الشريف مبسوط منى

عاشق ألسمراء · 29-10-2007, 15:33

نسمتمع اليومين ديل لأغاني بنات منتصف القهر بعد التعجب
وأصوات ما بعد طور البلوغ
وفووووووووق ده كلو تجي ندى القلعة وتقول الشريف مبسوط مني
عشان انا بريد فني
وتتحدى وتواعدنا لسع الهمر جاية ها يا جماعة الخير ألشريف
ده زاتو ما بيعرف من التمانية وعشرين حرف غير
حرف الهاء لأنو الضحك شرطو والبنية أخدت اللكسيس هدية ما علاقة شخصية ده كلو ما همنا في شئ
الغايظني في الموضوع وسط المهزلة دي تقووووول سودانا حافظاهو
وما رميت مستواه (كرررررررررررررررررررررررررررر)
سجمنا يا رجال هو شنو وعرض شنو الحافظاه الفنانة في تعذيب ضمائر حية
أظن عرض الفستان البنت أصلا بتغني للترزي
ويفصل بمستوى الفهم الغابن العايز يقطع رقبتها
اها اغنيتك يا ندى أقنعتناوعرفناك مسكينة ومظلومة ولأنك حلوة جار عليك ولد بلدك
وجاب لينا بلو توث وإنتي قاعدة تسبحي وتستغفري الله
يا مثبت العقوووول ثبتها بفهم
صحيح الإختشو ماتو
هسع نحن ذنبنا شنو ولا حنكسب اية من الليكسس ولا الهمر
والشريف اصلا شريف من الشرفاء ولا أنا نازل من بطن أمي وسايق قندران
نازل برجولي وما فاهم شئ
هو الشريف موش بيقولوها للأشراف (زي السيد على والميرغني) ولا نحن أصلا
من زمان ما فاهمين شئ ومرت علينا الإنتخابات وأدينا صوتنا غلط
الله يقلعك أنتي وشريفك
يا شريفة
هسع شريفة دي حبوبتي الله يرحمها ذنبها شنو يا ندى تخوفينا منها وتعادلي الصايع بالشريف
الغايتو في النهاية تموتي انتي وعزانا في حــــــــــــــــــــــــرم النور
الطلعت من تووووووووووبك برررررررررررررركة

وياخوفي الزايد عليك يا وطن من خشم ديل وديل
وانا شرفي حاقظاه ما بتوصى علية
وياهو شرف المعلن عنو في خرج ولم يعد ولد الجيران حتى هو ما سلم منك
وعجبي

JeNjaWeD · 30-10-2007, 04:28

هذا زمانك يا مهازل فأمرحي
يا عاشق والله كان جينا للحق نحنا اللوم كلوا علينا
لو ما من البداية الناس ختت قيمة لواحدة زي دي ما كان ده كلوا حصل
الواحد كان بيقول ما علينا وبنغض النظر وما بنفتح خشمنا في حاجات كتيرة
لكن بالجد الموضوع زاد وكان سكتنا اكتر من كده المقصة بتقتلنا
علي العموم موضوعك بضرب علي الوتر الحساس يديك العافية

عاشق ألسمراء · 30-10-2007, 17:04

الأخ جنجاويد اشكر لك مرورك وغيرتك وصحيح محتاجين
لأقلام تصلح ما إعوج
بس يأ اخوي إنت بالذات اعمل اي شئ غير الضرب على (الوتر الحساس)
علشان ما نلاقي البوست ده بكرة على طاولة الامين العام للأمم المتحدة

ويوقولو الجنجاويد بيضربو بإسلحة نارية على الوتر الحساس

ولأنو ندى الخلعة (صحيح خلعة) حسب ما علمت من الجهات ديك والله العالم

فحيكون البوست ده دليل علينا ما اصلو كايسين لينا سبب

software1 · 15-12-2007, 16:04

وين الاغنيه رسلو لينا اللنك

عاشق ألسمراء · 24-01-2008, 19:54

اقتباس:

المشاركة الأصلية كتبت بواسطة software1

وين الاغنيه رسلو لينا اللنك

الله العالم أخوي انا سمعت الإغنية بسيارة
واحد من الشباب
علما بإني زمان كنت ناوي اجيب ندى القلعة
بعــــــــــــــــرسي
بس ياأخي ما لها نصيب تحضر لي عرس
لأني نويت أجيب حـــــــــــــــــــرم النور
عموما اخنا سوفت وير بحت السيديهات عندك يمكن تلقاها ضمن السوفت وير
وأبقى تعال عرسي

ابودرق · 09-03-2008, 01:39

الله اكون في العون الشريف مبسوط مني ماعارفين الانبساطه من اللكزس ولا الهمر والله متعشي فول عكرت علي طعم العشاء