### امثالنا السودانية ### - الصفحة 2

بنت الشاطئ · 29-09-2007, 13:15

الحسنة في الملعون زي الشرة في القندول
فى الوش حبايب وفى القفا دبايب
الراجل افجخي بصلة قبل ما يبقي اصلة
مشينا لمكة تغنينا سللت طواقينا
وجه المابيك ما بغابيك

Zankal · 03-10-2007, 06:50

موضوع جميل يابت الشاطي وهاكم ده

بلدا مابلدك أمشي فيها عريان
في جاه الملوك نلوك
وطني ولا ملي بطني
الشينةمنكورة
السمح ماأكال
تمر الفكي السيدو شايلو ومشتهي
المابتلحقو جدعو
التسوي كريت في القرض تلقا في جلده

بنت الشاطئ · 03-10-2007, 09:45

تسلم يا زانكال (الاسم انشاء الله يكون صاح)
ومشكور علي المشاركة الرائعة
ويا شباب داير نعمل توثيق لكل المثال السودانية
وباذن الله يكون اكبر مكتبة للامثال السودانية

ولك الود يا زيكو

بنت الشاطئ · 03-10-2007, 12:31

*الاسم سالم .
*اصفر منك دوسوه.
*الأعور ضربوه في عينه قال: اصلها خسرانه خسرانه.
*ليس ليس ببقا كويس (يعني صلح والتق ببقي تمام)
*درب السلامة للحول قريب
*عينك في الفيل وتطعن في ضله
*الشـفَــقَة تَقِــل النَفــقَــة
*البلد الما فيه التمساح بقدل فيها الورل
*نعا ل البقر جيابة
*صَـــاْحَبـــــكْ إنْ أبــــاْك يَقــــْنِــتْ بِــــلا وَجعْـــــــاتْ (دي مشكلة عشان حلوة)

بنت الشاطئ · 03-10-2007, 12:50

* البلادة من فهم السؤال عبادة

* كحل الفسل في نومه ينغسل

* تجيك التهائم ... وأنت نائم

*خادم الفكي مجبورة علي الصلاة

*مجبوره ام كنيش علي التابه وراجل امها تقولو يابا

* الشـق حسـاي والعــبد نســـاي

واي شرح نحن في الخدمة عارفين في ناس بليدة وما بتفهم

سودانى · 03-10-2007, 14:26

اقتباس:

المشاركة الأصلية كتبت بواسطة بنت الشاطئ

[size="5"]
الراجل افجخي بصلة قبل ما يبقي اصلة
[/size]

ان كيدهن عظيم

بنت الشاطئ · 04-10-2007, 11:05

دي بس العجبتك يا السوداني

عروس الرمال · 04-10-2007, 11:21

شهرا ما عندك فيهو نفقة ما تعد ايامو
اها كيف بقيت بعرف صاح يا بت الشاطئ

بنت الشاطئ · 04-10-2007, 12:13

صاح شاطرة والله يا عروس الرمال
اها في زول شاطر زي البت دي

ahmed hassan · 05-10-2007, 04:32

لسانك حصانك إن مسكتو صانك .. وإن طلقتو هانك