فول السودان العظيم ...

TEEMA · 05-08-2007, 01:03

حبيب الشعب
لينا معاهو قصة ريد غريبة خلاص
وده الفول ياجماعة بالواضح كده يعنى ما خدرة دقاقة ولاعيون براقة ولا قوام فان باستن
وحبيبنا الفول ده ياناس حكايتو مع الشعب السودانى حكاية علاقة ابدية من تصبح لامن تمسى
فطور وعشا وما احلاهو صحن الفول المدنكل والمصلح ( صاح ) على الطريقة السودانية البحتة
وانا زاتى ماعارف الفول ده سموهو فول مصرى ليه صحى اخوانا المصريين بياكلوه لكين مااعتقد
بيعزوه ويدلعوه زينا وهاك يازيت السمسم والطحينة والجرجير والجبنة اهم حاجة
زمان عبد المنعم عثمان قالا فى محطة التلفزيون الاهلية وكان بيمثل دور زول مسافر
بره السودان ولمن جا راجع مشى الدكان وقال لى سيد الدكان عايز لى جبنة اكسرا كده كده
طبعا الفول فى ناس ما لاقينو فى الايام العلينا دى لكين زمان برضو كان فى ناس بكجنو الفول
وبقولو ليهو ( كل يوم معانا ) بس ما بعرفوا قيمتو وزى ما قال الطيب عبد الله مسكينة المحبة تمشى
لى ناس ما بتقدر
والفول فى السودان افوال يعنى بتاع الناصية فى اخر الشارع مازى فول عمك ابو العباس والعشرة
الكرام ولا فول الحرزاوى فى الصحافة شرق بطعم فول عبد الوهاب فى نمرة تلاتة اما فول الثورة
فهو بنكهة خاصة وما بشبه فول الصبابى ولا الشعبية بحرى وياهو ده ياجماعة سر جمال الفول
وديمقراطية حبيب الشعب البيرضى الناس كلهم
وياخوانا انا هسى ده متعشى فول وبكره اكان الله ادانا عمر ناوى عليهو والحمد لله
وياجماعة الفول ده ما ساهل لانوا من عناصر القوة البشرية ومصدر من مصادر الطاقة
وبما ان جزء كبير من هذا الفضاء الاسفيرى قد لا يجد اصحابه ( الفول المدنكل ) فان المجال مفتوح
لمن يريد التعبير عن مشاعره الحميمة تجاه الفول او حتى زكرياته الاليمة مع ذلك الكائن ابوعين كحيلة
بعد ان تحول من كائن فولاوى الى ( ماكدونالدزى ) او بيتزاوى ..

**معتز زيزي** · 05-08-2007, 15:18

أحلى منك قايلة بلقى ... ولا غيرك إنتي بلقى

HimOvicH · 05-08-2007, 19:31

و الله يا جماعة الحقيقة تقال!!

الفول ده بس مكتوب علينا سااااى زى الشمس دى!!!

bspous · 05-08-2007, 19:45

السلام عليكم يا عشاق السودان

الليلة الموضوع دا جانى لحدى عندى , شكراً يا TEEMA على الموضوع الرائع

الفول و ما أدراك ما الفول , فول برعى و فول الواحة و فول أبو صليب و فول أبو الجكس و فول

بابا حسين .

أنواع طلبات الفول : فول بالجبنة - فول بالبيض - فول بالسلطة - فول بالكبده - فول بسلطة الاسود -فول

بالطحنية - فول بالطريقة البسبوسية .

أنا بعتقد إنو الفول أصبح يمثل العادات و التقاليد السودانية الجميلة , ربنا يخلى لينا الفول .

من ذكرياتى الجميلة مع الفول إنوا سافرت 34 ساعة عشان اتحصل على حبيب الشعب أبو الافوال , فى

زول بتخيل حاجة زى دى 17 ساعة ماشى و 17 ساعة جاى عشان حبيبنا العزيز و برضوا ما كتيرة عليه .

jOojOo · 10-08-2007, 02:26

الفوووووول ...
اممممم...امم

هاكى دى قصيدة هدية عن الفول ..

حبك بطحني عالحشيش ...
ومن غيرك مأقدرش أعيش ...
أحنا جوز جزم ...
وفردة وحدة ماتمشيش !!!
-----------------------
قطعني حتة حتة وأرميني لأي قطة ...
أنا كنت بأحب واحد دلوقتي بأحب ستة ...
-----------------------

إقلب القدرة على فمها ...
يتدلق الفول منها ...