افيدونى فى سفر الهند الحيرنى دا

monytop · 12-08-2007, 02:44

سلامات يا جماعه
كدى اسمعونى لو فى زول عندوا فكرا عن القصه دى يساعدنى شويه بالجد حيرتنى !!
الحاصل كالاتى انا زوله خريجة نظم معلومات مكسب على الرغم من انو مافى اى مكاسب المهم قلنا
نرقع الشهاده دى بكورسات شبكات او حبة اوركل كدا طبعا هنا المعاهد التمام ملاين ملولوه قلنا مالوا
نشوف اقل التكاليف قلنا نمشى الهند ابو الرخا يارت لو ما قلته المشاورات بدت سالته ناس هنا سهلوا لى
الشغلانه جدا نظام بالميت كدا 4مليون(6شهور) قالوا بى سفرا وسكنتا وكمان قالوا فيها جديع قلنا خير وبركه اها نقول زيادة 500 نظام للطوارى ... الصدمة وين اول ما سلته زول حاليا فى الهند ادنى ارقام فلكيه كدا تكلفه انسوا
المفيد لو فى زول بعرف معهد ارخص من zoom او dept فى الهند او سكن رخيص يفيدنى مشكورين

TEEMA · 12-08-2007, 02:58

monytop ..بعد التحيه ..

أدخلي علي هذا الرابط..يمكن تلقي طلبك...

قسم شرق آسيا - منتديات إديوكون

A.Abass · 12-08-2007, 15:45

موني توب ، لك التحيه ،،

انا ما سافرته الهند لكن عدد كبير من زملائي سافروا ورجعوا قبال شهر جابوا شهادات mcse , ccna ,rhce .
قروا في زووم تكنولوجي.
ومعرفتي بيها ما بطالة من اسئلتي ليهم ، بالنسبة لموضوع القروش 4,500,000 مبلغ جيد لكن في حالة انه معاك رفقة كويسة تقدروا تشرتكوا في ايجار السكن يعني 4 اشخاص وتركزي على مجال معين -بمعنى متلخبطي الشغلة و تشتتي نفسك اخترت Microsoft ما تقومي تقري معاها sisco ممكن تقري معاها rhce as platfourom for Oracle المهم حسبيها كويس.)

ولو دايره نصيحتي موضوع الهند بالنسبة لبنت صعب عديل وخطرة جدا، هو الاولاد وصولوا المطار ودار يوقوموا يجوا راجعين
بعدين المعاهد معظمها خاصة زووم في مدينة اسمها حيدر اباد ودي مدينة ما بتتقعد عديل ، فلو تسمحلي براي :
انك تقومي تقري كورس mcse او rhce في اكاديمية كنار او سوداكاد مع orcale وتمتنحي في القاهرة ولو حسبتيها حتلقي الفرق في القروش بسيط ولو مصرة على موضوع الهند تكون عندك رفقة كويسة شديد ويا حبذا لو فيها اخ.
ودمت بود

