فيروس ابن كلب

A.Abass · 06-10-2007, 22:49

احبتي العشاق الايام دي في لا حظت انو في فيروس او بالاصح حصان طروادة ضرب اجهزة كتيرة جدا ( والمشكلة انو بضرب registry وبقفل taskmanager+cmd+msconfig) وطبعا دي الوسائل المعتادة البنحاول نوقف بيها virus عشان antivirus يقدر يوقفه .
الفيروس من نوع win32 وفي كم توزيعه منو اشهرها hijack trojan واسم الملف ssvchost.

المهم

دا الطريقة القدرت اشلعه بيها .

طيب في البداية في 3 tools لازم ننزلها في الجهاز
1- SDFIX برحع registrey الى القيم الافتراضية.
2- a-squried من خلاله ممكن نتعامل مع process الشغالة على الجهاز .
3- norman دا antimalware.

الحطوات :
1- نشغل a-squred ونحاول نوقف الملف ssvchost باستخدام ايقونة اسمها kill . كان ما لقياناه ما مشكلة

2- نشغل norman و نخلية يبداء بالبحث في الجهاز كله حاياخد زمن لكن ما نزهج - حنلاحظ بعد فترة انو antivirus العادي بدا يقبض في قيروسات و trojans .

3- بعد داك نفك الضغط بتاع sdfix في حته عارفنها واحسن يكون في c drive .
نعمل اعادة تشغيل للجهاز وندخل save mode ( دخول save mode يتم بالضغط المتواصل على F8 اول ما يفتح الجهاز )

أهمية( save mode بتشغل الجهاز بإستخدام services الضرورية فقط بمعنى انو الفيروس ما حيكون عندو اثر إلا في حالات متقدمة جدا ولرضو مامشكلة . )

نمشي للمكان الفكينها فيه sdfix ونشغل الملف المكتوب عليه run this : حتظهر صفحة cmd او dos يورينا داير يعمل شنو نضغط y و enter .
حا ياخد 10 دقائق وبعد ينتهي حايطلب مننا اعادة تشغيل الجهاز نضغط enter . وندخل على الجهاز عادي . وكدا نكون انشاء الله انتهينا من المشكلة وللتأكد نفتح folder option من tools ونأشر على إظهار فايلات السيستم و الفايلات المخفية. كان اشتغلت معناته انو الموضوع 100 100 . الا ونرجع نعيد الكره بس بي دقة .

في الحالات الابتدائية قد يغنينا sdfix فقط .

نزل :
1- a-squred (http://download5.emsisoft.com/a2HiJackFreeSetup.exe)
2- norman (http://download.norman.no/public/Nor...re_Cleaner.exe)
3- SDFIX (http://downloads.andymanchesta.com/R...ools/SDFix.exe)
حاجة اخيرة بفضل دايما استخدام mcafee network assocaite>

axmeg · 07-10-2007, 02:24

monytop · 07-10-2007, 03:43

سلامات مشكور

انا عندى حركه تانيه الجهاز يكون شغال فجاه تجينى شاشه سوداء

الحاله اطورت بقت تجى حمراء والااقفل الجهاز من البور مافى شط داون

A.Abass · 07-10-2007, 10:13

اقتباس:

المشاركة الأصلية كتبت بواسطة axmeg

مشكور على مرورك الجميل و اهلا وسهلا بيك

A.Abass · 07-10-2007, 10:15

اقتباس:

المشاركة الأصلية كتبت بواسطة monytop

سلامات مشكور

انا عندى حركه تانيه الجهاز يكون شغال فجاه تجينى شاشه سوداء

الحاله اطورت بقت تجى حمراء والااقفل الجهاز من البور مافى شط داون

ممكن توضحي اكتر (مافي كتابة على الشاشة مثلا) .

وانشاءالله ليها حل.

مشكوره على المرور وهلا بيك

ـــــــــــــــــ
تخريمة : شكله جهازك فيه مس شيطاني (ههههه).

سودانى · 07-10-2007, 12:58

اقتباس:

المشاركة الأصلية كتبت بواسطة monytop

سلامات مشكور

انا عندى حركه تانيه الجهاز يكون شغال فجاه تجينى شاشه سوداء

الحاله اطورت بقت تجى حمراء والااقفل الجهاز من البور مافى شط داون

في فايروس كان في احدي المنتديات السودانية

هو البعمل الحركة القلتيها دي

وبديك الكمبيوتر في خطر

A.Abass · 07-10-2007, 13:30

اهلا بيك اخوي سوداني ، ومشكور علة المرور - ممكن تورينا اسم الفيروس إذا أمكن أو نوعه.

monytop · 08-10-2007, 11:34

سلامات

والله ياجماعه مابدى اى اشاره بس بضلم

شايفه اسى بقا الظلام بالالوان

بكون شغاله عادى فجاه بعمل كدا الااقفول من زر التشغيل

كان ضاربوا حصان الترواضه بس نزلته انتى فايروس عمل كلير

لى ملفات الوندس قام شالا برا عديل حاولته اعرف ليكم اسميها

بس اختكم ماكدا مخستكه حبه اها اسى الحل شنو ماتقولوا لى فرمطى

الجهاز مـــــــــــــــــابعرف من امبارح خجلان اقول كدا دبرونى جزاكم الله

خير وشكرا ليكم