إرفع البنطلون يا محترم........ عيب كده!!!

HimOvicH · 25-08-2007, 17:32

السلام عليكم

طبعا يا جماعة انا عارف انو الموضوع ده ما جديد ولا حاجة بتاع البنطلون الواقع و كده!! (السيستم)

و الله انا من البداية من اكبر المحبين لثقافة الغرب و الموضات وكده بصراااحة يعنى!!!

لكن بالجد

قبل يومين كده و انا ماشى فى الشارع لقيت لى شباب و شابات كده شكلهم جايين اجازات و كده و هم ماشين قدااااااااااااام عيونى (اولاد وبنات بالمناسبة)

بالله مافى واحد بالغلط بنطلونو ماسك فيهو زى البنى ادمين.......... منظر بشع والله انو تكون ماشى و قدامك ولد البنطلون ناصل يا كافى البلى لحدى ما تقدر انت تقرأ (ماقصدى والله) ماركة الملابس الداخلية بتاعته .

و ده ما المصيبة والله.........

المصيبة فى البنات........... لااااااااااا حول ولا قوة الا بالله!!!

البناطلين اصلا حالتها صعبة و ماسكة فيها لحدى ما قربت امشى الفت البت اقوليها انتى ياختى و قت مالقيتى مقاسك ما كان تشوفيهو فى دكان تانى!!!

مشاعرى التهبت والله

احب اذكر انى ما مدعى الالتزام ولا حاجة لكن زى ما قال حبيبنا و زميلنا البرق ده بيندرج تحت التحرش ولا انا غلطان!!!

و الله كان على انا بغلط الشباب (المسستمين) على انهم بيمشو و معاهم بنات ماشات كده لاننا فى بلد بنعتبر الرجال فيهو قوامين على النساء. لكن انا كمان عازرهم والله !!
(اكيد بالهم فى بناطلينهم وقعت ولا لسة !!!)

jOojOo · 25-08-2007, 18:25

الغالى هيمووو..
حقيقة اصبحت هنالك كثير من الظواهر و الاخلاقيات وغياب السلوكيات التى لا تمت لنا بصلة .. فى ظل الانفتاح الدخيل علينا...
لقد اصبحنا اداة للتقليد الاعمى..
أذ ان الكثير منا (البلهاء و الجهلاء وحتى الاطفال الذين لم تنضج قوة تفكيرهم) يقعون تحت تأثير التقليد الاعمى..دون التمييز بين ماهو طيب و خبيث.. ودون ان يعرفوا الهدف الاساسى وما سينتج عنه..
ومن الواضح ان هذا التقليد لا جدوى منه ولا يمت بأى نفاع.. غير انه يرجع الى صاحبه بالسب واللعن والمذلة ...وتضيف له الحماقة وعدم النضوج الفكرى الى بقية نقاط ضعفهم ونقصهم فى الشخصية..
لأن تقليد الاخرين فى اختيار الهدف لا فائدة منه, والا بله هو الذى يختار هدفه عن طريق تقليد الاخرين لان كل مايفعله يكون هشاً وسرعان ماينهار..ويكون مثله ومثل القرد او الببغاء..

حقيقة شاهدت الكثيرين منهم وكل يوم انا ارى انهم فى تزايد مستمر وهذا ان دل انما دل على تزايد الجهل و البله وعدم النضوج الفكرى فى مجتماعاتنــــا...!!!

تسلم اخى هيمووو
ولى عودة

HimOvicH · 25-08-2007, 19:04

يديك العافية يا مان _ أبو الجوج _

و بالجد الناس فى بقية العالم ما بيعملو حاجة بدون سبب و دى حاجات بتعملها البنات هناك علشان يجذبو الاولاد و كده و هم مابيمانعو اى تصرفات خارجة عن الادب و حتى اذا كان فى رفض ولا حاجة فبيكون علشان الشخصية بس مش المبدأ.

(يعنى الواحدة هناك وهى لابسة كده...... مابيكون فى اعتراض منها لو فى زول مد يدو عليها )

يا ربى النات اياهم ديل و انا اكاد اجزم انو 90% من الجماعة فى الشارع بيتفرجو عليهم ...... لو اى زول من ناس الشارع ديل أو انا زاااااااااااااتى مديت يدى (بدافع الفضول لا أتر والله)

يا ربى حترضى ولا حتدق جرس!!!!

