زيزي إلى القفص يارب ينتم

الفنان · 24-10-2007, 16:22

يضع أخونا العزيز معتز زيزي اللمسات الأخيرة لشنطة العروسة والتي لم يتم انتخابها حتى الآن ..
ياربي طيب المقاسات بعمل عليها شنو ..
وبعدين كيف حا يتصرف مع الجكس الواقف صف دا ..
في كل الأحوال
نسأل الله أن يتم له بكل يسر وسعادة
ويام العروووس جينا ليك وجبنا العريس وجينا نباركو ليكي
وابشر يا عريس

الأسد · 24-10-2007, 16:32

ربنا يتم ليه على خير ... طال انتظارنا

لكن يا الفنان لقيتك .. حافظ كويس .. يعني السيره ما عندنا فيها مشكله بعدين

bad boy · 24-10-2007, 16:44

الف مبروك يا زيزي و ربنا اتمم علي خير يا رب

الفنان · 24-10-2007, 16:53

اقتباس:

لكن يا الفنان لقيتك .. حافظ كويس .. يعني السيره ما عندنا فيها مشكله بعدين

ماعندك أي مشكلة يابو الأشبال ما عايزين منك غير حق الفرقة ..

**طارق** · 24-10-2007, 18:01

منتظرينك من سنتين .... يا زيزي ..... ربنا يتم ليك على خير ؟
ومبروك من هسي ...

3ashg hana · 24-10-2007, 18:06

عزيزي زيزي ..الف مبروك عليك وبالعديل وزين ..

الف مبرووك .. زيزي .. أخيرا" سقطت اخر قلاع الــــ (العزوبيه)..

ألف مبرووك .. حبيبنا زيزي .. وعقبال لشباب كلهم يارب ..

الفنان .. خبرك جميل مثلك تمام .. شكرا" لنشر الفرح فينا ..

وكل أحترامي ..

تخـــــــــــــــريمه :.

يحننوك ويجرتكوك يازيزي .. مبرووك عليك ..

ود اليوم الدايرنو ليك يازيزي مبروووك عليك..

HimOvicH · 24-10-2007, 18:06

الف مبروك و الله يا مان!!

سودانى · 24-10-2007, 18:12

تعرف دي بقت زي بتاعة كتاب المطالعة الزمان ديك

شرف والاسد
بس المرة دي عندي احساس انوا الزول دة جادي

ربنا يتم علي خير

وتقلبها بالمال وتغلبك بالعيال

الف
الف الف
الف الف الف
الف الف الف الف
الف الف الف الف الف
الف الف الف الف الف الف
الف الف الف الف الف
الف الف الف الف
الف الف الف
الف الف
الف

مبروك

**معتز زيزي** · 24-10-2007, 18:27

اقتباس:

منتظرينك من سنتين .... يا زيزي ..... ربنا يتم ليك على خير ؟

ليتك تدري بكميات الشوق والحنين للعودة إلى أحضان الوطن ...
نعم طالت السنين وطالت غربتنا ... ولكن قريباً سأكون بحواركم ...
وصديقي الفنان يؤازرني هذه الأيام في تحزيم حقائبي إستعداداً لدخول القفص الذهبي
وكثيراً ما أتخيل تلك الليلة وأنتم بجواري تبشرون وتهللون و تشاركونني الفرحة
قريباً جداً أخي طارق بإذن المولى العلي القدير ... دعواتكم

اقتباس:

لكن يا الفنان لقيتك .. حافظ كويس .. يعني السيره ما عندنا فيها مشكله بعدين

بالمناسبة يا الأسد أخونا الفنان دا فنان كبير وذو حس فني رفيع وحالف يجي يغني لي في حفلتي ...
أها قصر ...؟؟؟؟ يعطيك العافية وتشوف جناك وجنى جناك

اقتباس:

الف مبروك يا زيزي و ربنا اتمم علي خير يا رب

الله يبارك فيك ... ومن حسي أنا بقدم ليك الدعوة ....

اقتباس:

يضع أخونا العزيز معتز زيزي اللمسات الأخيرة لشنطة العروسة

طبعاً شاركت خالتي المتواجدة هنا بالسعودية في إختيار الشنطة وأنا ما كنت قايل الحكاية فيها "تناسق الوان" أها كمان عملت ليها فيها "دافنشي" .... ومن حسي الداير شيلة مدنكلة يرسل الشرتيتة بس والباقي علي ..... هيع وتاني هيع

اقتباس:

ياربي طيب المقاسات بعمل عليها شنو ..

الشباشب مقاس 37 - والملابس medium ... أها لقيت أخوك كيف ...؟؟؟ تفتيحة مش..؟؟؟

اقتباس:

وبعدين كيف حا يتصرف مع الجكس الواقف صف دا ..

المقسومة ما بتنفات يا فنان .....