ركــــن صديقتنا ღ♥ღ Sit_Elkisra ღ♥ღ الخاص

**رغــَــد** · 06-07-2007, 13:15

عندما نريد ان نتوج النجوم ..

تتلاشى الاحرف خجلا ويتنحى الكلام جانبا

لان بريق ظهورهم يطغى على كل شئ

صديقتنا اليوم مخلصة ومتفانية .. اراءها تصنع فرقا

نتشرف بتتويجها صديقة المنتدى العام

رحبوا معي بـــ :

Sit_Elkisra

وفي انتظار اختيارها لفكرة تـنفذها في ركنها الخاص... حتى نشارك معها

.:: أحــــــلى تحـــــية ::.

Sit_Elkisra · 06-07-2007, 18:18

خــلـعـــتـــــــــــونـــــــــــــــي!!!!!!!! خلعة الذين إنخلعوا.......

أستاذة رغد،،،،،،

أولا: أشـــكرك على اللفتة الحلوة منك التي أعتبرها هدية غالية علي جداً...
و ثانياً : ده تحذير للحيجو بوراي أصحاب أركان و كده ... طبعاً الزولة دي تلب كده ختت الموضوع ده و لزقتو ليك في المنتدى ... أنا جاية خاشة عصريات بعد حرب الحلل و البوابير و الصيجان يوم الجمعة... لقيتا ليك رسلت لي رسالة خاصة انو انا بقيت ست ركن... اعملوا حساااابكم
((دي عملة تسويها فيني يا مديرتنا عاد بالغتي))

-----------------------------
بما إنو براكم جبتوني جاي عندي حاجات كتيرة غايظاني في المنتدى حقوم أبدأ أتكلم فيها من أول مشاركة لي هنا في الركن...
مع إنو فكرة الركن دي صعبة شوية لكن كدي نقول ليكم الجاي ده بعداك بوريكم الكنتة الجاية شنو
-----------------------------

أولاً : يا حمادة فوريفر كلمتك عشرمية مرة إنو sponsered دي غيرها أتعبت لي مرارتي ياخ!!

ثانيا: كنت غايبة عن المنتدى لفترة ... لما جيت لقيت ليك الجماعة عفنوها ليك مع الرسايل الخاصة و ((ممنوع تداول الايميلات)) (( ممنوع تداول ارقام الهواتف))
الحاجة دي عندها معنى واحد...

((ممنوع الجكيس و كسير التلج في المنتدى))

معقولة بس!!!!!!

ثالثاً : جاتني فكرة إنو يكون البروفايل بتاع اي عضو في المنتدى فيهو نوع جنسه ؛؛؛ في كمية من الناس ألقابها لا تدل على إنو ذكر أم أنثى ... الحاجة دي بتعمل لبس للناس مافي منه لزوم...
أحسن حاجة تعملوا تصويت بيناتكم يالمدراء و تشوفوا إذا فكرتي دي كويسة والا لا...
وانا شايفة من وجهة نظري إنو مافي مشكلة لو عرفناك ذكر والا أنثى... عاجلاً أم آجلاً العضو البيشارك حيتعرف جنسه شنو من صيغة حديثه!!
ما معروف إمكن ناس زيستي لي قدام يطالبونا بي صور كمان!!! ؛)

رابعاً : وين المنتدى بتاع التبادل التجاري ...؟ انا طبعاً ما مواكبة للأسف لكن كان المنتدى ده عامل شغل جامد ... سبب حذفه شنو؟ وإذا سؤالي مافي محله .. أعتذر و أسحبه

