هيمو فيتش وركن المساطيل كانوا حيودوني في 60 دهية!!

selvister · 15-07-2007, 14:54

السلام عليكم يا جماعة

أخباركم وأحوالكم

بدايةً أريد أن أشكر كل من كلف نفسه بالإتصال بي والسؤال عنّي أثناء فترة مرضي
والما إتصل أكيد ما عارف وأنا عاذركم كلكم .

بس تلقاكم متشوقين تعرفو الموضوع

هههههههههههههه

إحم إحم .........

أمبارح وأنا طريح الفراش حوالي الساعة ( 11 مساء ً)

( كنت بتصفح المنتدى ونا راقد في السرير - أخر ترطيبة والكندشة دي ضاربة )

كان معاي في المسنجر واحد عزيز علي جداً من أعضاء المنتدى

وكان في زهج كدا قلنا نفرفش شوية

المهم قلت ليهو أصبر لي بس هسي بضحكك

مشيت وين ؟؟؟؟؟؟؟؟؟

مشيت فتحت قسم النكات في المنتدى أتاريهو هو ما قاعد يخش قسم النكات عشان طوالي بيكون مشغول وجاري

مشيت فتحت موضوع ( ركن المساطيل ) ومواضيع حبيبنا ( هيموفتش )

وبقيت أعمل ليهو كوبي وبيست في المسنجر عشان ما يعرف إني جبتها من المنتدى ويقوم يمشي يفتح المنتدى ويخرب علي جو الألفة البيناتنا دا

هههههههههههههههههههههههههههههه

مع إني النكات قريتها كلها قبل كدا ومواضيع هيمو فتش برضو لكن ضحكت كأني أول مرة أقراها

المهم فضلت أضحك وأضحك وأضحك

لحدي ما الجرح بتاع العملية إنفتح والدم جا نازل ماسورة بس ( انا عملت عملية زايدة )

وانا بقيت ما قادر أمسك نفسي من الضحك والألم

فجأة لقيت ناس البيت كلهم متلفين حولي وبقولو لي مالك يا ولد

( أنا بضحك بي صورة هستيرية اتاريهم قايلني بكورك وببكي )

المهم قدرو يسعفوني بي سرعة

وانا برضو قاعد أضحك

هههههههههههههههههههههههههههه

الله يجايزيك يا هيموفتش

وجدا أول مرة في حياتي أضحك كدا