طيب عاملين كده ليييييييييييييييييييه؟؟؟؟؟؟؟

jOojOo · 25-08-2007, 20:07

اقتباس:

و بالجد الناس فى بقية العالم ما بيعملو حاجة بدون سبب و دى حاجات بتعملها البنات هناك علشان يجذبو الاولاد و كده و هم مابيمانعو اى تصرفات خارجة عن الادب و حتى اذا كان فى رفض ولا حاجة فبيكون علشان الشخصية بس مش المبدأ.

(يعنى الواحدة هناك وهى لابسة كده...... مابيكون فى اعتراض منها لو فى زول مد يدو عليها )

اخى هيموو
لا يوجد وجه مقارنة بيننا وبين المجتمع الغربى من اى ناحية..فهو عالم يختلف عنا في عقائده و تقاليده واعرافه .. اضيف على ذلك هو عالم الانفتاح وكفى..!!!
ولكن هذا لا ينفى ان الكثير منا باتو من اصحاب ذاك العالم .
لكن تعاليمنا الدينية و عقيدتنا ...لا تسمح لنا بمثل هذه المهازل ولاترضى لنا بهذا الرضوخ ....

اقتباس:

يا ربى الناس اياهم ديل و انا اكاد اجزم انو 90% من الجماعة فى الشارع بيتفرجو عليهم ...... لو اى زول من ناس الشارع ديل أو انا زاااااااااااااتى مديت يدى (بدافع الفضول لا أكتر والله)..

يا ربى حترضى ولا حتدق جرس!!!!

طيب عاملين كده ليييييييييييييييييييه؟؟؟؟؟؟؟

اما عن سؤالك..
فى الحقيقة لم افهم مغزى سؤالك...!!!
الرجاء التوضيح...

HimOvicH · 25-08-2007, 20:18

المقصود يا ابو الجوج انو الناس البرا بيعملو الحاجة و هم راضين بيتبعاتها!!!

لكن يا ربى الناس الهنا ديل بيتحملو تبعات الموضوع ده من تحرشات و لمس احيانا؟؟؟

ما اعتقد انهم دايرين او بيقدرو على كده!!!!

فما فى داعى لكده!!!!

3ashg hana · 25-08-2007, 21:58

الاخوان الاعزاء تحياتي..

سلوك الفرد .. و ثقافه (الغرب)..أو (الفرنجه)كما زكر التاريخ..

سأبدأ من الثقافة واعتقد سوف نكون فى (ريزم) واحد وذلك لتكرارها في أكثر من (موضوع)و المؤثر الفعلي في تحديد شكل الهوية.. وذلك بما تحدثه من تغير فى سلوك الفرد..
اخواني وحتى لا تستمر هذه المغالطة (السلوكيه) طويلا" دعونا نتعامل (بالمحصلة).. وصدقوني فنحن لم نجح فى تدوين تاريخ لم يمر عليه أكثر من عشر و(نيف) من العقود.. نهيك عن ما قبله.. لذلك دعونا ننظر الى الفرد (السوداني) الآن..و كيف نراه يعيش (حياته)و ما هو شكل حياته بعد كل هذه الحقب التى مرت عليه كيف نراه ؟.. فى (الشمال)و فى (الشرق) و(الغرب) وحتى فى بعض مناطق (الجنوب).. هل يرى أحدكم سلوك الفرد السوداني الآن ما يوحي بأنه (أفرنجي)100%..؟؟ واقصد بسؤالي السلوك.. سلوكه داخل (الأسرة).. (الشارع) .. الحق يقال لا يوجد فى سلوكنا ما يمكن ان يوصف بأنه سلوك (أفرنجي).. الاخوة الذين يرددون بموضوع (السلوكيات)وغيرها.. الا تتفقون معى فى أن السلوك البشرى.. هو ناتج عن (تغيرات) تحدثها (أتفاقيه) ما ..!!؟

وكل أحترامي ..

jOojOo · 27-08-2007, 01:30

اقتباس:

المشاركة الأصلية كتبت بواسطة HimOvicH

المقصود يا ابو الجوج انو الناس البرا بيعملو الحاجة و هم راضين بيتبعاتها!!!
لكن يا ربى الناس الهنا ديل بيتحملو تبعات الموضوع ده من تحرشات و لمس احيانا؟؟؟
ما اعتقد انهم دايرين او بيقدرو على كده!!!!
فما فى داعى لكده!!!!

