جيبي خبر

ودكبوشيه · 18-05-2007, 18:20

قبال خطابي يصل

يانسمه جيبي خبر

قولي لي كيف الحبيب

غاب ماظهر ولاتركلي خبر

روح ياحمام بلغ سلامي للحبيب

قول ليه الحبيب راقد مستنيك

طمني ياحمام عن الحبيب الحنين

عاشق المستحيل :::: ودكبوشيه

كسلاوي · 19-05-2007, 12:35

ود كبوشية صباحاتك بيض

خطابك وصل شايلو النسيم قبل الحمام شايل الخبر
حبيبك سعيد بنسمة الطيف والنسيم جايب الخبر
خبراً وراك سبناه ما بنسأل ولا راجين خبر
شوقاً وراك تهنا
سألنا كل المعدي شايل "جواويب" الخبر
هناك جابوها قدر ما اتلفت ما لقيتلك اتر
سلامك وصل
كلامك وصل
عتابك وصل
وشوقك من زمان محكر في مكاناً ما حصل
اتوكرت فيه غير دميات القلب البفكر فيك ويسأل
حبيبك حنين
قليبو حنين
سلامو حنين
و رده حنين
عاشقك كمان فوق للمستحيل
ومنتظرك قبل جوابك يصل "يشوفك وصل"

الفنان · 19-05-2007, 19:15

طال الشوق لي الشمال
علي كبوش ارض الجمال

دحين سمعت بالغنية دي ؟ يلا أتحفنا من قبالة النيل
والجروف من شمال الوادي رسل لي حروف (بدون نقطة على الحاء) ..
ننتظر إبداعات فن الشمال ..

ودكبوشيه · 21-05-2007, 22:04

كسلاوي :

الفنان :

سلمت يمناكم علي المرور الراقي

والف تحيه لي كسلا الولوفه ياكسلاوي

الفنان ابدعنا بي فنك ياراقي

لكم كل الود؟

emadjaryj · 22-05-2007, 17:00

يانسمه جيبى ليو خبر
عن القمر
وعن الضمر
وعن الغزال الجانا تر
وقل ونبر
ونبر وراهو وساق دفر
لى الليله صايم مافطر
يانسمه قومى الود صبر
بين التراجمه وبين قدو
راجيكى فوق ضل الشدر
جيبيلوا من الصيد خبر
خبر السرور
برضاكى مايكون شوك عشر

شايقية · 23-05-2007, 13:45

يا نسمة ما تجيبـــي الخـــبر
قلبي من مــدة انشـــغل
بحــبيب جفانـــي وما تصـــل
يا ربي بس اييه الحصــل
ما كنا زي نسمـــة حــنين
مليانة بالشــوق والأمـــل

ود كبــــــــــوشة
دمــــــت بخيـــــــــر .. ودامـــــــــت حروفـــك ..

ودكبوشيه · 18-05-2008, 20:32

شايقيه :

سلمت يمناك يالغلا
لكي ودي

عاشق المستحيل