خامساً : في موضة بتاعت تثبيت و منتديات فرعية نحن في غني عنها ... على سبيل التحديد ؛؛؛ في تثبيت كمية كده كان اتكلمت مع أحد المشرفين فيهو و انو في مواضيع مرصعة بالنجوم و أخدت شعبية ما بطالة ... الحل في رأيي حيكون في النقطة الجاية (سادساً) أما عن الفرعية ... زمان لما كان المنتدى الأدبي واحد بيضم كل فنون الأدب و اللغات كان ماشاء الله .. بعد ما بقى في منتديين أدبي+قصص و خواطر و بتاع... المنتدى الأدبي فقد نكهته صراحة ...
بعدين المسمى ذاتو غلط .. إذا انت فصلت في المنتدى الأخير و شملت الأدب في الأول ؛؛؛ إذا جاك زول مسكين زي حلاتي و داير يشارك بتحير بي الله واحد...
فكرتي إنو يكون منتدى واحد و ((الأدب)) بشمل أي شي
أو يكونوا إتنين ((بي راحتكم)) بس المسمى بتاع الأدبي يكون الشعري...
منتدى الأخبار و القضايا الساخنة... أخبار و أرشيف أخبار و هلم جراًً...
برضو نفس الفكرة ؛؛؛؛ عشان ما ارغي كتير...

سادساً : زي ما وعدتكم في النقطة السابقة انو حقولليكم حل المشكلة في انكم تختوا المواضيع ام دبابير في روائع عشاق السودان و تخلصوا .. لكن بعد ما يتقفل و مافي زول يشارك فيهو ... مع الإشارة للمنتدى الكان موضوع فيهو..

سابعاً : طبعاً انا في الشبكات و شغل الإنترنت زي عامة الشعب بعرف البحتاج ليهو ... فعندي فكرة و ما عارفة تبعاتها المادية و القانونية شنو في عالم الإنترنت...
الفكرة هي: لو عملتو محرك بحث كيف معاكم... بحث داخل المنتدى و بحث في القوقل أو ياهو أو مواقع الصحف السودانية أو أي جهة تعملوا معاها التعاقد...
أرجو إنكم تفيدوني بي خبرتكم في الإقتراح ده لو سمحتو....

ثامناً : دايرين لينا فكرة مؤتمر بيتكلم عن قضايا الشباب؛؛؛ ناس التلفزيون و الروادي دي ما عاجبيني في طريقة بحثهم و نقاشهم حتى آراؤهم في القضايا بتاعتنا... ياخ انحن تعبانين و عينا دي مرقت
الفكرة : مؤتمر شباب ...
المضمون : ممكن يكون عن؛؛؛؛؛؛
الأكاديميات في الجامعات وفرص البعثات الخارجية
صناديق دعم الطلبة و تأثيرها
العطالة و فرص العمل
و ممكن كمان نتكلم ععنهن كلهن في مؤتمر واحد ... و لو الناس هنا عندها إضافات يا سلام
التمويل : عارفاكم يا زيستي و حمادة دايرين تقلعوا نعلاتكم و تجوني بالدرب... لكن اقولليكم شي الله يخليهن لينا الإذاعات الكتار ديل ... أي واحدة سوا ليها إعلان قدر الضربة في المنتدى عشان التمويل يجي تمام...
الكادر : ماشاء الله المنتدى فيهو مجموعة طيبة من الإداريين و المشرفين..
المكان الزمان الباقي يعني: ده بقى لما توافقوا و تتفقوا...

ده المتذكراهو و قاعد لي في طرف لساني... لو في أي شي خطر لي على بالي في غضون الأسبوع ده بجي بقولو...

وبما إنو أنا هسع قاعدة في منصة المنتدى العام بقول لي ناس المنتدى ...
(( سلام إزيكم كيف تمام؟ ))

-------------------
لما أجي تاني

**رغــَــد** · 06-07-2007, 19:02

والله ما شاء الله .. دا كلو كان في طرف لسانك...

منورة يا ست الكسرة

و عجبتني قصة المؤتمر دي شديد

وان شاء الله برجع ليك تاني

الصريح · 06-07-2007, 19:49

اقتباس:

المشاركة الأصلية كتبت بواسطة Sit_Elkisra

خــلـعـــتـــــــــــونـــــــــــــــي!!!!!!!! خلعة الذين إنخلعوا.......

