السلام عليكم يا ناس
والله طبعا المرة دى الموقف ده بالجد حصل لى وهو من الاحراج لمن قربت اختفى زاتو...!!
شوفو معاى
قال شنو؟.... قررت أصلى التراويح وكده فى مسجد الحلة و كده ...
مشيت أتوضيت فى امانة الله و مرقت بتقدل على المسجد و الصلاة كانت بادية وانا ماشى مليان موية لحدى جبهتى والله و ماشايف قدامى!!
المهم .. دخلت المسجد المكون من حوش كبير مغطى بزنك كده ده للناس البجو متأخرين زيى .. و المسجد زاتو طبعا !!
المهم إنو حضرتى اول ماجيت داخل حوش المسجد لقيت الجزء المغطى ده مليااان و مضلم قلت معناهو سيادتى حصلى برا مافى المكيف و .... امرى لله جيت اشوف لى مكان مع الناس الواقفين ديل و طبعا كعادة الرجال فى التاخير جيت اكابس لى محل مع الزول المطرف اللابس جلابيه و عمه ده!!
المهم او حاجة اكتشفت انو مع كلمة أأأأأميييين الناس دى سااااااااااااكتة!!!
قلت ديل شنو المامؤمنين ديل هو نحنا حنغلب اسرائيل كيف لو كنا قادرين نطلع صوتنا!!
المهم بعد شوية بديت الاحظ إنو الناس دى كلها لابسين جلاليب ومغطين رؤوسهم ... بقيت افكر .. الله ياخى هو انا حظى البلك ده ماجابنى الا الليلة؟
ده حادثة الجرافة ديك شكلها حتحصل والناس ديل كتااار كده مالهم؟؟ شكلهم دايرين يصححوا غلطة المرة الفاتت يا مااااان .... ومافى زول حيطلع حى ابدا!!
و بقيت بفكر .. لاحولااااا .. حسى انا بيمويتى دى لو ضربونى نار حابقى زى الخروف الشرب موية كتيرة فى صباحية الضحية!!!
الله انا الجابنى شنو ياخى!!
وفجأة لاحظت إنو الزول الجنبى كل مرة بزح من جنبى و انا الصلاية بقت كلها لى براااى قلت .... سفاحين وعندهم زوق ولا شنو؟؟؟
و مع التفاتتى ليهو كده عشان اتظارف (يمكن يخلونى بعدين)
ما ألقى ليك وش خالتك كبييييرة بتعاين لى فى وشى.. !!
لحظة صمت طويييييييلة منى ومنها ..
طوااااااااااااااالى فى حركة واااااحدة بس ... شلت شبطى و فللى يا مااااااااان على البيت.
اتخيلو.. كنت بصلى جنب النسواااااان!!
هههههههههههههههههههه
العرض العادي
