ونسه بنات - الصفحة 2

monytop · 25-09-2007, 14:53

عارفين يا بنات
اصعب حاجه فى رمضان
دا ومجرسانى شنو؟المسلسلات الكتيره
دى ما قادره اتباع ولا امشى الطراويح
ولا اختم ولا اعمل الكنافه انتوا بتصرفوا كيف
انا غايتوا السنه دى دكيت ليك التلفزيون دا
دكه لا مسلسل يسرا دا ماقدرته اباصيهوا
صراحه

بدر السمر · 25-09-2007, 15:10

فعلا ياموني المسلسلات المره دي كتيره لكن انا زيك مسلسل يسرا بس والباقيات ما منتظمه فيهم الزول يستفيد من الشهر ده في حاجات مفيده لو بارينا التلفزيون ده يانا الضائعين ولا شنو يابنات

منتهى · 25-09-2007, 19:03

انا شفتا كم حلقه بس من مسلسل يسرا ده

لكن شكلو حلو

انا بشوف باب الحاره ..........كيف معاكم ؟؟؟؟؟

رمضان حلو

بنت النيلين · 25-09-2007, 21:44

والله يامنتهي باب الحاره دي شفتها مره واحده لكن متابعاه الوالده ومتكيفه منه شديد

بنت الشاطئ · 26-09-2007, 12:22

والله يابنات المسلسلات كتيرة لكن ما حلوة
انا شخصيا متابعة باب الحارة في الحكايات كمان
وحق مشروع في ابوظبي ويسرا في دبي
وكلها مسلسلات حلوة
بعدين القرآن ده غالبا في الفترة الصباحية

nusa · 26-09-2007, 15:25

الله يعين
ومسلسل يسرا دا حاجة تانية

حناكة · 26-09-2007, 17:25

ازيكم يابنات المنتدي اخباركم شنو الموضوع دة من متين طبعا انا مامنتظمة في دخولي للمنتدي عشان كدة مواضيع كتيرة بتفوتني لكن ونستكم سمحة خالص وعجبتني بس اسمحو لي حاغير مجري الونسة وعايزة اسئلكم بي النسبة للموضة السنة دي بتاعت التياب ولبس يوم الخنة شنو لاني بشتري في الشيلة وعايزة اعرف الموضة شنو ويلا يابنات منتظرة ردودكم

monytop · 27-09-2007, 02:52

حنكوا
اسمعى العرس فى العيد ولاشنو اوعا ماتعزمينا بزعل منك
شوفى ياستى الحنه الناس بقوا بيسوا لبسه هنديه او حبشيه
كدا يعنى خلوا التوب بس شايفه الستان طالع موضه الخفيف
المشجر بس انا شخصيا ما عاجبنى.اماالتياب العروس لازم تشترى البيور سلك
اساسى بعددين لو عاوزه حتتا حلوه انا بوريك بدون زكر اسماء عشان
الدعايه (لكين ما بعرف اوصف كويس كلين اجتهد معاك)حاجه
تانيه الميك اب حتمشى لى منو اما بالنسبه للنضافه وكدا اعملى
الخلطه قت التفاح والبرتكان الوصفتها ديك وقبل العرس بى اسبوع امشى محل مروكوا
حق الحمام المغربى مبالغه انسى لو عاوزه تسالى
من حاجه تانيه تحت امرك وربنا يتم على خير

بالجنبه كدا العريس من وين

ارهابيه · 27-09-2007, 12:37

اولا مبروك ليك وعقبال البايرات القدامك ديل ..
تانيا ياموني توب هندي شنو الفي الحنه الهندي ده زمان موضتو انتهت
لكن الحبشي ده ميه ميه ..
اما بالنسبه للتياب انا ممكن اوصف ليك محلين رهيبات واحد في نمره تلاته وواحد في سوق ليبيا وفي مره في الرياض بتبيع تياب تجنن ..
وبالنسبه للميك اب ما انصحك تمشي كوفير عشان ما يبشتنوك ساي الا اذا ضامنه ليك وحده هناك واحسن لو مشيتي انتصار او منى ..
تخريمه ..
( لقيتك حناكه اسم على مسمى )

بنت الشاطئ · 27-09-2007, 14:09

الف الف مبروك يا حناكة وعقبالنا انشاء الله قريب وكل البايركس
اولا هندي منو وحبشي شنو التوب السوداني مبالغة عديل
اسمعي شوفي ليك توب حلوه واشتغلية بي مزااااااااااج
في واحدة في الرياض شغلها حلوة وشوفي اكسسوار
معاه ومن تحت التوب فستان (جورسي) صغير مع اللون المناسب
واتحدي اي زول يكون في احلي من كدة

تانيا التياب شوفي في دكان في قشرة رهيب واحد في سوق ليبيا
بعدين ما تكتري من البيور لانه ما حتقديري تلبسيه اكتر من مره مرتين كده شوفي تياب تواتل ربط في وحدات رهيبات عديل
الميك اب لازم تزبطية لانو هو البعكس العروس اكتر من الفستان

بعدين يااختي ورينا شمار العريس كلو نحن فاتحين غشمنا