أستاذة رغد،،،،،،

أولا: أشـــكرك على اللفتة الحلوة منك التي أعتبرها هدية غالية علي جداً...
و ثانياً : ده تحذير للحيجو بوراي أصحاب أركان و كده ... طبعاً الزولة دي تلب كده ختت الموضوع ده و لزقتو ليك في المنتدى ... أنا جاية خاشة عصريات بعد حرب الحلل و البوابير و الصيجان يوم الجمعة... لقيتا ليك رسلت لي رسالة خاصة انو انا بقيت ست ركن... اعملوا حساااابكم
((دي عملة تسويها فيني يا مديرتنا عاد بالغتي))

-----------------------------
بما إنو براكم جبتوني جاي عندي حاجات كتيرة غايظاني في المنتدى حقوم أبدأ أتكلم فيها من أول مشاركة لي هنا في الركن...
مع إنو فكرة الركن دي صعبة شوية لكن كدي نقول ليكم الجاي ده بعداك بوريكم الكنتة الجاية شنو
-----------------------------

أولاً : يا حمادة فوريفر كلمتك عشرمية مرة إنو sponsered دي غيرها أتعبت لي مرارتي ياخ!!

ثانيا: كنت غايبة عن المنتدى لفترة ... لما جيت لقيت ليك الجماعة عفنوها ليك مع الرسايل الخاصة و ((ممنوع تداول الايميلات)) (( ممنوع تداول ارقام الهواتف))
الحاجة دي عندها معنى واحد...

((ممنوع الجكيس و كسير التلج في المنتدى))

معقولة بس!!!!!!

ثالثاً : جاتني فكرة إنو يكون البروفايل بتاع اي عضو في المنتدى فيهو نوع جنسه ؛؛؛ في كمية من الناس ألقابها لا تدل على إنو ذكر أم أنثى ... الحاجة دي بتعمل لبس للناس مافي منه لزوم...
أحسن حاجة تعملوا تصويت بيناتكم يالمدراء و تشوفوا إذا فكرتي دي كويسة والا لا...
وانا شايفة من وجهة نظري إنو مافي مشكلة لو عرفناك ذكر والا أنثى... عاجلاً أم آجلاً العضو البيشارك حيتعرف جنسه شنو من صيغة حديثه!!
ما معروف إمكن ناس زيستي لي قدام يطالبونا بي صور كمان!!! ؛)

رابعاً : وين المنتدى بتاع التبادل التجاري ...؟ انا طبعاً ما مواكبة للأسف لكن كان المنتدى ده عامل شغل جامد ... سبب حذفه شنو؟ وإذا سؤالي مافي محله .. أعتذر و أسحبه

خامساً : في موضة بتاعت تثبيت و منتديات فرعية نحن في غني عنها ... على سبيل التحديد ؛؛؛ في تثبيت كمية كده كان اتكلمت مع أحد المشرفين فيهو و انو في مواضيع مرصعة بالنجوم و أخدت شعبية ما بطالة ... الحل في رأيي حيكون في النقطة الجاية (سادساً) أما عن الفرعية ... زمان لما كان المنتدى الأدبي واحد بيضم كل فنون الأدب و اللغات كان ماشاء الله .. بعد ما بقى في منتديين أدبي+قصص و خواطر و بتاع... المنتدى الأدبي فقد نكهته صراحة ...
بعدين المسمى ذاتو غلط .. إذا انت فصلت في المنتدى الأخير و شملت الأدب في الأول ؛؛؛ إذا جاك زول مسكين زي حلاتي و داير يشارك بتحير بي الله واحد...
فكرتي إنو يكون منتدى واحد و ((الأدب)) بشمل أي شي
أو يكونوا إتنين ((بي راحتكم)) بس المسمى بتاع الأدبي يكون الشعري...
منتدى الأخبار و القضايا الساخنة... أخبار و أرشيف أخبار و هلم جراًً...
برضو نفس الفكرة ؛؛؛؛ عشان ما ارغي كتير...

