ابتسامــــــــــــــــــات و ضحكـــــــــــــــات - الصفحة 2

بنت الشاطئ · 07-11-2007, 22:36

تشكر يا فنان ...

علي النكات ...

وحلوه والله ...

HimOvicH · 07-11-2007, 22:44

بت الشاطئ امشى نومى المصحيك شنو الليلة

بنت الشاطئ · 07-11-2007, 23:25

المصحيني كتير الا انتا المصحيك شنو
انا مع المنتدي ده قربتا انطرد من الشغل
ولمن انطرد لي الصباح تاني قعده في المنتدي

بنت الشاطئ · 08-11-2007, 00:24

مسطول ساكنين معاهو اتنين بتاعين كريستال البلح و عندهم عنز بحلبوها لشاي الصباح و كدا
يوم بالليل بتاعين كريستال البلح جو طاشمين لدرجة الدهشة مسكو العنز ضبحوها و جهبزوها و ناموا
الصباح صحوا ماشين الشغل والمسطول راقد في السرير سجارتو قصبة قال ليهم وين الشاي؟
قالوا ليهو مافي لبن قال ليهم احلبوا العنز قالوا ليهو ضبحناها امبارح قال ليهم ضبحتوها كلها؟؟

**** **** ****
سألو الجعلى : ليه إتزوجت القبيحه دى فوق مرتك السمحه ديك ؟؟
الجعلى : الشينه دى لى حليفة الطلاق !!
**** ***** ****
واحدة عمرها 45 سنة زول واحد نقر بابهم مافي
لقطت القريشات العندها كلها وقالت بس أمشي للشيخ
يجيبو لي جاري جري
مشت للشيخ قالت ليه
يا شيخنا أنا دايرة لي عريس والقطر فاتني
قال ليها يا بتي مافي مشكلة
بس جيبي البياض وانا بجيهك
المارقاهو كلو زي 450 الف ختتها للشيخ
بعد ايام سالتو
اها يا شيخنا العريس ظهر؟؟
قال ليها وكمان مغترب
البت قعدت تبكي لمن الشيخ خاف
وقال ليها
يا بتي بتبكي مالك؟؟
قالت ليه
هميت لي ولادة الغربة

قلب حنون · 08-11-2007, 11:12

اقتباس:

أدروب كل يوم يجيهو واحد في المنام ويقول ليهو : أمشي الشمالية عندك رزق هناك قامت مرتو قالت ليهو يا أخي أمشي شوف رزقك دا
أها قاموا سافروا وفي الطريق بعدما دخلوا الشمالية
خلاااااس التعب والجوع هلكم ، فجلسوا تحت ظل نخلة
وقام الراجل وجد ليهو حبة بلحة واقعة فقام نظّفها وأكلها
ونام....في المنام الراجل تاني جاهو وقال ليهو : خلاس
أكلت رزقك قوم أمشي أهلك !!!!!!!!!!

هههههههههههههههههههه

تحفة يا بنت الشاطىء

3ashg hana · 08-11-2007, 18:56

اقتباس:

المشاركة الأصلية كتبت بواسطة بنت الشاطئ

أدروب كل يوم يجيهو واحد في المنام ويقول ليهو : أمشي الشمالية عندك رزق هناك قامت مرتو قالت ليهو يا أخي أمشي شوف رزقك دا
أها قاموا سافروا وفي الطريق بعدما دخلوا الشمالية
خلاااااس التعب والجوع هلكم ، فجلسوا تحت ظل نخلة
وقام الراجل وجد ليهو حبة بلحة واقعة فقام نظّفها وأكلها
ونام....في المنام الراجل تاني جاهو وقال ليهو : خلاس
أكلت رزقك قوم أمشي أهلك !!!!!!!!!!
**** ***** ******
ابكر قال لي حفصه اول ما تسمعى البورى تطلعى طوالى ما تأخرينا قالت ليهو : أبكر ما شاء الله اشتريت عربية ؟ قاليها : عربية بتاع شنو ياخى اشتريت صفارة

