الى مطبخ شعبى كان الوقت ( ظهرا ) اتانى احساس انو اليوم مافى حركة جو ه المطبخ
حبوبة اتكلمت عن مدخل { الكورنك } وهو المطبخ اكثر من مرة الباب قصير جدا جدا يعلوهو شوية اعتقدته انو اليوم هى اضربت للدخول فيه { تكلمت عن تعليت المدخل اكثر من وجود خضار الوجبة } نا زاتى مسكنى وجع ضهر ؟!!! لمن سالته عن حبوبه قالو سافرت تيقنت ان السكون مافى حد - دخلته المطبخ متواضع جدا
حلل تمبل بى + حلل المونيوم + حلة واحدى ام صفارة شدو فيها مره كوارع صفارته وقفت +مفاريك{ مصاويت عصيدة كبيرة ومتوسطه عدد 3 مفاريك + اتنين بتاعة ملاح عادية + كور الفيها الهلال والنجمة 13 كورا و2 فيهن بنات صينيات + دوكة + حجار لدايات عتر لى واحد عند الدخول للمطبخ +مشلعيب فيهو كورا
عليها روب اتكشح فى مشمع طربيزة العده لمن نزلتو + بمبر حبالو داقات فى الارض جخنون خاتين فوقو مخدتين وقطع صغيره زادنو { جخننه من شدة القعاد فوقو } سميناهو البمبر المعاصر حبوبه قالت دا توم المانجلوك + قعاد مصنوع من خشب اللالوب بتحاشى القعاد فوقو مرات + سكاكين + ساطور +صحانة المونيوم كبيرة وصغيرة للعصيدة والكسرة ملاعق كيبرة وصغيرة + برتال +غربال شاى ودقيق +محراكة
برطمانيات سكر شاى دوه بن + درابه { ويكة } ملح + عطرون +كول + شطة +فليفله + غرنجال + قرفة + هبهان +شمار +كسبرة + وعلبة لبن حجم كبير فورموست { مليانه اكياس صغيرة ربط ربط ملح وكول وقرفة مسحونة وكمون حار وكمون حلو وباقى اكياس ماعارف اساميهم ؟!!وكورتين مخصصات لمجنقر ديل فى النمليه ديل بتاعة رمضان كبابى شاى + كيزان + 2 كفتيره + المقن بتاع الحليب { الكنتوش } اهم حاجة فى الكنتوش بتطلع الجوماده بتاعت حليب الصباح ودى مهمة + بخستين روب + كوز كنافه + قرقريبة + هبابة + 2 كانون و.................../ سألت نفسى الجواب هناك فى دواخلها علاماااااااااااات اعجاب كان الرد جهرا الله يعينك ياحبوبه
زيارت تفقدية
البمبر المعاصر
العرض العادي
