موقف إبن كلب!!!

HimOvicH · 06-09-2007, 14:46

والله يا جماعة دا سؤال سألنى واحد صاحبنا يوم كده!!!

ونفسى اعرف كل واحد حيعمل شنو بالجد و بدون هزار يعنى اتخيل المنظر و رد!!!

- إتخيل كده يوم من الايام و انت بعد ما ودعت ناس البيت وخلوك برااااك فى البيت قلت تاخد ليك دش كااارب كده و بعد ما خلصت جيت من تحت الستارة كده و عيونك مليانة موية و مطشش بتفتش فى الفوطة!!!

لقيت يد بتناولك الفوطة و انتى بعد ما اتناولتها ........ اتزكرت انو زوووووووووول مافى فى البيت!!

حتعمل شنووووو؟؟؟؟؟؟؟؟

مبارك · 06-09-2007, 16:03

والله ياخوي بيونتا دي الواحد بدخل فيها توشششششششششششششششششششش
لا احم ولا دستور
يعني الموضوع عادي

HimOvicH · 06-09-2007, 16:16

يا مان الحكاية أكبر من كده!!!!

و انا قلت قبيييييييييل انو انت قفلت البيت كويييس و اتاكدت انك برااااااك!!!!

مبارك · 06-09-2007, 16:21

عموما ده كان حصل لي برجع الحمام تاني واقفلو علي كويس لحدي ما ناس البيت يجو

THE DARK MAN · 06-09-2007, 18:43

ماااااا عااااااااااادي

شخص بيقدم لييي خدمه

اكييييد راح اقوليو متشكريييين

شدييييييييييييييييييد

يا اخيينا

بس حيصير شغلات غريبه

اولا راح يتجمد الدم في عروقي .

سانيا راح يغمى عليااا .

سالسا وهو الاهم الجماعه لما يجو ويلاقووني

نايم في البانيو حيقولو الزول دا اتجنن

خلونا نمشي نوديو مستشفى المجانين

ابو اسراء · 07-09-2007, 00:03

حبيبنا/ هيمو
أولا لم تفارقني الابتسامة وأنا اكتب هذة الكلمات من شدة الموقف وانا اتخيلة
بعدين بيني وبينك بتلفها بي ياتو سجارة برنجي ولا بينسون..!!!

أما بالنسبة لسؤالك أنا متأكد لو حصل لى الموقف دة ما كنت حتلقى الرد فى البوست دة
يعني باحححححححححححححح

حمانا الله واياكم من تلك المواقف

ليليان · 08-09-2007, 19:02

وووبعلييييييييى

دى لو انا

اول شى باخد البشكير و بتغطى و بنط بالشباك انشالله واقع فى استاد الخرطوم!!!1

SUN SHINE · 09-09-2007, 22:42

بعمل معاه صحبه ..

اذا طلع مرة ثانية ..

HimOvicH · 09-09-2007, 23:05

سن شاااااين

قلنا بالجد و بدون هزار
اتخيلى المنظر و كلمينا!!!

قلب حنون · 10-09-2007, 00:25

ما دمت طلبت عدم الهزار فى الرد ....عن جد الحكاية دى حصلت معايا بس بشكل مختلف
يعنى ما كانش حمام ماكانتش فوطة
كنت اقرا قرآن واجلس وحدى مع يقين انه لا احد معى وفجاة امتدت يد من خلف الباب ببطىء دون ظهور صاحبها الى ان وصلت لمفتاح النور واطفأته

اعتقد انى بعدها حسيت ان قلبى بدأ يختم رحلته فى الخفقان اثنا ء الصدمة واتساع العين

وانا اراقب اليد التى تتحرك ببطىء تبحث عن مفتاح الاضاءة .اعقب ذلك الصراخ وانا انهر صاحب تلك الحركة التى فعلها من باب المزاح ..... لكن الحمد لله مرت على خير ولا احب ان تتكرر مرة اخرى

اما لو كانت يد فقط دون صاحب لكان الامر مختلف....جدا

لكن ليه الرعب دة يا هيمو بس؟