محراب جمالك

محمد الامين عبدالرحيم · 22-08-2007, 18:56

ابداك كيف

وانا لــــسه يا داب بكتشف

امشي و الف

الخطوة ليك بترتجف

اعرق و جف

والحرف ما زال معتكف

في محراب جمالك البادي من الالف

ما الليلة جيتك اعترف

ما جن هواك

عاشق صفاك

وهديل غناك

اقدل معاك

ما الدنيا بيك بتختلف

لحظة حضورك بنصرف

بدخل مبهجك ارتشف

سكر لقاك

نعناع شذاك

و الريده احمر من دماك

والله

الحب كنيلك مستشاف

و القلب اوسع من ضاف

يا بت مربيا بالكفاف

وتهدي للناس العفاف

صوتك مابعرف يخاف

حبالو ارهف من رهاف

الليلة جيتك اعترف

و الحرف ما زال معتكف

في محراب جمالك البادي من الالف

2/8/2007

الخرطوم

الفنان · 22-08-2007, 19:27

ابو اسراء · 25-08-2007, 21:54

فى محرابك
البادي من الالف وممثلنا فى الكاف
انصفت..!
وكملت المحاسن والوصاف
أقدل ولدنا..
جمال بلـدنا أجمـل عفـاف
الخضرة والنيل..
صم البقول هناك جفاف
أروي ذاتك..
ماء بارد..ماء بارد..ومن كل صاح
قبل ما ترجـع هم ديل اهلى الظراف
وتانى اعرق..وتانى جفف
يا محمد ذي عريس ليلة زفاف
والعودة دايما مستشاف
الوداع هو المخاف..!!
أكبر مخاف..!!!

محمد الامين عبدالرحيم · 27-08-2007, 12:10

نقدل سواء

وكت الهوي

نضحك لقاء

نرسم غناء

لمتنا اكبر

من هنا

( كنت اشير للقلب )

الذي ينبض بكل الحب

لكم

اخوي الفنان

سلامات يا روائع

ابو إسراء ( ابو الكل )

سلامات يا ورافه

نبض الحنين · 31-08-2007, 18:34

أنا عندي ليك سر من زمان..داير أقولوا ومكسف...

كل ما أقول قربتا ..أحصر روعتك..

تقاني بادية من الألف...

الرائع جدا / محمد الامين

..ألف حمد للــــــــــــــــه على السلامــة..

..وهذه الكلمات ..كانت كفيلة بتعويض كل الغياب الذي كان....

..وما بقدر اقول غير ..روعة...روعة..روعة

ونطمع في المزيد...

ودام إبداعك..

SUN SHINE · 31-08-2007, 19:13

محراب جمالك .. اعتكفت به
نظرت إلى عينيك .. سافرت بنظراتك على بساط دموعك..

أخي محمد الأمين عبدالرحيم

قلم رائع ..
وكلمات نسجتها بدقة وإحكام ..

استمر.. إلى الامام ,,

تقبلوا مروريــ ..

تحياتيــ...
أختكمــ ..
SUN SHINE

محمد الامين عبدالرحيم · 11-09-2007, 12:06

نبض الحنين

كل عام وإنت الحنين

رمضان كريم

الشمس المشرقة

وجودك خلاب

له لون الذهب

اشرقي رغم انف

السحاب

سر

القدم احلا بكثير

ِ

ahmed hassan · 15-09-2007, 05:28

فى محراب كلماتك تلوت آيات التسبيح بحمده ان وهبنا قلما بروعة قلمك شعرك جميل يا محمد شكرا كتير

محمد الامين عبدالرحيم · 20-09-2007, 22:13

احمد حسن

سلامات حتي مطلع الامر

وكل عام وانت والعشاق بخير

حضورك زاهي