arsenal_1983 · 13-08-2007, 00:00

لا اله الا الله الهند يا ساتر أعوذ بالله من غضب الله ومن الشباته والركشات ، يا ستى انا قعدت تلاته سنوات فى الهند وبالذات فى حيدر اباد درست جامعه هناك وخلى موضوع الجامعة دى ساكت ، كانت مشاكلنا بالهبل بتصل السفاره لين ما طفشنا السفير، وعلى فكره حيدر اباد كانت بلد كويسة قبل اربع سنوات لما كنا بنتعد بالاصابع اما الحين فحدث ولا حرج العطلة السودانيين مالين البلد يعنى لما تمشى تاخد ليك بيت(دا لو لقيتى اصلا بكترة السودانيين) حتلقى جيرانك كلهم ما شاء الله شباب سودانيين عطلة ما عندهم اى شغلة بس حولو العطلة جمب ستات الشاى وعمود الاناره بهناك ، الليل كلو سهر النهار كلو نوم ، كلهم متعطلين بمزاج منتظرين المية وخمسين ولا المئتين دولار مصاريف الشهر، المهم البلد ديك والله منحوس ومسكون كمان والهنود المبهدلين بى جاى وارخص ناس بهناك يا زول عندهم قرون بوروك عرض وماعندهم اى ثقافة للدول التانية يمكن يعرفو ليك امريكا ودبى والسعودية ، ما بيعرفو غير بلدهم حتى التلفزيون ما بتشوف غير القنوات الهندية عندهم كيبل بيجيب زى كم وتسعين كدا كلها قنوات هندية،حتى ديجيتال وريسيفرات مافى لو عايز تغير، أما موضوع الكورس ومعهد زووم دا خلى ساكت يا ستى انا ما درست عندهم لانى ما اقتنعت بيهم،لكن بعرف المعهد ومشيتو كم مره مع صحبى كان بيدرس هناك يا ستى اتخيلى بيخلصو ليك ال ام سى اس اى كلو فى 45 يوم بس هههه يعنى بتطلعى مش مسطحة يا زول الله يعينك بس وفى كمية سودانيين درسو هناك ما فى زول طلع بى حاجه كلهم امتحنو ليك ال ام سى اس اى بالتست كينغ سالكت وراسهم فاضى ، ومرات ناس زووم ديل بيدوك كوكتيل عجيب بيلمو ليك ( ال ام سى اس اى وال سى سى ان ايه واللينكس ريد هات و سولارى وصيانه ) ودا كلو بى 7.500 روبيه او اقل لو حنكك تقيل ما يعادل يمكن 150 الى 175 دولار ، بالنسبة لللينكس فى معهد بارتنر للريد هات فى امريكا لكن كانو منعوا الامتحانات الانلاين بالنسبه للسودانيين من امريكا حسع ما عارف لانى حسع بر الهند والحمد لله والله ما صدقت لما طلعت من هناك وعلى فكره حيدر اباد احسن مدينة فى الهند فى النظافة وفى الهدوء مش زحمة وغالية زى دلهى ومومباى وبانغلور او حتى مدراس السخانة والرطوبة وكمان نسبة المسلمين كتيره فى حيدراباد ، لكن الهند كدا عامة منحوسة وانا نادم لى حسع وللابد انى مشيت البلد ديك ، وحسع اليوم صحبى الكان ساكن معاى فى البيت كنت بتكلم معاهو بالتلفون قال لى قرفان وما عارف كيف يطلع من هناك.

بالنسبه للاراكل فى معهد محترم وممكن تمتحنى انلاين اسمو ( اس كيو ال ستار) برضو فى حيدر اباد لكن معهد ممتاز ودراسة جد بس داير مذاكره وبراكتس اليوم كلو عشان تطلع منهم بى حاجة.

المهم المشاكل هناك كتيره حتى ودعنا كم زول بحوادث بايكات وركشات ، والسودانيين يعجبوك طبعا دايرين يعملو نفسهم اسياد البلد بهناك خاشين كلو يوم فى مشاكل وبوليس وسجن والبوليس يتاعهم طبعا بيقيف ليك مع الهندى يرشو ليك الرطانه بتاعهتم ويقيفو ليك سوا، بعد دا الا رشاوى تقيله ، طبعا هناك امورك كلها بتقضيها بالرشاوى خاصة لما تسوى الاقامة.

فى النهاية ما بنصحك تمشى الهند،احسن تشوف ليكى مكان تانى او تدرسى فى السودان وتمتحنى انلاين فى مصر او اى مكان اذا الانلاين مافيش فى السودان.

