مقارنه

folla · 04-09-2007, 16:32

واحد شاعر قال:جاييك سايقني الحنين
والتاني قال:جينا ليك والشوق دفرنا
في رايكم منو المشتاق اكتر

لانو دي اول مشاركه حبيت تكون خفيفه
وياريت تعتبروني فرد منكم

HimOvicH · 06-09-2007, 14:06

والله مشكور على الموضوع لكن لو كنت عرفت كنت رديت!!!

بنت الشاطئ · 06-09-2007, 14:33

مرحب بيك يا folla
اما الرد فصعب لانو واحد سايقنو والتاني دافرنوا شوفي المهم في
النهاية الوصل اول منو ده هو المشتاق اكتر لانو بحاول يسرع

مبارك · 06-09-2007, 16:26

اكيد الاول
لانو حنكو لذيذ

ابو اسراء · 07-09-2007, 00:41

فلا
اهلا وسهلا بك فى منتدي العشاق اولا
اما رأى الأثنين متساوين وأحتمال يكونوا شخص واحد
لان سياقة الشوق ودفر الحنين واحد والأختلاف فقط فى التعبير
ودادي ليكى ( اغتباس من تولستوي)

folla · 09-09-2007, 15:45

[B]شكرا كتير ل:
ابو اسراء
بنت الشاطئ
مبارك
himovitch
الحقيقه انو دائما تستهويني المقارنات في الشعر
لذلك اردت ان ادخلكم معي الي عالمي
شكرا احبائ ................شكرا سادتي[/b]

عبدوش2000 · 10-09-2007, 10:12

الأول سايقو الحنين .... والثاني دافرو الشوق....
فما الفرق بين الشوق والحنين ...هل المعني واحد.. لا أدري
ربما يكون هناك أختلاف في درجة وشدة الشوق..
علي العموم هم الأتنين سايقنهم أو دافرنهم... يعني الأتنين ما جايين براهم....

A.Abass · 10-09-2007, 12:22

اهلا بيك اختنا فلا و المنتدى برحب بيك .

انا بتصور المشتاق اكثر هو الزول التاني ( جينا ليك والشوق دفرنا )

لأن كلمة الدفر ( الدفع ) يحتاج لى قوة كبيرة
اما السواقة لا تحتاج الا جزء يسير من الطاقة.