ركبت حافلة روزا

الفنان · 17-10-2007, 10:49

ركبت حافلة روزا
عاينت في المرايا
وشفت واحدة موزة
حلوة وظريفة جداً
ومعاها ست عجوزة
زعلانة ما دا بوزا

حاولت ألقى فرصة
بي كلمة أو بهمسة
والهمسة تبقى قصة
نتمشى في الحديقة
نتبادل المحبة
ونزيدها حبة حبة
وتجونا في ديارنا
ونجيكم احنا برضو
بي حبنا وشمارنا
تتصافح القبايل
واتجمع الشمايل
تحلى السعادة فينا
في حافلة أو سفينة

فجأة العجوز تصفق
قالت له ياخي قرصة
ياحجة إنت نازلة ؟
يا حاجة لسه بدري
أديني يابني فرصة
وقف خلاص وصلنا
يا حاجة

لكن
انتو
شلتو
القليب
ورحتو
يا حجة لو سمحتو
لكني
ما غلطا
بس
بحفظ
المحطة

المتميزة · 17-10-2007, 12:04

يا فنو يا اخي اتقل
ما تخليك سبهلل
سيب العواره واعقل
البحب من نظره اهبل
******
البنيه سرقت قلبك
وخلتك مفرتك
امكن كمان مخطوبه
خطيبها في الحكومه
بتلقى يا اخي طوبه
وما بتلقى ليك قومه
*******
كمان حفظت المحطه
شكلك عندك نيةرجعه
وانا بقوليك اوعى
ثبت قليبك و أوعى
******
أنا غايتو سويت العليا
وحذرتك من البنيه
عساك تسيب النيه
****
وما تقول دي زوله حاسده
لا لا ماني قاصده
****
بس ما بدور ليك الشاكوش
يااخوي انت شاعرنا وفي القليب المنقوش
********
وخليك من بت الروزا
واتغدى ياخ بكوزة
وما تشتري البلوزة
وسيبك من الدقوسه

الفنان · 17-10-2007, 12:58

الأسد · 17-10-2007, 16:30

ياخي انتو روعه
عايز أقول بلوعه
قال بنظره قلبه هبه
انت من زمن الوهمه
قال حفظ المحطه
بكره تجيهم الكشه
وتلقى مافي أي لمبه

*************
تكون ضعت من جديد
تقعد تفتش في الحديد
كان تلقي روزا في السكه حديد
شغاله في خط المسيد
تركب تاني من جديد
تلقى روحك في المسيد
تفتش تلقى زول بليد
يضحك عليك في نص المسيد
ياخي ما تبقى عنيد
كلام أختنا كان سديد

**********

monytop · 17-10-2007, 16:58

خلوهوا ياياخ فى حالوا اوعا تسلوهوا

امكن يكون عجبها وماقدره توصل ليهوا

ماتزودوا الهم العليهوا ياخى ارجع شوفا

امكن تكون ليلك ملهوفه بس بالظروف

محفوفه ،تمجعكم تانى صدفه وبالقديم

تحكيها ما تسمع كلام حسادك ديل

بعيونوم ماشفوها امكن تكون تحير ومن جمالا للعقيل تطير

المتميزة · 17-10-2007, 23:23

والله ماني حاسده
والله ماني قاصده
بس قصتك ناقصه
وين نظرتها الصامته
وين بسمتها الساحره
أنا ما بدورك تغرق
ما تلقى البمرقك
انا غايتو حذرتك
خليك من الحريقه
والنظره دي العميقه
ماتبقى ام رقيقه
( قال البنيه شطه)
كدي ورينا الخطه

الفنان · 18-10-2007, 09:25

حسن فاروق · 18-10-2007, 09:51

وليه يالفنان تركب حافلة روزا
مادام في ناس شايلاها موزة
وياريتك تقع فــي واحدة كوزة
ياحـــبذا لو كـــانت عــــجـــوزة
تحب لبس موضة وفي الموضة
بالبـــــــــــــــــلــــــــــــــــــــوزة
وسنونة من عيونة مامفــــروزة
وتشوف الرأس من بعيد تحـلف
لأبسة خـــــــــــــــــــــــــــوذة

الأسد · 18-10-2007, 11:06

هي يا موني نحن ما حساد
أسألي القراب عننا والبعاد
خايفنه يقع في ورطه ويروح من المحطه
قلنا يشوف حنك جديد في كافتريا ما جوه حديد

يا فنان أسأل ربك المنان
يديك أحلى من بت عجوزك الكحيان
تحمدو ويزيدك من فضله كمان
وترجع تقول كلام متميزتنا بان

الأسد · 18-10-2007, 11:09

يا فنان ما انتظرنا دقيقه
وتاني زدنا دقيقه
شكلها ما زولتك الحقيقه
نقعد نفتش في البعيده
ولا أحسن نلقى زوله قريبه ...