رداً على سؤالك...
انت اخذت الموضوع من جانب واحد وهو الاناث دون الرجال مع ان فحوى موضوعك غير ذلك (ارفع بنطلوك يامحترم.........عيب كدا) ...
اما عن قضية التحرش لا اريد ان اتطرق لها هنا فى هذا البوست لأنه قد تم طرحها فى بوست آخر..

jOojOo · 27-08-2007, 01:44

اقتباس:

المشاركة الأصلية كتبت بواسطة 3ashg hana

الاخوان الاعزاء تحياتي..

سلوك الفرد .. و ثقافه (الغرب)..أو (الفرنجه)كما زكر التاريخ..

سأبدأ من الثقافة واعتقد سوف نكون فى (ريزم) واحد وذلك لتكرارها في أكثر من (موضوع)و المؤثر الفعلي في تحديد شكل الهوية.. وذلك بما تحدثه من تغير فى سلوك الفرد..
اخواني وحتى لا تستمر هذه المغالطة (السلوكيه) طويلا" دعونا نتعامل (بالمحصلة).. وصدقوني فنحن لم نجح فى تدوين تاريخ لم يمر عليه أكثر من عشر و(نيف) من العقود.. نهيك عن ما قبله.. لذلك دعونا ننظر الى الفرد (السوداني) الآن..و كيف نراه يعيش (حياته)و ما هو شكل حياته بعد كل هذه الحقب التى مرت عليه كيف نراه ؟.. فى (الشمال)و فى (الشرق) و(الغرب) وحتى فى بعض مناطق (الجنوب).. هل يرى أحدكم سلوك الفرد السوداني الآن ما يوحي بأنه (أفرنجي)100%..؟؟ واقصد بسؤالي السلوك.. سلوكه داخل (الأسرة).. (الشارع) .. الحق يقال لا يوجد فى سلوكنا ما يمكن ان يوصف بأنه سلوك (أفرنجي).. الاخوة الذين يرددون بموضوع (السلوكيات)وغيرها.. الا تتفقون معى فى أن السلوك البشرى.. هو ناتج عن (تغيرات) تحدثها (أتفاقيه) ما ..!!؟

وكل أحترامي ..

الغالى عاشق هناء...
اتفق معك فيما ذكرته.......
حيث ان السلوك الانساني يشكل وحدة موضوعية مترابطة، وهو نتيجة لتفاعل وتداخل عوامل وعناصر عديدة، فموقف الانسان، كالرحمة والصدق والعدل، والنطق بالكلمة الطيبة، أو الكذب والنفاق وجريمة القتل، وتناول المخدر هو في حقيقته مرآة يعكس لنا عدداً من العوامل والعناصر التي تفاعلت فيما بينها، فصنعت من ذلك الانسان انساناً رحيماً أو مجرماً محترفاً للاجرام، أو محتكراً جشعاً، أو انساناً متوازن الشخصية، أو معقداً يعاني من مرض نفسي أو عصبي.
ان الموقف السلوكي الخير منه والشرير هو مركب من تفاعل عدة دوافع وعوامل ونوازع ذاتية وبيئية ووراثية واجتماعية... الخ.
لكن مع العلم اخى (الثقافة والمعتقد الذي يؤمن به الشاب) هو اهم عاملان يؤثران على الشاب فى سلوكياته وتصرفاته..

HimOvicH · 27-08-2007, 15:11

اقتباس:

المشاركة الأصلية كتبت بواسطة jOojOo

رداً على سؤالك...
انت اخذت الموضوع من جانب واحد وهو الاناث دون الرجال مع ان فحوى موضوعك غير ذلك (ارفع بنطلوك يامحترم.........عيب كدا) ...

عزيزى أبو الجوج

أعلم تماما اننى ركزت على جانب الاناث و لكن ليس لمجرد العداء بالتأكيد فنحن أكبر من ذلك و لكن لأنهم هم المرجحين للتعرض للإساءات و ربما الاعتداء

وربما تلاحظ اننى وضعت باللائمة على الرجال و تهكمت عليهم بانشغالهم بالبنطون و كده!!

مشكور على الملاحظة