المهم لو عايزة اى استفسار تانى نحنا حاضرين

monytop · 13-08-2007, 01:14

اولا ياجماعه بشكركم على اهتمامك وردكم لى.
بس بالجد الشغلانه دى شكلها صعبه جد جد .طيب يااخوى ا.عباس انا ما عندى اخو الحجه ما بتنفع ماخادها معاى نظام محرم وكدا بالجد هناك الانجليذى قالوا بتحسن شديد ودا الهامنى اكتر شى .بعدين ياخ الهنود ديل مخستكين معقوله يستكردونا اما تقديرك للمصاريف ريحنى جدا طبعا السيسكو قروش والاوركل كمان عشان كدا انا ركزته عليهم وفى الاول والاخر الزول بتعب لى مش عشان يرطب ؟وانا صراحه دايره الوظيفه بى اقل التكاليف وكدا الهند ارخص بالجد مشكور على ردك واهتمامك

اما ياعمك ارسنل (معليش رفعنا التكلفه)كلام زول متازم من الجماعه السودانين المتهندين , اما بالنسبه لى زوم دا الناس كلها قولوا ضارب فى حاجه اسمها دبت بس قالوا غالى صحى انا عاوز اعرف المعهد دا سعروا كويس والقرايه كيف خصوصا انو قالوا سكن و ترحيل و اكل يعنى فل الفل , افيدنى بما انك زول سيد بلد

>المشوكش< · 13-08-2007, 02:18

احلــــــــــــــ ســـــــــلام ـــــــــــــــى

ياموني تب ما تحاولي تشوفي ماليزيا لانو انا سمعتا انها احسن من الهند وبعدين بلد متطوره

بس ياحبايب اي زول عندو فكره عن قراية الجامعه هناك يديني خبر بالله لاني صراحه محتاج معلومات
عن ماليزيا
وشكراااا ياحبايب

black ghost · 13-08-2007, 11:16

يا جماعه أنا بقرا في الهند في حيدرأباد الهند ما بشكل المتصورنو الهند بلد قرايه للعايز يقرا و العايز يلف ويدور برضرو دي ترجع للزول و لوعايزه نصيحتي ما تجي اليلد الهند بلد عايزه صبر أيوب في ناس قعدو يوم واحد و رجعو السودان أ
أي أسأله

arsenal_1983 · 13-08-2007, 12:44

هلا فيك مره تانيه،وبقول لك انا مش متأزم ولا شىء من المتهندين،انما بقول لك الحاصل هناك لانى عايشته وما خفى اعظم،لكن بالنسبه لك لو حكاية كورس كدا بكون أهون شويه،zoom طبعا زى ما قلت لك ضارب اما اللى قلت عليه dept ما أعرف عنو شىء لكن ممكن أسأل لك عليه حد هناك،احتمال يكون معهد جديد.
لكن بالنسبه للاراكل احسن شىء sql star وانا صحبى حسع بيقرا عندهم ممكن أسأل ليك الفلوس كم لكن شكلو بالامتحانات كدا 1500 دولار تقريبا لكن بتأكد ليك.

ونسيت أقول لك شىء بالنسبه لتحسين اللغة الانجليزيه... فى الهند ما فى معهد بيشترط عليكى تخش معهد لغة انجليزية او حتى الجامعات ، انتى لوحدك بتختارى تخشى معهد ولا لا.وفى المعهد القراية بالانجليزى لكن المشكلة انو المصطلحات كلها حتكون فى مجال الكمبيوتر والنص التانى عملى طبعا (practice) يعنى ما حتستفيدى كتير من معهد الكمبيوتر ، الا تخشى ليك معهد مخصوص للانجليزى بيدرسو فيهو TOFEL او IELTS , وتفرغى نفسك ليهو،وطبعا لو قلت حتتعلمى من الشارع فدا طبعا صعب لانو داير اختلاط شديد يالناس وكمان تقعد كم سنة مش 6 شهور وى انتى بتقولى، دا بالاضافى لكمية السودانيين اللى حتلقيهم فى كل مكان ويخلصو ليك كل اجراءاتك

monytop · 14-08-2007, 02:30

black ghost:
ارسنال والمشوكش

تحيه عطره ...

بالنسبه لى ماليزيا مكسب بس الكاشات قلنا عاوزين اقل الخساير

اخونا ارسنال بالامانه ما قصرته ماتقصر ايامك بس شوف لى قصة دبت دى

الصبر لازم مافى ورد من غير شوك بس برضوا بقول ليك شوف لى دبت دا حنكوا شنو بما انك قريب