(*****ركــــــــــــــن المساطيل*****) - الصفحة 2

صدفة البحر · 26-03-2007, 13:37

المشرف الجميل Selvister برضو دمو خفيف وكتب مسطول مصطول فى النكت دى:

مصطول بيسأل الثاني لو ولعت النار في البحر البحصل شنو ؟
رد عليه بيطلع السمك مشوي

---------------------------
اتنين مصاطيل مشوا شارع المطار يلعبوا لعبه

--------------------------------
الي تطقشوا العربية مرتين يطلع برة اللعبة

------------------------------------------------
محشش فتح محل توزيع غاز ...فجر اسطوانتين غاز بنص البلد ...ليش؟؟؟

قال دعاية

صدفة البحر · 26-03-2007, 14:48

وطبعا زولنا المتخصص فى الجماعة ديل ... عرفتوا طبعا (مقنع الكاشفات) برضو قال لينا النكات ديل:

مسطول شاف واحدة سمييينة بترضع ولدها قال :
مسكين من متين ياربي قاعد ينفخ فيها ؟؟
_________________________________________

واحد مسطول قاعد مع امه التلفون رنه
رفعه لقاه خطيب اخته الراجل شعر بانه ردوده غريبه
قال ليه: انت من اهل البيت؟
المسطول رده قال ليه لا انا من كفار قريش
________________________________________

مسطول فتح محل سماه محلات الاقمشة لحلاقة الاحذية الغذائية؟؟؟؟؟؟
________________________________________

اربعة مساطيل عايزين يربطو مروحة سقف اثنين مسكو المروحة واثنين لفو السقف

**zesty4ever** · 26-03-2007, 15:45

فكرة روعة يا صدفة ...

بالطريقة دي الظاهر حنكون مكتبة المساطيل الإلكترونية

دي نكتة قدمها لينا aljoker

-------------------------------------------------------

مسطول قال عاوز يبقى عالم
وهو قاعد في الكرسي في ذبابة ركت في الطربيزة قدامه
فقام قاليها : طيريييييييي ، الذبابة طارت
جاب ذبابة تانية وقطع ليها جناحيها وقاليها :
طيريي طيري
قام مسك قلم وورقة وقال :
اثبتت التجارب العلمية أن الذبابة عند قطع جناحيها لاتسمع

-------------------------------------------------------

تخريمة :
مقنع الكاشفات ... طلعت مسطول أقصد مقنع بالجد

صدفة البحر · 28-03-2007, 12:02

هههههههههههى اخى زيستى ..
شكرا لمشاركتك وسنغير الاسم الى مكتبة المساطيل الالكترونية ..
بس حاسب من الـ999
هههههههههههههى
والصـديق دارك مان قال:

في مسطول عندو ذقن كبيرة
دخل مسجد بالغلط لقاهو واحد قايلو شيخ قال ليهو : يا شيخنا فاتتني ركعتين أعمل شنو ؟
قال ليهو : في ذول شافك
قال ليهو : لأ
قال ليهو : أعمل
نـــــــــــــــــــــايم

----------------------------------------------
مسطول قابل مسطول ساله انا شفتك وين قبل كده رد ابدااا ما متذكرك المسطول الاول رد غرررريبة انا برضو ما متذكرك - تعرف ديلبكونو اتنين غيرنا

-------------------------------------------------
واحد مسطول مجنون بتاع بلااستيشن أبوه مات
كتب على قبره game over

-------------------------------------------------
اثنين محششين ماشين في الشارع صادفتهم جنازة قامو يمشو وراها و بعد شوية سمعوا صوت عربية مسرعه جايه عليهم .. كل اللي ورا الجنازة هربوا على اطراف الشارع وخلو الجنازة في وسط الشارع .. والعربية تحاول ما تصدم الجنازة وحكت فرامل لحدي ما وقفت قبل الجنازة بي شوية .. قام اتلفت السكران على اخوه وقال : تصدق الميت ده اتكتب له عمر جديد

-------------------------------------------------
مسطول قالوا ليهو : الصينيين بولدوا كل دقيقة طفل .
قال : دا التقدم مش زي هنا كل 9 شهور طفل

---------------------------------------
مسطول صلى الصبح ركعة واحدة. لمن رفعوا المصلاية لقوه خاتي تحتها كربون

الصريح · 28-03-2007, 14:39

ههههههههههههههههههه
لكن مبالغة مساطيع عسل بس

تحياتي

صدفة البحر · 28-03-2007, 15:02

شكرا الصريح .. هم نكتهم جميلة ما تنسى تنزل لينا هنا نكتهم اذا صادفتك كويس

وهاكم دى:

مسطول جزار .. داير يعرس قال لابو العروس:
نا طالب يد بتك كلها ما تنقص ولا كيلو ..

