ....
ما يدرو الان في الساحه الفنيه عباره عن مهزله وليس فن ... وبالنسبه للمطربين فهم يعدون على الاصابع ..
ونقدي هنا موجه الى الاكثريه ...

تخريمه صغيرونه..
هل سمعت بفنان على خلق ودين ؟؟؟

الفنان · 14-05-2008, 10:17

أختنا المتميزة ..
يديكم العافية كلكم .. وشايف إسمك الجديد دا ما في زول لاتو على لسانو دحين أخيتي أبقي علي قديمك أحسن ليك ولينا .. خليه الإرهاب دا خاصة اليومين ديل ..
عودة للتخاريف والتي ليست تخاريف كما قال أخونا البرق .. لكن فلندع الأقلام تسخر من الواقع الغير مرغوب فيه أو دعونا نسميها مرارات الواقع المرفوضة ..
أنا بضم صوتي لصوت أخونا الطائر صاحب التحليقة العزيزة علي ولنعلنها حرب على القنوات الفضائية .. والله أخي نورس أنا شايف دا ما كفاية .. خليها حرب ضد التلفزيون .. عديييل .. حرب ضد الشاشة الفضية وندعو لقفل الجهاز نهائياً ويجب أن يكون محله في الأندية والمحلات والقهاوي والمطاعم فقط .. بعيداًَ عن جو الأسرة والأطفال والناس الكبار زاتم .. يلا وتعالوا كل واحد يقول مضرة من المضرات التي يسببها له التلفزيون .. بعدين نشوف لو عندو فائدة :
قاتل للوقت .. لا دي عامة .. فصل شوية ..
لاهي .. يعني يؤثر في الواجبات الخاصة والعامة ..
مانع للإطلاع ..
مانع لمراعاة الأطفال ..
مانع عن العبادة ..
مضيع لوقت الصلاة
مكبل للعقل عن الإبداع ..
مشوش للأفكار ..
موجه لأفكار ضارة
قدوة غير حسنة للأطفال
مربي سووووء
رفيق سوء
معلم غير سوي
كارثة على عقول الأطفال
مصيبة على الكبار
...
...
يلا كملوا .. وبعدين ما براه بجر معاه بلي ستيشن .. وفيديو .. أما النت فتعالو بعدين نقول عنه شوية لأنو يادوب أنا عرفت إنو في حاجة إسمها إدمان للنت ..
............

تخريمة ...
ياتو فنان يالبرق البتقصدو ...........

لكم جميل تحياتي

عروس الرمال · 15-05-2008, 21:51

[quote=الفنان;165694][font="Arial Black"][size="4"][color="DarkRed"]أختنا المتميزة ..
يديكم العافية كلكم .. وشايف إسمك الجديد دا ما في زول لاتو على لسانو دحين أخيتي أبقي علي قديمك أحسن ليك ولينا .. خليه الإرهاب دا خاصة اليومين ديل ..
عودة للتخاريف والتي ليست تخاريف كما قال أخونا البرق .. لكن فلندع الأقلام تسخر من الواقع الغير مرغوب فيه أو دعونا نسميها مرارات الواقع المرفوضة ..
أنا بضم صوتي لصوت أخونا الطائر صاحب التحليقة العزيزة علي ولنعلنها حرب على القنوات الفضائية .. والله أخي نورس أنا شايف دا ما كفاية .. خليها حرب ضد التلفزيون .. عديييل .. حرب ضد الشاشة الفضية وندعو لقفل الجهاز نهائياً ويجب أن يكون محله في الأندية والمحلات والقهاوي والمطاعم فقط .. بعيداًَ عن جو الأسرة والأطفال والناس الكبار زاتم .. يلا وتعالوا كل واحد يقول مضرة من المضرات التي يسببها له التلفزيون .. بعدين نشوف لو عندو فائدة :
قاتل للوقت .. لا دي عامة .. فصل شوية ..
لاهي .. يعني يؤثر في الواجبات الخاصة والعامة ..
مانع للإطلاع ..
مانع لمراعاة الأطفال ..
مانع عن العبادة ..
مضيع لوقت الصلاة
مكبل للعقل عن الإبداع ..
مشوش للأفكار ..
موجه لأفكار ضارة
قدوة غير حسنة للأطفال
مربي سووووء
رفيق سوء
معلم غير سوي
كارثة على عقول الأطفال
مصيبة على الكبار
...
...
يلا كملوا .. وبعدين ما براه بجر معاه بلي ستيشن .. وفيديو .. أما النت فتعالو بعدين نقول عنه شوية لأنو يادوب أنا عرفت إنو في حاجة إسمها إدمان للنت ..
............

