الكرسي الساخن : HimOvicH :مسافرون فى سفينة الاحزان شيخنا مرتزق وقائدنا قرصان

3ashg hana · 23-10-2007, 21:25

أحبتي في صرحنا العملاق .. لكم التحيه ..

ها نحن اليوم .. نستضيف هنا في الكرسي الساخن .. شخص محبوب لجميع ..

كم نحن محظوظين ان يكون بيننا .. جميل الكلمات .. رقيق الأحاسيس ..

شفيف الكلمات والمعني .. أمتعنا كثيرا" في كل مشاركاته.. ولازلنا نتظر منه الكثير والكثير ..

عودنا دائما" .. أن يتناول الموضيع الصريحه و الحساسه .. برصانه المعني.. وحلاوه الاسلوب في ردوده ..

نعم أخوتي الأفاضل يجلس علي الكرسي الساخن ..

HimOvicH..
فتفضلو احبتى بالقاء اسئلتكم عليه ..

3ashg hana · 23-10-2007, 21:27

مرحبا" بك يا عزيزي ..

أولا" ..

البطاقه الشخيصه ..

**معتز زيزي** · 23-10-2007, 21:33

يا هلا ويا مرحبا ويا دشليون هلا ...
مين HimOvicH..

دقائق بس أمشي أجيب سلكي ...

وكدايسي ....

وألف الخيمة وأجيك .... خليك جاهز

تخريمة - عاشق هنايه ديك مشتاقيييين شديد وبركة الجيت

ارهابيه · 23-10-2007, 22:13

والله يا مرااااااااااااااااااحب ..
( جد كده يعني ) يا عاشق هناء ما قصرت معانا ..
وبسم الله نبدأ ..
في الاول نديك حبة أسئله كده عشان تسخن بيها ..
1/ بما انك بتصف روحك بالمتحرر .. دايرين نعرف رايك في المرأه السودانيه .. وهل هي في طريقها الى التحرر والتحضر أم الى التخلف مع توضيح معنى التخلف والتحضر في نظرك .. وعندما نطلق لفظ متحرر ماذا نعني بالتحرر ؟
2/ هل تعتقد أنه يمكن ان يصبح السوان من اهم الدول السياحيه في العالم ؟
3/ ما هو رأيك في الزواج العرفي ؟

ولي عوده

HimOvicH · 23-10-2007, 23:28

السلام عليكن ....

بغض النظر طبعا يا عاشق هناء .. عن العنوان الجميل (تجلس عليه) !!

و كمان عن كدايس زيزى الماعارفهم جايبهم ليه؟؟ (كدسيتين كمان ولا كديسة)

و المتميزة شكلها خاتاها لى ليها زمن و دوبها لقت فرقة قانونية!!

ممكن نبدأ بالبطاقة الشخصية اول حاجة (ماعندى طبعا بطاقة شخصية و لا رخصة)

لكن فى جواز ...

إبراهيم حسن أحمد جبريل

1984-08-21

مولود بمدينة كسلا

الدراسة كلها فى السودان و الاجازات فى السعودية

خريج كلية دراسات الحاسبات الالية كمبيوترمان

هندسة كمبيوتر

تانى فى حاجة؟؟

ما أظن!!

HimOvicH · 23-10-2007, 23:49

اقتباس:

المشاركة الأصلية كتبت بواسطة المتميزة

[b]
1/ بما انك بتصف روحك بالمتحرر .. دايرين نعرف رايك في المرأه السودانيه .. وهل هي في طريقها الى التحرر والتحضر أم الى التخلف مع توضيح معنى التخلف والتحضر في نظرك .. وعندما نطلق لفظ متحرر ماذا نعني بالتحرر ؟
B]

أول حاجة ده كم سؤال حسى بالله عليك ..!!

و الله بصراحة كده أنا ما قصدى متحرر متحرر الكلمة زاااتها .. لكن ما لقيت كلمة تانية أوصف بيها ..

علشان كده أولا التحضر فى نظرى هو ..

بالدارجى الفصيح كده .. إنو ما نكون واضعين فهم معين عن أى حاجة مهما كانت بتمثل للانسان .. يعنى لازم البنى اّدم يفكر فى أى حاجة حسب الوضع الحالى للمشكلة أو الموضوع المراد التفكير فيهو .. التحرر هو .. إنو تثق فى مخك انت .. و فى نفس الوقت ما تنكر مفاهيم و خبرات الناس الغيرك و تمزج الناتج منهم الاتنين .. مع عالمك الخاص أو وقعك .. و زمنك لانو الخبرات دى ما حكوها و كتبوها و رسموها علشان نحفظها و نطبقها .. لكن علشان .. نمشى بنفس وتيرة التفكير اللى جائت بيها!!

