عيدكم مبارك يالمغتربين

ارهابيه · 12-10-2007, 12:31

انا خصيت المغتربين بالتهنئه دي لانهم جد محرومين من لمة الاهل والجيران ومحرومين من اهم حاجه في العيد وهي اللفة على ناس الحله و ( خم الحلاوة والخبيز ) .. واكيد حا يكونوا فاقدين الحاجات دي كلها
.. عشان كده بقول ليكم كل سنه وانتو طيبين وربنا يحقق امانيكم كلها انشاء الله والسنه الجايه معيدين هنا مع اماتكم واهلكم جميعا وربنا يديكم الصحه والعافيه ويخلي ليكم الغالين عليكم .. والسنه الجايه عرسان (للعذابه) وحاجين (للمنزوجين) ..

haitham · 12-10-2007, 13:35

الف شكر ليك والله العظيم العيد في الغربة هنا والله مافي عيد ولكن الظروف اقوي الدموع فى العين والواحد ماقدر يتصل علي اهلو والله الواحد مشتاق للاهل والاصحاب والعيد واللمة والطلعة والله جزاك الله الف خير وربنا انشاء يجمع الشمل وادعوا لينا ربنا يوفقنا ويوفق الجميع ولكم منا الف شكر

CC3333

ناعس الاجفان · 12-10-2007, 16:18

لك التحيه أيتها المتميزه دائما بيننا وشكرا كتير علي أهتمامك بهذه الشريحه المحرومه من كل جميل

واللنقدر نقولو ليك الله لا يحرمك من عزيز أو قريب وان يجعل أيامك كلها سعاده ويعيد رمضان علي كل

السودانيين وهم أكثر قوه والفه ومحبه

وكــــــــــل عــــــــام وأنتم بخير

nusa · 12-10-2007, 19:34

كل سن والجميع بالف خير وربنا يحقق الاماني للجميع
والله يرد غربة المغتربين

سودانى · 12-10-2007, 19:54

كل عام

والوطن بخير

كل عام وكل ام بخير

كل عام واي شاب ووشابة بخير

وكل عام وكل طفل يضحك يهمس كل سنة وانتم طيبين

كل عام والمشوكش يبري ويستبري والعايز العرس يعرس

والعايز الدبل يدبل

كل عام وكل عشاق السودان فردا فردا بخير

ارهابيه · 12-10-2007, 21:04

هيثم ربنا يرد غربتك انشاء الله .. ناعس الاجفان thankyou على الدعوه الجميله وانت كمان ..
امين يانوسه ... سوداني دبل ده ما معانا ..

ارهابيه · 12-10-2007, 21:08

بس نحن لو نقدر نوصف كيف يكون العيد بدونكم ...
سموه عيد لكنو كيف؟ من غير نسالمكم نعودكم ..
نرتقب حلو الرسائل وقت القدر مانع نشوفكم .....

ابو اسراء · 12-10-2007, 23:48

المتميزة
من يسأل عن اخوتة فى الافراح..ايضا موهبة من مواهب التميز
كل عام وانت بألف خير
وربنا يحقق الاماني

حكم التوم · 13-10-2007, 00:08

عموماً عيد مبارك علينا وعليك وما قصرت معانا
لكين كلامك دا حنني وأخدت لي بكية حاااارة بي زعل
لأني ماعيدت وسط أهلي

حناكة · 13-10-2007, 00:26

كل سنو وانتو طيبين وعيدية خاصة جدا للمغتربين السودانيين في كل مكان
حقيقي العيد برة السودان ماحلو خالص وماليه اي طعم وانا مامغتربة رسمي يعني لكن الان انا خارج السودان وشوفت العيد كيف برة السودان واللة حاررررررررررررر عديل كدة كمية من الشوق والحنين للبلد والاهل وفقد لكل العادات الجميلة العندنا في السودان وزي ماقالت المتميزة ناس الحلة يخشو ويمرقو والشفع يا اللة ياحليل السودان...وبتمني حقيقي من كل قلبي انة اي سوداني مايتحرم من انة يحضر العيد في السودان لكن طبعا لا تسالني بل اسال الظروف؟؟؟؟؟؟؟؟