لو دائر تحفظ القرآن طريقة ساهلة....أدخل شوف كيف

alsagri · 13-06-2007, 23:38

السلام عليكم ورحمة الله وبركاته .... طبعا ماأظن ماخطر علي واحد منكم في يوم من اليام انو يحفظ كتاب الله...لكن المشكلة فينا انو عزيمتنا بتكون ضعيفة و مافي تشجيع على الحفظ ودائما نبدأ نحفظ لما الحماس يزيد من سماع محاضرة او غيرو لكن بعد يومين نقيف........ مش الكلام ده حصل معاكم ولا معاي برااااااااااي
عموما يااخوانا واخواتنا والله مافي متعة في الدنيا احلى من انك تقرأ كلام الله وتتدبر معانيهو
ياخ نحن لما الواحد تجيهو رسالة من حبيبتو يقعد يقراها مرتين او 3 ويحفظا عديل ويقيف عند كل نقطة - ياربي دي قاصدة شنو بالكلمة دي- ولو ماعرف يسأل صاحبو الكلام ده معناهو شنو ويعني حاجات زي كدة كلنا عارفينها والله عيب علينا سبب النكبات اللي نحن فيها دي كلها من بعدنا عن القرآن
يللا ياجماعة نعاهد نفسنا نقرأ القرآن بتدبر ويكون عندنا ورد يومي انشاءالله صفحة واحدة لكن نقراها بتدبر
ونعرف معانيها والله حنلقى حلاوة ماعادية.....

alsagri · 13-06-2007, 23:47

طيب رايكم شنو لو حاولنا نحفظ القرآن عديـــــــــــــــــل كدة !!!!
صعبة ؟؟؟؟
لا والله ماصعبة ... لو داير تحفظ عندي ليك طريقة ساهلة وممكن تطبقا حتى لو كنت مشغــــــــــول جدا
كيف ؟؟؟

الصفحة في المصحف ( مصحف المدينة ) فيها 15 سطر
عدد الصلوات في اليوم خمسة ولا انا غلطان
طيب معاي ؟؟؟؟
صلي الصبح في وقتو وبعد الصلاة اقعد ربع ساعة بس واحفظ 3 سطور فقط لاغير وصلي بيهم الضحى ولو مابتصلي الضحى مامشكلة راجعهم وانت ماشي في الشارع
و قبل صلاة الظهر احفظ 3 تاني وصلي بيهم السنة وصلاة الظهر وهكذا لحدي صلاة العشاء بتلقى نفسك حفظت صفحة كاملة .... يللا صحصح شوية بالليل وصلي ركعتين قبل النوم بالصفحة اللي حفظتها
لو واصلت كدة حتحفظ الجزء في 20 يوم هل تصدق ... معناها حتحفظ القرآن كاملا في ....... كم أحسبا
يللا نجرب لكن في شروووووووووووووووط!!!!!!

alsagri · 14-06-2007, 00:08

أول شرط هو أن تجعل نيتك خااااالصة لله سبحانه وتعالى في الحفظ يمكن تكون اصلا مامقتنع بالحفظ ..... طيب انا كنت زيك ماعندي رغبة لكن تأمل معاي الحديث ده وحتعرف اهمية الحفظ....قال الحبيب صلى الله عليه وسلم ( يقال لصاحب القرآن يوم القيامة إقرأ وارتقي ورتل كما كنت ترتل في الدنيا ) أو كما قال صلوات ربي وسلامه عليه ...وبعض العلماء قالو انو عدد درجات الجنة بعدد آيات القرآن......بعد ده حقو نحاول نحفظ...

الشرط التاني انو يكون عندك عزيمة قويو وارادة حديدية انك ماحتضيع ولا يوم في الحفظالشرط التالت وده مهم جدا شوف معاك شخص او أكتر من اصحاب الهمم العالية وابدو حفظ سوا وأسالو كل مرة عن الحفظ وتواصو به......والله ده مهم جدا وبيعينك علي الحفظ كتييييييير

الشرط التالت انك تتأمل في كل آية تقراها وشوف اثرا في قلبك حيكون كيف ؟؟؟
الشرط الرابع أووووووووووعة تقول مابقدر ...صعب .... إياك واليأس

الشرط الخامس ( اختياري ) كل ما تحفظ ورينا حفظت كم والحفظ كيف ولو مرت بيك آية أسرك معناها وكل معاني القران آسرة فلا تبخل علينا بإنك تكتب في الصفحة دي ونشارك نحن معاك في تذوق روعة القرآن..[/color]الشرط الخامس ( الزامي ) ارجو من كل من يقرا الكلام ده يدعو لي بالهداية والتوفيق
ماتقرو كلامي ده وتقولو اني حافظ !!!!! أبدا والله أنا بديت أحفظ وحفظت 4 أجزاء والحمد لله مواصل في الطريقة دي وناوي احفظ القرآن كاملايللا ياجماعة .... وفي ذلك فليتنافس المتنافسون
أسأل الله تعالى أن يوفقنا جميعا ويهدينا الى سواء السبيلمع حبي......!