**** ***** *******
كان في شركة للجرانيت تكسر في جبال البحر الاحمر وتعمل منو السيراميك وكانو بيكسرو الجبل بالديناميت
ادروب سامع ليك بالحكاية دي ومافاهم شنو الجرانيت وشنو الديناميت المهم حاجة تدمر الجبال
اها قام صاحبنا دا اتشاكل ليهو مع نوباوي والنوبة في كسلا تلقي الواحد شايل ليهو عصاية (عكاز) سمينة ورابط فيها قدام صامولة بتاعت لوري , النوباوي خبط ليك ادروب واحدة في الراس صاحبك دق الدلجة غمران ودوهو المستشفي بعد يومين ادروب فتح , ناس البوليس يحققو معاهو قالو ليهو الزول دا ضربك بي شنو
ادروب قال : الله تعلم يمكن جرميت .
***** ***** *****
ادروب قبضوه ناس النظام العام سكران في حملة ومعاه حبشي وجنوبي مسيحيين دايرين يجلدوهم الجنوبي قال انا مسيحي خلوهو يمشي سالو الحبشي وانت شنو قال مسيحي فكوه قام العسكري انت اكيد مسلم ادروب داير يقول مسيحي طارت ليهو سكت شوية وقال للعسكري : ياجنابو انا مشركين عزيييييييييييييييييل كدا
****** ******* *******
في كسلا في حلة بتاعت نوبة اسمها كادقلي فيها بيوت سكر , يوم الكشة بيكون معروف مافي زول يجي يسكر , وكسلا معروفة بالتهريب , اها يوم في كشة ادروب ما عارف جاء اتملاء عرقي فل , فجأة الكشة كبست لاندكروزرات جد ادروب قام مشتت لاقاهو لاندكروزر قدامو رجع الشارع التاني لقي واحد قدامو حاول يرجع اتحاصر بين تلاتة لاندكروزرات , الضابط نزل مسكو قام ادروب قال ليهو : شنو يا جنابو انا شكران ولا تهريب .
****** ****** ******
واحد من اهلنا العرب ديل عندو ولدو سافر امريكا وليه عشره سنين ما شافو
ومافي عنو اي خبر قام عمك لملم من ناس الحله قروش وطبه شنطتو الهاند باك ومشي امريكا اول ما نزل من الطياره عينو لي زول سوداني لابس عمتو
قام طب قبض فيهو وقال ليهو الا توديني لي جبريل ولدي
الراجل استغرب وعمك ابا يفكو قام قال ليهو كويس ارح انت معاي البيت وانا بوديك لي جبريل ولدك ده
قام ساقو معاو والراجل ساكن في ناطحه سحاب ركبو الاسانصير من النوع الشفاف داك وبدا الاسانصير يطلع وعمك شايف الواطه بتبعدوصلو الطابق 49
وطلعوا تاني وكت وصلو الطابق 99 بقا عمك يشوف السحاب تحتو
قام قال لي الراجل
انته قايلو جبريل منو

هههههههههههههههههههههههههههههههههههههههههه

looooooooooooooooooooooooooooooooooooool

مبالغه يا بنت الشاطئ ... عليك الله كتري لينا .. من الزي دا ..

هههههههههههههههههههههههههههههههه

بنت الشاطئ · 10-11-2007, 11:18

عويـر عـرس ليـهو واحـده
وبـعد شهـر الـمره قـامت ولـدت
قامـو النـاس قـالو لـيهو
يا زول ده شنو الكلام ده كيف؟؟
!!! قال ليهم: اها انجهونا
*** **** ****
ربـاطابي ببيع لـبن

الـمهم عندو زبـون مـحامي
يوم زوجة المحامي غالطت الرباطابـي في حـق يومين

مـدعية انو كان في مطـرة

والرباطـابي مـصر انـو اداهم الـلبن في اليوم البـعدو

زوجها المـحامي تـدخل وقال لـيهو

انحنا ماممكن تـغالطنا ابـدا

الرباطابـي قال ليه

غالـطك كيف وانت الغـلاط فاتح لو مكتب

**** ***** ****
واحد ومرتو نايمين في الحوش ورابطين جمبهم غنمايتهم ..
اتنين حرامية نطوا عليهم .. واحد بقول للتاني نقتل الراجل ونضبح الغنماية وانت عرس المرة ..
الراجل بقول لي مرتو : اها الراي شنو ؟ مرتو : نصبر شوية .. الراجل : انتي بتصبري لكن انا والغنماية ما بنصبر
**** ***** *****
واحد مولانا بحب العضة حب شديد .. معزوم مرة في حتة ومشي معاهو الحوار بتاعو .. اها الحوار قال يشغل عمك بي سؤال عشان يفضي هو للعضة ... قال ليهو انت يا مولانا قصة سيدنا يوسف دي شنو ؟ مولانا بشمر عن يدينو وخاشي على الصينية قال ليهو : ولد ضاع من اهلو ولقوه .....

الفنان · 10-11-2007, 11:40

اقتباس:

يا زول ده شنو الكلام ده كيف؟؟
!!! قال ليهم: اها انجهونا

ههههههههههههههههههههه
هههههههههههه
بنت الشاطي
رهيبات والله

اقتباس:

انحنا ماممكن تـغالطنا ابـدا
الرباطابـي قال ليه
غالـطك كيف وانت الغـلاط فاتح لو مكتب

كسلاوية · 11-11-2007, 21:08

هههههههههههههههههـ
حلوة يابنت الشاطي تسلمي علي النكات الروعة ...