سادساً : زي ما وعدتكم في النقطة السابقة انو حقولليكم حل المشكلة في انكم تختوا المواضيع ام دبابير في روائع عشاق السودان و تخلصوا .. لكن بعد ما يتقفل و مافي زول يشارك فيهو ... مع الإشارة للمنتدى الكان موضوع فيهو..

سابعاً : طبعاً انا في الشبكات و شغل الإنترنت زي عامة الشعب بعرف البحتاج ليهو ... فعندي فكرة و ما عارفة تبعاتها المادية و القانونية شنو في عالم الإنترنت...
الفكرة هي: لو عملتو محرك بحث كيف معاكم... بحث داخل المنتدى و بحث في القوقل أو ياهو أو مواقع الصحف السودانية أو أي جهة تعملوا معاها التعاقد...
أرجو إنكم تفيدوني بي خبرتكم في الإقتراح ده لو سمحتو....

ثامناً : دايرين لينا فكرة مؤتمر بيتكلم عن قضايا الشباب؛؛؛ ناس التلفزيون و الروادي دي ما عاجبيني في طريقة بحثهم و نقاشهم حتى آراؤهم في القضايا بتاعتنا... ياخ انحن تعبانين و عينا دي مرقت
الفكرة : مؤتمر شباب ...
المضمون : ممكن يكون عن؛؛؛؛؛؛
الأكاديميات في الجامعات وفرص البعثات الخارجية
صناديق دعم الطلبة و تأثيرها
العطالة و فرص العمل
و ممكن كمان نتكلم ععنهن كلهن في مؤتمر واحد ... و لو الناس هنا عندها إضافات يا سلام
التمويل : عارفاكم يا زيستي و حمادة دايرين تقلعوا نعلاتكم و تجوني بالدرب... لكن اقولليكم شي الله يخليهن لينا الإذاعات الكتار ديل ... أي واحدة سوا ليها إعلان قدر الضربة في المنتدى عشان التمويل يجي تمام...
الكادر : ماشاء الله المنتدى فيهو مجموعة طيبة من الإداريين و المشرفين..
المكان الزمان الباقي يعني: ده بقى لما توافقوا و تتفقوا...

ده المتذكراهو و قاعد لي في طرف لساني... لو في أي شي خطر لي على بالي في غضون الأسبوع ده بجي بقولو...

وبما إنو أنا هسع قاعدة في منصة المنتدى العام بقول لي ناس المنتدى ...
(( سلام إزيكم كيف تمام؟ ))

-------------------
لما أجي تاني

الف الف الف الف الف الف

مبرووووووووووك يا ست الكسرة علي الركن..

اما الفكرة بتاعت الجنس دي انا ولد

ودا شنو يا بنت شكلك داخلة علي طمع دا شنو الكلاد دا كلو عوضتي ليا الاركان الكانت فاضية

ومافيها موضوع القبليك علي العموم عندك حق ويارب الافكار بتاعتك تتنفذ...

**رغــَــد** · 07-07-2007, 16:57

ياخوانا وينـــــــــــــــكم ؟؟؟

عايزين ليكم عزومة كمان !!!

ست الكسرة دي غالية علينا كلنا ... ادونا مشاركات من العيار التقيل بالله

جمة حشا المغبون · 07-07-2007, 18:03

ست الكسره
(أنا ما عارف إذا الكاف بالكسرة ولا بالفتحة ) .

المهم كما يحلو لك (Sit_Elkisra).

مبروك الركن الخاص

طرحك جميل جداً (إذا كنت أنا فى محل تقييم ) وعجبنى إسلوبك الإفتتاحى .

أما عن مضمون الطرح أثنى معك على الفقرة الخامسة (لا ضير فيها لكن ينقصها الترتيب بعض الشى وأرى أن السبب بعض المشاركين يوجد خلط ما بين القصة القصيرة والشعر والنثر ) وبما أن الموضوع (نسخ + لصق ) الواحد من بعضنا يقول (محل ما تنزل تنزل ) ولاشنو ياجماعة .