الفنان · 28-03-2007, 15:44

والله روعة
لما الواحد قاعد لوحده ويضحك
حتى يشك في نفسه إنه مسطول جد جد

فعلاً الواحد كان محتاج الضحكة دي
أحسن من حبة بندول

شاكرين ليكم يا صدفة وزيست
ما حاأقدر أشارككم إلا بالضحك ..

عوض مجذوب عبدالماجد · 28-03-2007, 16:26

عوض مجذوب عبدالماجد

واحد مسطول مشى اشترى خروف العيد..على حسب السطلة الفي راسو إنو الدنيا عيد قام جاب الحناء وحنن الخروف وربط ليهو الهلال فوق قرونو...المهم زولنا مشى جاب ليهو جزار مسطول زيو، دخل جوه عشان يجيب ليهو حاجات وجا راجع لقى الجزار طهر الخروف ومشى .

عوض مجذوب عبدالماجد · 28-03-2007, 16:29

BIBO86

مسطول في السوق :

مسطول مشى السوق لقى ليهو واحد عارض ارنب للبيع , قام سأل : بي كم القرد
صاحب الارنب رد عليهو انت ما شايف ولا شنو ياخينا دا ارنب ما قرد.
المسطول قاليهو معليش يا ابو الشباب انا سألت الارنب ما سألتك انت ...
.....................
مسطول سطلة :

واحد مسطول شاف ليهو زول فوق عينه حبة قال : بالله عليك الله دي عين ولا غين ...
......................
مسطول درجة أولى :

كان في واحد مسطول..سايق عربيه وعمل حادث..جو ناس الشمارات
قالوا مالك صادم الشارع طويل وعربض...؟؟
قال ليهم انتو لو ماشين ولقيتو حمار ماشي قدامكم تصدموه ولا تقعوا في الخور.
قالوا:نصدموا.
قام قال:اها انا كنتا ماشي فيا الشارع ولقيت حمارين صدمتا واحد ..والتاني جرى
لحقتوا عشان ا صدموا نزل الخور نزلتا وراه........

......................
مسطول كدة :

واحد مسطول وعندو محل بتاع بلاي ستيشن ، قام ابوهو مات ، كتب على قبره : قيم أوفر .....

............................
ما مسطول :

دا واحد ما مسطول بس اللماهو شنو !! انا ذاتى ما عارف
المهم واحد كسلان جدا جدا لما حب يتزوج ، اتزوج واحدة حامل ...

...............................
آخر مساطيل :

واحد جا لقى جماعة بسطلو بي مزاااااج زعل من الحكاية دي ، قال ليهم : حرام عليكم
ردو عليهو : وعليكم الحرام ورحمة الله ....

..........................
مسطول حمار :

اتنين مساطيل ، الأول يقول للثاني: تصدق أنك تشبه الحمار.. الثاني: قول ما شاء الله ....

..........................
مسطول امتحان :

مسطول يغازل لبنانية ، قالت له خيو حل عني ، قال لها ليه أمتحاناتكم صعبة...

.............................
مسطول ممرض :

واحد مسطول كان ماشي بالعربية قام صدم عامود ، عاين وراه و لقى دم على العامود . نزل ربط العامود بي شاش و مشى ...

............................
مسطول مربعات :

واحد مسطول قال لصاحبه .. ارسم على ظهري مربعات .. ورقمها من 1 الى 20 .. لما خلص .. قال ليهو : " حُـك لي المربع رقم 15...

.................................
حكمة مسطول :

العلم نور، والنور من الكهرباء، والكهرباء خطر، فلماذا نتعلم ...

..................................
مسطول عصبي :

مسطول قال لى زوجته نكته ، قالت : هههههههههههه بايخه ، قال ليها : ههههههههههه طالق .......

........................................
مسطول مثقف :

اثنين مساطيل مسافرين وقفوا عند محطة نزل واحد منهم وقال لصاحبه :عايز شنو ؟ قالو : أي شي . راح جاب لنفسه عصير ولصاحبه قلم ....

...........................................
واحد مسطل عدل :

قالو واحد مسطول واقف جمب البحر ، شاف ليهو تمساح قام قال : بالله شوف الضب دا عوام كيف ....
اذا لقيتوني مسطولة ذيادة قيموني هههههههههههه