سبعة سبعة ألفين وسبعة الساعة سبعة..!!

**هشام عوض** · 07-07-2007, 14:44

ممكن تحصل حاجة في الساعة دي ..!!
غايتو الساعة سبعة صباحاً ما حصل شئ ..!!
الله يكضب الشينة ..والمساء يعدي عادي ..!!
تعالوا نتلاقى بعدين هنا الساعة 7 ونشوف الجديد شنو ..!!!

3ashg hana · 07-07-2007, 15:37

الجميل جدا" (صاحب البلاطه) لك التحيه ..

(حاضرين أنشاء الله) ..

وكل أحترامي ..

**رغــَــد** · 07-07-2007, 15:54

ذكرتني يوم 1-1-2000 ...

كان في رعب من حدوث كارثة بسسب تغير العددات

سواء في الطائرات .. الاقمار الصناعية .. اجهزة الاتصال الدولية

لدرجة ان معظم الخطوط الجوية الغت سفرياتها في ذلك اليوم حرصاً على سلامة الركاب ..!!!

نشوفكم ليلاً ... ان شاء الله

**معتز زيزي** · 07-07-2007, 16:22

بس ما تجوا فااااااااااااااضين
تورته - بسبوسه
إنشاء الله تجيبوا معاكم "أم سبعة وسبعين"
عرفتوها ولا أجيب معاي فهامة بعدين

أنا ماشي أتجهز بس تعالوا بدري

جمة حشا المغبون · 07-07-2007, 20:13

أنا غايتو حصلت معاى
(حاجة شخصية )
لم أبرد حا تعرفوها ..

**هشام عوض** · 07-07-2007, 20:39

بحاول من الساعة سبعة إلا سبعة وعشرين دقيقة اخش على المنتدى ..وكل الأرقام الأنا حافظها صم .. والكلمات التذكيرية ..وكلمات المرور اللي بستخدمها ..هنا ..وهناك ..وفي كل فجة ..أبت تتقبل ..!!!
يا ربي المشكلة جات في المنتدى ..!!
ولا فيني ..!!
والخيال يودي ويجيب .. يا ربي حماده طلع ( طابور أمريكي ) و طارق ده زمان مسكنا منه ( كوفي عنان ) ده بالعافية تاني قبل على الكوري اللسة ما قادرين نحفظ إسمه ده ولا شنو ..!!
ناس إيهاب ..والصدى ..و الصريح .. ديل يا ربي عملوا ليهم ( عمله ) والأمم المتحده ..حظرت تواجدهم في أي ( موقع ) واتحصرنا معاهم ولا الحكاية شنو ..!!
ست الكسرة دي يا ربي ركنها ده ( كتلت فيهو زول ) ..!!
ولا ناس الترجي جوا بالفكي بتاعهم ..!!
وبالغلط لبس نضارة ( عاشق هناء ) وبدل ما يقفلها على ناس عوض مجذوب قفلها على ناس هشام عوض .. وخلانا مصرجين !!
في زول كراعه ( تب ) ما خضراء ..يا ربي يكون دار جعل ..!!
ولا ممكن تكون ( عربية ) معتز زيزي ..اتشمشروا فيها لغاية ما قطعت بنزين في محطة ( تسجيل الدخول ) وخلتنا نحاحي زي ( ناس كده ) .. وما قادرين ( نلم فينا ولا فيهم ) ..!!
الحصل شنو .. مالها الساعة سبعة ..من يوم سبعة سبعة ..مشت بدون ما تترك أثر ..زيها وزي :
1/1/2001 و 2/2/2002 و 3/3/2003 و4/4/2004 و5/5/2005 و 6/6/2006 ..!!!
قعدت مع نفسي واتذكرت (د. محمد عبد الله الريح ) وكان بيتكلم عن نشرة 8 في الراديو ..وهي طبعاً نشرة مشهوره بإنه بيزيعوا فيها الميتين ..وهي في فترة كده كانت برنامج لي الناس البعيده عن بعض ..فينتظروها ( بفارغ الصبر ) ولا ( فارق الصبر ) ما عارف ..ولمن واحد ما يحضرها ويجي يسأل :
أها الليلة النشرة فيها خبر منو ؟؟
تجيهو الإجابة : والله النشرة الليلة بايخه مافيها جديد ..!!

(ده كلو عشان ما ذاعو فيها زول مات من الحلة أو الأهل والمعارف ) !!!

**
تخريمة ( جوه بيتنا ) :
بتذكر يوم كنا بنسمع نشرة 8 دي والمذيع قال توفيت الحاجة ( فاطمة علي إبراهيم ) وفجأة صرخت جدتي التي كانت تشاركنا الاستماع للنشرة وقالت : ( أي ليم مسي )..!!
يعني كنت قايله دي أنا ..!!

3ashg hana · 07-07-2007, 21:58

الله يجازيك يا ( هشام عوض )

صدق يا هشام .. تخريمتك (طلعت) .. أخطر من تخريمه (العجب)..بالجد خطيرة و(أخطر) من خطيرة..

7/7/وألفين و (7).. و(فكه) كمان ما (صما) ..طبعا" اليوم زي رقم (كدوس)لاعب الهلال سابقا"و ما إنتها للأن .. وأنشاء الله خير ..

من المغرب (السحاب) شايل في السماء كتل (كتل) .. والغبار (ينهر) في الناس يمن و(شمال).. والله يكفين شر من كان (يحمل) كتابه(بشماله)..اّميييييييييييييييييييين ..

وبجيكم بكرة .. كان الله حيانا .. (نشوف)باقي مجريات اليوم7/7/2007 دا حصل فيها شنو ..!!؟

وأرقدو (طيبين)..

وكل أحترامي ..

**طارق** · 07-07-2007, 23:29

غايتو . ما حصل حاجه .. اليوم ياهشام عوض .... !
بكره يوم 8/7 ..... ! ما في زول داير يعرف الحاصل شنو فيهو !
ولا بس .. كان محصور في 7/7 ... !

هو بكره اهم من اليوم ... ده !

الهلال لاعب !
وعيد ميلاد زول كده !
وماشي أحدد مصيري في الــــ .....!

كفايه ... يارب حيينا لي بكره ...!

اخر تواجد في هذا البوست .... 11:26 مساءا .... بتاريخ 7/7 /2007 م ...

**هشام عوض** · 07-07-2007, 23:37

الرقم سبعة دي متشربك معاي جنس شربكه ..
مولود يوم (7 +6 ) .. في شهر ( 7 ) ..في سنة ألف وتسعمائه و( 7 ) وكم كده ما عارف ..!!
رقم الموبايل ..فيهو 7 ..رقم المكتب فيهو ثلاثة سبعات ..رقم البيت ( هنا ..وفي السودان) ..فيهو سبعة .. ونمرة العربية ..برضو فيها 7 .. تاريخ إرتباطي بأم رامز يوم (7+ 10) .. ويوم ميلاد رامز صادف نفس اليوم ..!!
عشان كده متوقع إنهاليوم الكله سبعات ده ما يمر عااااااااادي كده زي التانين ..!!

أها الباقي منه أقل من ساعتين ... الله يجيب اللي فيهو الخير ..!!