قصة للفارااااااااات حلوة شديييد!!!!

HimOvicH · 16-08-2007, 16:29

الحنك دا ما أنواع....و الدقيس قسم...شوف القصه دي
الحنك كلمه رندوكيه فصيحه…تصريفهاهو " حنك يحنك تحنيكا" كما في جملة : الشفت حنك الفاره…
ح أديكم مثال للجمله أعلاه :

عمنا كبير في السن (يلعب دور الفاره)….قابض الماهيه و مترتر في السوق العربي…أثناء ما ماشي يسمع صوت أحد الباعه (شفت رقم 1 ) : علينا جااااااي…الجرد الجرد…الرادي بعشره ألف…ساهر في لندن و اشرب الشاي في مونتي كارلو…علينا جااي…..و بما انو عمنا من مدمني الراديو فسرعان ما ركبتو الخرمه وقرر يشتري الرادي….

(الضحيه) : الراديو دا بي كم يا ولد ؟؟
(شفت رقم 1 ): دا بي عشره حبات يا عمنا
(الضحيه) : شغال تمام ؟؟؟
(شفت رقم 1 ) : شغال و حارق تش…امسك جرب
(الضحيه) : يمسك الرادي و يقلب في القنوات..شششششششششش….شششششش…..هنا لندن بي بي سي….شششششششششششششششش....ألوو ممكن أشارك...انا الأحيمر من أم جلافيط....ششششششش....أكد وزير الداخليه بأن الأحوال الأمنيه في إستقرار و ذلك بعد إنتشار الشرطه في كل مكان و..........شششششششش
(الضحيه) : والله راديك سمح عدييييييييييل.....ح أشتريهو منك.....
(شفت رقم 1 ) : جدا يا عمك و انت الكسبان...و لو حصلت اي خستكه أنــا قاعد في محلي دا و ما بمشي
هاك القروش....يطلع عشره الف من الجيب و يناولها للبائع
(شفت رقم 1 ) : مبروك يا عمك...جيب الرادي نختو ليك في صندوق و نديك كيس كمان
تسلم...
في ذات اللحظه يقوم أحد الأشخاص (شفت نمره2 ) بشغل عمنا (الفاره) و يبدأ يتكلم معاهو
تصدق يا حاج انا اشتيريت رادي نفس النوع دا من الزول دا قبل 3 سنه و شغال تمااام و ما فيهو اي عيب...هسى انا جيت اشتري واحد تاني لولد عمي...

(شفت رقم 1 ) : هاك يا حاج و مبروك....و يناوله الكيس و جواهو صندوق و الصندوق جواهو ( ح تعرفوها بعد شويه خلو الشمار)

عمنا يركب المواصلات ...و يفتح الكيس ...و يمرق الصندوق....يخت الصندوق قدامو ....يفتح الصندوق....ود اللذين....خاتي لي طوبه جوا الصندوق...وقف الحافله دي يا كمساري...الله ينعلكم يا أولاد الــ................

مرت سنه و عمنا بفتش في الزول دا........

ليليان · 16-08-2007, 19:00

ههههههههه

الله يجازيك والله بينى وبينك انا زاتى دقسونى قبل كده بس مابحكى ليكم عشان ماتضحكو!!!!

jOojOo · 17-08-2007, 00:11

والله ياهيمووو....
دى آخرا... اللف فى فى السوق العربى....مش...!!

الوجه الجميل · 17-08-2007, 11:43

صح كلامك ... خصوصا أحنا المغتربين لمان ننزل السودان بنتغشى بسهوووووولة

الوجه الجميل · 17-08-2007, 11:43

صح كلامك ... خصوصا أحنا المغتربين لمان ننزل السودان بنتغشى بسهوووووولة

HimOvicH · 01-12-2007, 00:00

يا جماعة و الله ما حابى اكون ممل لكن فى واحد بعرفو طبقو فيهو نفس النظرية دى هههههههههههه

بالتفاصيل و الله

الفنان · 01-12-2007, 10:32

والله يا هيمو .. هذا السوق المسمى بالعربي أصبح يمثل عندي وكراً لأسوأ أنواع الإحتيال والإبتزاز والنشل يعني باطنية عديييل .. ومنذ زمن قديم ... لذلك لمان أجي شاقيه بالصدفة بكون في أسوأ حالاتي وبسرعة تقرب للجري ..
والقصة الحكيتها دي تحدث منها كل يوم وبألوان مختلفة .. وطبعاً ديل تجار الشمش لكن جوة في الكندشن في جماعة بشتغلو نفس الشغل دا لكن على مستوى كبير شوية .. هل تصدق أن الإحتيال حتى في الحج وفي بلد الرسول .. (صلى الله عليه وسلم) واحد أخونا معتمر قاعدين في المدينة ومبسوطين ماشي من الحرم للسكن في الطريق في الجماعة بتاعين الفراشات ديل زاتم .. لكنهم هنود وبنغال .. وعارفين الجماعة ديل بجو (داقسين) عمك دنقر يشتري حاجة عجبتو يقشر بيها مع الجماعة في الغرفة ومد ليه ورقة خمسماية ريال .. وأخونا ماكضب وأداه الباقي فكة ريالات وخمسات وعشرات ما تامات خمسين ريال وبعد ما اكتشفوا الحكاية قامت مجموعة من المعتمرين بالبحث والتحري ومسكو الراجل وقبقبوه وكفتوه فاعترف ورجع القريشات ..
الله يحمي الغافلين .. ويحمينا من السوء العربي ..