أوهام الريد
كلمات الاستاذ / احمد ابراهيم احمد
انا ما قصرت في حبك ولا عنك شغلتني هموم
وكت شايل جفاك وبعاك في دواخلي سر مكتوم
وكت فاكر حنيني اليك بي حنك يكون متموم
وما قايل أربعة اعوام بي حبك اكون موهوم
***
جيتي خيبتي ظني الفيك اتاريني فيكي كت مخدوع
تملي زمان اجيب اعزار واقول حبي فيك مزروع
وشايفك اغلى من الماس وقايدلك اصابعي شموع
وأقول مشغولة بي قرايتك اتاريك ناسية للموضوع
***
خسارة عليك قليبي العاش مصدق فيك قصص وأوهام
وعاش حافظ عهود ريدك زي ما حافظ رويحتو تمام
وما بيكفيهو تمجيدك ولابس ريدك انتي عمام
داير اقولك يا سميرة الروح الريد سكني الترحام
***
في نهاية القول يا مخادعة بدور اديك نصيحة قصير
كوني صادقة في مشاعرك وجربي يوم نار الغيرة
وضوقي طعم حناضل الريد وكيف نارو بيتم تشعيله
وخليك فاكرة انو الكذبة مهما تطول دروبة قصيرة
.gif)
اوهام الريد
العرض العادي