لله درك يا فنــــان .... كلامك فى الصميم وكلو حاصل .. ربنا يتوب علينا منهم جايطين حياتنا اكتر ما هى جايطة

دحيــن دى حلوة ههههههههههه

البرق · 16-05-2008, 03:08

اقتباس:

المشاركة الأصلية كتبت بواسطة ارهابيه

تخريمه صغيرونه..
هل سمعت بفنان على خلق ودين ؟؟؟

يعني قصدك شنو؟؟؟؟؟؟؟؟؟؟؟؟؟؟

الفنان ما عاجبك؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!

ارهابيه · 16-05-2008, 14:22

الفنان صاحب الطله البهيه .. نورت مجددا بعد غيبه من التخاريف ...

انتو صحي يا جماعه شنو لسه معلقين في المتميزة .. الارهاب ده ما نافع معاكم ولا شنو ؟؟

اقتباس:

المشاركة الأصلية كتبت بواسطة الفنان

خليها حرب ضد التلفزيون .. عديييل .. حرب ضد الشاشة الفضية وندعو لقفل الجهاز نهائياً ويجب أن يكون محله في الأندية والمحلات والقهاوي والمطاعم فقط .. بعيداًَ عن جو الأسرة والأطفال والناس الكبار زاتم ..

:jawdrop: حرب ضد الشاشه عديل .. ونقفلوا مرة واحده ؟؟
التلفزيون عندو منافع زي ما عندو مضار .. امكن مضارو اكتر لكن ده ما معناها نسمكروا عديل ونقعد ... ومن منافعه البرامج المفيده التعليميه والاخبار والبرامج الدينيه وو..
وطبعا مسألة التحكم صعبه شويه بالذات في وجود الاطفال لكن ما مستحيله واتخيل لي لو كل زول حرص على اطفالو وتابعهم ما بكون في مشكله .. اما في الناس الكبار فالمسألة مسألة وعي وادراك وحتى لو هو بيحضر برامج فاسده وقفلنا ليهو التلفزيون بلقاها في النت يعني بقت المسأله توعيه ...
وبالنسبه للمضار القلتها دي كلها موجوده وبالذات مسألة تضييع الوقت .. واضيف ليك من عندي كمان انو باثر على النظر لمن نحضرو كتير ..

ارهابيه · 16-05-2008, 14:24

اقتباس:

المشاركة الأصلية كتبت بواسطة البرق

يعني قصدك شنو؟؟؟؟؟؟؟؟؟؟؟؟؟؟

الفنان ما عاجبك؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!

عاجبني وساري بالي ...
وخلي اللخبطه ...

الفنان · 16-05-2008, 23:05

اقتباس:

الاخ البرق ....
ما يدرو الان في الساحه الفنيه عباره عن مهزله وليس فن ... وبالنسبه للمطربين فهم يعدون على الاصابع ..
ونقدي هنا موجه الى الاكثريه ...

تخريمه صغيرونه..
هل سمعت بفنان على خلق ودين ؟؟؟

هههههه
أخي البرق بارك الله فيك وأنت تنافح عنا في غيابنا .. ولو ما كان البوست دا اسمو تخاريف .. كان الشكلة دورت .. لكن نحسن الظن متميززتنا دي عارفة انا الجماعة ديل ما منهم ولا بشبهم ... لكن التعميم ذاتو مشكلة .. الناس ديل فيهم ناس كويسين وبحجو وبعمروا وبقيموا خيمات رمضانية وبرضو بهزوا ............
الله يديكم العافية ،،،

تخ ريممممممممة؟
عروس الرمال شايف (دحين) دي عجبتك .. ألف ليك منها بي كم ؟؟

ارهابيه · 18-05-2008, 21:20

اقتباس:

المشاركة الأصلية كتبت بواسطة الفنان

لكن نحسن الظن متميززتنا دي عارفة انا الجماعة ديل ما منهم ولا بشبهم ...

مش عليك الله البرق ده بتاع لخبطه ..

وبالنسبه للخيمات الرمضانيه لطالما حيرتني هذه الفكره .. فكيف اطيع الله بمعصيته ؟؟ ( بالجد الموضوع ده محيرني ) ...