أتمنى انو يكون فى زول فهم حاجة!!

اقتباس:

المشاركة الأصلية كتبت بواسطة المتميزة

2/ هل تعتقد أنه يمكن ان يصبح السوان من اهم الدول السياحيه في العالم ؟

بالجد أنا ماعارف هل انتى سمعتينى بتكلم عن الموضوع ده قبل كده؟؟

لأنو ده اكتر حاجة أنا بفكر فيها من سنة و نص!!

بأختصااار كده .. السودان مفروض يبقى اكبر بلد سياحى فى العالم .. مش بس ممكن يبقى بلد سياحى و بس!!

وده كلام ممكن أدعمو بالواقائع مش بالونسة وخلاص!!

اقتباس:

المشاركة الأصلية كتبت بواسطة المتميزة

3/ ما هو رأيك في الزواج العرفي ؟

الزواج العرفى ده رأيى فيهو واااضح .. هو عبارة عن حل ابتكروهو أشخاص عانو من ضغط المجتمع الشرقى اللى اتسبب فى ابعادهم عن بعضهم بسبب او باخر (ماداير اجيب سيرة المساوئ بتاعة المجتمع الشرقى)

و بعدها اتحول إلى .. حل لأشخاص ما مسؤولين او عندهم حاجات معينة فى انفسهم و بقى زى مكاهو معروف عنو حاليا!!

monytop · 24-10-2007, 03:41

هلا وغلا بى احسن زول الكرسى منور والله

وصدقنى تعبته جدا جدا بس يلا دى اسئله على لحدى ماالموضوع يسخن شويه

اول شى اقعد لى هنا عشان عاوزينك تكون مرتاح وانته بتجاوب

بسم الله

1-ما هو مفتاح السيطرة على الذات برأيك ... ؟

2-هل لديك القدرة على فهم الأخرين بسهولة؟

3 -ما هي أمنيتك التي طالما تمنيتيها و تتمني حصولها بوقت قريب ؟

4-عضوين او ثلاثة بالمنتدى تحسهم قريبن من بعض .... من هم ؟

5-لماذا إخترت منتدى سودابست؟

6-من هو العضو الذى تحب ان تراه ؟

7-من هى فتاة احلامك (مطلوب الاشياء او الصفات التى يجب ان تتوفر فى فتاة احلامك)؟

8-لو خيرت بين العلم و المال و الشهرة و السلطة ؟ ايهم ستختار و لماذا؟؟

طيب ياهيمو الاسئله دى لاقتنى وكان نفسى اعرف ردك شنو

ونشوف كدى مدى ثقافتك وبمشى وبجى اكون حضرته اسئلتى

الخاص واستعد جاك بلا

**رغــَــد** · 24-10-2007, 03:59

مااااشاء الله ... اختيار جميل يا عاشق هناء (يديك العافية)

بما انه دي الصفحة الأولى يادووووب .. و الجاي ان شاء الله اسخن

حأسألك سؤالي المعروف (في الكراسي الفاتت) قبل مايجي زول يلفحوا ويسألك هو

ماهي علاقتك بالمطبخ ... والطبيخ؟؟؟

وعشان هو سؤال واحد.... عايزين تفصيل التفصيل في الاجابة... يعني ما اقل من تلاتة سطور

وان شاء الله برجع ليك تاني ...

عشان أسألك بالجد

معتز الخيمة وينها عشان نقفل فيها الكدايس دي بي جوة

عروس الرمال · 24-10-2007, 09:56

وووووووووووووووووووووووووووووسع عروووووووووووووووووووووس الرمــــــــــــــال جاااااااااااااااااات

امـــــــــــــــانة ما وقع رااااااااااااااااااااااااااااجل الليلة

ويحلك الحلة بــــــــــــلة مننــــــــــــا

احم احم
هيمووووووووووووووووووو فيتش

رايك فى الاتى وبصراحة :

الامل
الحياة
الخوف
الفشل
النجاح
الوطن

"]

محطااااااااااااااااااااااااااااااااااااات فى حياة هيمووووووووووووو

كســــــــــلا

كمبيوتر مان

كوالالامبيور " ودا بصراااااااااااااااحة ولا بنااااااااااادى ايشووووووووووووو فاهم " شكلها محطة فاهمة عندك

[CENTER][COLOR="RoyalBlue"]ماذا يعننون لك هؤلااااااااااااااء الاشخاص:[/center][/color]
عاشق هناء
معتز زيزى
ايشووووووووو
الصريح
قلب حنون
رغد
جوجو
البرق
بنت الشاطئ
المتميزة
عروس الرمال

مااااااااااااااااااااااااااااااااااشة وراجعة تااااااااااااااااااااااانى