فكرة المؤتمر جميلة جدا وياحبذا لو نفس مواضيع المنتدى المثيرة للجدل تُناقش على الطبيعة .

وشكراً لك يا جميلة ولى عودة إنشا الله .

البرق · 07-07-2007, 23:31

الاخت رغد بداية" احب ان اهنئك علي اختيارك الذي صادف اهله
فست الكسره استطاعت ان تحدث ضوضاء عظيمه في محيط هذا المنتدي وتميزت بالبساطه في الطرح والعمق في فكرة الطرح والبساطه هذه موهبه لا يدركها الا ذو حظ عظيم
الجدير بالذكر ايضا" ان لست الكسرة اسلوب رائع لا يمل حتي ولو كان موضوعها طويلا" فهذا شيء قد لمسته اذ ان كل الموضوعات الطوووويله كانت ممله بالنسبه لي ولكن ست الكسره مهما اطالت فهي ترغمك علي المواصله بنفس الدافعيه والجذب

سؤل الطيب صالح كيف وصلت الي العالميه فقال :
اغرقت في المحليه

فست الكسرة تطرح افكارا" غير محدودة علي طبق مبسط وسهل وممتنع

ارجو يا ست الكسره ان يساعدك (ابو قرون ) علي ايجاد فكره لركنك الخاص

Sit_Elkisra · 08-07-2007, 00:07

أستاذة رغد،،،،،،،،،
شفت لساني طول شنو!!!!! قعونجة بس ،،، لووول

------------------------------------------------------------------------------------------
الركن و مكانه عامة كده مفروض إنو يجذب الناس الكلو يوم خاشة دي ...
لو الناس و خصوصاً ذوي الشأن هنا في المنتدى دخلوا علينا من المفترض إنهم يشاركوا و يجاوبوني على أسئلتي و من ثم يورونا رأيهم
أنا بتكلم عن منتداكم و ده شأنكم انتم قبلي ما يكون شأن عضو هباش زيي و قاموا أدوهو هدية ظريفة و علقوا إسمه لمدة أسبوع في ركن....
رايك شنو يا رغد ؟؟ لووووول
---------------------------------------------------------------------------------------

الصريح الظريف ،،،،،
دايرين إضافات صريحة كده من النوع بتاعك يا عمك.... مستنياك!
شكراً خالص مالص

جمة حشا المغبون ،،،،،،
كِسرة و لا يهمك قول الدايروه انحن في مرفق عام ... ركن و كده
هي شفت كمان بقوني ست ركن على الكسرة و الحلو مر و الرقاق و حاجات كتيرة بقيت صاحبة أملاك عديل
شفت ياخوي أي فكرة تجيك حبابك عشرة هنا في الركن... ((((( الكلام ده لي كل الناس ))))) ...
أطرح فكرتك هنا و نناقشها سوا و إتأكدوا كلكم تماماً إذا الفكرة ظابطة أو غير أنا حقوليكم رأيي فيها بكل صراحة
و منتظرة منكم نقد باين في نقاطي السابقة و إن كان معارض ليها مع توضيح الأسباب

البرق،،،،،،،،،
أنــــــــسى يالبرق فكرة تكتاك و حالة شلش والواطة ركن أسبوع بس!!!
شكراً على الكلمات الرقيقة و الله لساني إن نضح في كل ضخة دم؛ شكر لن يساوي قدر كلامك...

(((أشكركم جميعاً ياخوانا على الطلة البهية التي أبهجت قلبي ... و بالتأكيد الموضوع لو ما رغد ما حيكون بالحلاة دي)))

شكراً تاني يا رغد
((((بالمناسبة ،،،، لو اتمعضتوا فالبنات جنننننهم شكراً و معليش لوووول))))