انا سوداني

elfatihshowaa · 18-09-2007, 12:16

عيش بالآهـ
وابرانا انين
ماك إلأهـ
ياك انسان
مخلوق من طين
مالي الجبُه
ووا اسفاهـ
ناسي الناس التعبانين
تحتك تكدح
تسمع آهـ
من اعماق الهلكانين
ورغم الجوف
بالصح اواهـ
الا كمان ....
صابرين بالدين
ناس بالطيبة
بتملا قليبا
وبين لهليبك وبين لهليبا
ضلنا واسع
عيش للواقع
عيش بالواقع
و شوف الناس
الزيتم طالع
بين الهم واحزان الليله
راسم واقع
وجوفم والع
بس بالدين صابرين وحياتك
اوع تقش بالخوف دمعاتك
اصلو الشمعه بدون ما تدمع
ما بتشوف الضو الشالع
عاني معاني...
وسوق وجداني
وان سالوك من ياتو قبيله
قول من قلبك انا سوداني
انا انسان الزمن الواقع
انا وجدان الوطن الواسع
عاني وعاني
وخلي العالم كلو معاني

silver · 19-09-2007, 14:38

تسلم يارائع...
وبالجد ماعارف أرد ليك بي شنو لكن شاعر الشعب قال :وطنا البي إسمك كتبنا ورطنا
أحبك مكانك صميم الفؤادوباسمك أغني..وخلينا نقول رغم الحاصل
وطن
بالفيهو
نتساوى
نحلم....
نقرا....
نتداوى....

محمد الامين عبدالرحيم · 20-09-2007, 22:18

اذاً

انا سوداني انا

الفاتح

اشتاقك ترياق

كل عام وانت طيب

نص حميل

يسري الياس ابنع · 20-09-2007, 22:19

وان سالوك من ياتو قبيله
قول من قلبك انا سوداني

شكرا اخي كلمة قد تفتح اسئلة كثيرة حول تعصبنا القبلي
العاوز اقوله انو انا من الناس البكرهو السؤال بتاع (انتا من وين في السودان) طبعا لااقصد السؤال نفسه بقدر ما اقصد قصد السائل في الموضوع , انا حقيقة كل مايسالني سوداني انتا من وين بقول ليهو انا من الخرطوم دا ردي التلقائي . لكن المشكلة هو يقول لي ياخي انا بقصد انتا من ياتو بلد او يااتو قبيلة . طيب كان من الاول تقول لي كده , والخرطوم دي مابلد !!

انا من الجيل الاتولد في الخرطوم وعاش فيها وما عندي ارتباط بالبلد , عفوا دا ما معناهو انو انا بقلل من قيمة بلدي او اصلي بل انا من المعتزين جدا باهلي لاكن المشكلة في الفهم الخاطئ .
يكفي النيل ابونا والجنس سوداني

عاشقةالرومانسية · 20-09-2007, 23:24

بجد كلماتك رائعه وفي قمت الابداع
انا سودانيه وبقوله بي صوت عالي
تقبل مروري

الفنان · 23-09-2007, 11:09

اقتباس:

انا انسان الزمن الواقع
انا وجدان الوطن الواسع
عاني وعاني
وخلي العالم كلو معاني

رحم الله الشاعر القائل
تصور كيف يكون الحال
لوما كنت سوداني
وأهل الحارة ما أهلي ..

كما رحم الله أخونا الفاتح الذي أزكى فينا روح السودانية ذلك التعصب الممدوح الذي يحزمنا حزمة واحدة ويربطنا بحبل متين .. وكما صابرين بالدين ..
أنا معاك يا الفاتح ويا أخ يسرى
دمتم سودانيين

elfatihshowaa · 29-09-2007, 16:03

يا جماع معليش انا قاعد اكون غير متوفر كتير وقدر الزمن البلقاهو بكتب نص, فعموما انتو كلكم جملين بمعني الجمال لكم مني كل المجد والاجلال

Zankal · 29-09-2007, 19:57

a7ayeek a'7i alfati7 3la al2abyat al7ilwa al9a7at fena e7sasna be 3a'6mat alwa6an alkbeer
o 9adaq alqal
أنا السودان جمال إشراق و عيدية
أنا السودان بضي شمسو النهارية

أنا النيل الصحي موافي
بغني مع المراكبية
و أنا عيون المها الضوت
تحاكي الطلعة بدرية

أنا السودان جمال في لوحة صوفية
روائع دنيا لي أطفال
بعيشوا نشأة دينية
وغناوي الفرحة لي يوما
تزف .. في ليلو حورية

أنا السودان علوم و حضارة
و صحوة غضبة زنجية
و بيجري في دمي حس عربي
و نفوس بالتقوى مهدية

alqal mnoo ya bad boy ?