**انا كنت زمان صغير **.معكم..>>تولستوى - الصفحة 3

المتميزة · 19-10-2007, 20:42

ازيكم ..
ده شنو ده الشباب ما شاء الله متلمين بي جاي وانا ما جايبه خبر .. قصصكم طبعا رهيبه لكن افظع قصه
حقت هيمو بالغت عديييييييييييييييييييييييييييييل ..
المهم شايفه بنت الشاطئ اتاخرت مسافة ما تجي النحكي ليكم دي ...
زمان طبعا كنت شيطاااااااااااانه شديد وبعمل بلاوي متلتله لمن شيطنتي دي بقت تجيب لي الهوا يعني اي مصيبه بتحصل طوالي وبدون اي تردد بلصقوها فيني وبعاقبوني قبل ما افتح خشمي ..
المهم يوم كده انا وبت عمي قاعدين العصر كده وما عندنا اي موضوع خلصنا كل اللعب وقاعدين زهجانين
... المهم وبعد طول تفكير طق جاتني ليك فكره .. قلت ليها ارح نطلع فوق راس البيت ويا زول هي بدل تعقلني طوالي شمرت عن ساعديها ( هي طبعا اصغر مني بي سنتين ) والوقت داك عمري 9 سنين كده
المهم بعد مجازفات طلعنا ليك برااااحه وبهدوء من غير ما زول يشوفنا .. اثناء ما قاعدين بي مزاااااااااااااج بنعاين للناس في الشارع ومبسوطين كده .. يشوفنا ليك عمي من بعيد ويجينا ويكورك ليك فينا ( انزلوا تنزل ...) نحن في ثواني نزلنا ليك والخوف قاتلنا .. يقوم يطلع ( السفنجه ) بتاعتو ويضربنا ليك ضرب .. المشكله وين بقت انو الضرب بااااااااارد زي البضرب ليهو في شافع عمرو سنه ونحن طبعا اضطرينا نمثل انو الضرب مسخن معانا عشان ما يمشي يجيب ليه خرطوش ولا حاجه ...
بمشي وبجيكم
انشاء الله تكوني فهمت كلامي يا قلب ..

قلب حنون · 19-10-2007, 20:55

ههههههههههههههههه

طول عمرك متميزة يا متميزة حتى فى شقاوتك وانتى لسة صغننة

طبعا دة درس لاصدقائى البراعم لانت اللعب فوق اسطح البيوت فى منتهى الخطورة
والمفروض كان عمك يديكى بالخرطوش مش بالسفنجة

اقتباس:

انشاء الله تكوني فهمت كلامي يا قلب ..

فهمت جدااااااااااااااااااا

و يا ريت تختارى اللى بعدك لحد ما ترجع بنت الشاطىء

حسن فاروق · 19-10-2007, 21:02

وين الناس مالا خايفين من شيل الحال ولا شنو

لك التحية قلب حنون ووينك مختفية ومسجلة غياب

المتميزة · 19-10-2007, 21:46

كدي النشوف شقاوة موني توب ..

قلب حنون · 19-10-2007, 23:15

اقتباس:

لك التحية قلب حنون ووينك مختفية ومسجلة غياب

مرسي على سؤالك اخ حسن

انا رجعت اهو ...ومش هغيب تانى ان شاء الله

قاعدالكو

اقتباس:

كدي النشوف شقاوة موني توب ..

اوكى لحد ما تظهر وتبان بنت الشاطىء خلونا نشوف monytop وهتحكيلنا ايه

فى انتظارك monytop

بنت الشاطئ · 20-10-2007, 09:21

كل سنة وانتو طبيبين انا رجعت
دقايق يا شباب موني اصبري شوية
معليش يا شباب والله كنت عيانة و
كمبيوتري زاتوا عيان معاي لحدي ما فرمتو
ورجعنا ليكم اها اصبروا لي شوية

بنت الشاطئ · 20-10-2007, 10:52

طبعنا اختكم قصصا عجيبة جدا طبعن انا الكبيرة في البيت وكان عندنا الضرب في البيت ممنوع منعا باتا
فانا بستغل الفرص دي استغلال سيئ
اول قصة كنت عمر 4 سنوات وشلاغة شديدة وكنت مدلعة شديد جاء عرس خالي وكنت بكره الضيوف والتجمعات في المناسبات في الحفلة جاء الفاصل والفنان خت المايك طوالي طلعت ليك المنصة وشلت المايك وباعلي صوت عندي واشتغلت طرد في الناس بالاسماء للناس انا بعرفهم واحرجتا امي وناس البيت احراج لي اسي الناس ماناسياها لي طبعن ساقوني ونوموني طوالي عشان مافي زول يفش زعلوا فيني

وتاني قصة عمري كان 9 ودي مهببة شوية كنا في الاجازة في بيت حبوبتي وكان عندهم شاب شغال معاهم وكان بشرب (...) اها كنتا بحب النطيط واللعب والجري شديد في اليوم المهبب داك جونا ناس خالتي واولادا لعب شديد عطشتا عطش شديد والبيت كبير واقرب حتة للعب غرفة (...) الشغال
وكنت بشوف عندوا جركانة موية زي ماانا متوقعة طبعنا وجنبها كباية طوالي وما كضبتا مليت الكباية
وشربت ليك لمن النص بقيت احس انو الموية دي طعمها متغير ختيت الكباية وبعد شوية استفراق وعيون محمرة وشوف طشاش اها شالوني دخلوني جوه البيت وعرفوا الحصل وامي بكاء وودوها المستشفي غسيل معده خالي حلف (الفضحتو في العرس) كان ماتت من هنا ما بتطلع نقول لي ناس المستشفي شنو البت دي شربت (...) ولا شنو وبنتك دي فاضحانا طوالي في المجتمع وشعارات كده
اها بعد يومين بقيت كويسة والولد قطعت رزقوا معا ناس حبوبا

وقصصي كتير والله وايام جميلة ومشكور هيما علي اختياري
ويلا يا موني الدور عليكي وست الكسرة اتاخرت شديد وين انتي يازولة

حسن فاروق · 20-10-2007, 11:57

خلينا كل شئ يا بت الشاطئ بقت علي ال(....)
والجماعة قايلنك بتقعدي في الشاطئ بتشربي ال(...)
الجاف أتاريك بتاعة سوائل.

وأنا أقول ناس النظام العام ديل بقروا مواضيعك كتير ليه
ياداب عرفتة.

HimOvicH · 20-10-2007, 12:53

بت الشاطئ .. بغض النظر عن انك (...) قدييمة قصة الطرد بالمايك دى كيفتنى للدين ههههههههه!!