كسلا الحبيبة

مقنع الكاشفات · 22-03-2007, 15:43

من شدة حبي لكسلا ولارضها وناسها وجبالها وقاشها ولكل شئ فيها تنتبني أحسيس مختلطة وحشة الغربة وإشتياقي لتلك المدينة ... ولذلك أهدي هذه الأبيات لكل من ترك دياهره واحبته في كسلا :

فايت مروح وين ...
لسة الزمن بدري ...
خليك شوية عشان ...
جنبك يطول عمري ...
دار الفرح والريد ...
تلقاني من أهلها ...
ومين اللي ما بعرف ...
طيب شباب كسلا ...
يلاك بعيد نرحل ...
لدنيا حنية

علي الحسين · 22-03-2007, 15:55

شكرا لاخونا مقنع الكاشفات الزكرنا البلد

انت شاعرعديل كدة يا ابو الشباب

مقنع الكاشفات · 29-08-2007, 10:03

والله يا علي حسين كسلا بالنسبه لي النسمة والعشق الذي لا ينتهي ولا ينضب ماءهـ حتى وان قلت في كسلا الشعر لا أوافيها حقها ولاهلها الطيبين الحنان الذين يحيطون الغريب بكل معاني الحب والموده والكرم الذي قل ما تجده في اي بلد آخر

HimOvicH · 29-08-2007, 16:42

أنا بما إنى من كسلاا اصلا برضو بقبل منك الهدية و كده!!!

ناعس الاجفان · 31-08-2007, 13:38

"
[لك التحيه حبيبنا مقنع الكاشفات

ومدام أنت عشقك كسلاوي أرجو منك قبول الهديه المتواضعه دي

كسلا ست الحسن والجمال البلجمال فاقت جمال أخوتا
جبل توتيل حصنها وزينتاأمتزجت بالخضره وبانت طبيعتـــا
سحرت كل القلوب الشافتا كل ما تشرق شمس تذداد في حلاوتا
وكل ما يمسي ليل ويهداء للسكون تفوح عطور خضرتــا
وكل الشعراء الليها غنو أبدعو في غنو تـــــــــــــــــــا
حتي أبناء جلدتا الأترعروا فيها وطافوا مودنـــــا وقريتا
ومن حسنها وجمالها غار عليها القاش حقد يهد بنيتا
قابلتو بالصمود والتصدي وما لانت همتا عجز وما قدر يطفي شمعتا
وبكره ترجع كما كانت مادام ما أهتزت وما ضاعت بسمتا
وكل الجاها زائر يرجع تاني لزيارتا مادام سحرتو بجمالهاومن توتيل شرب مويتا
وحتي الطبور المهاجره عشقتا وحبتا عشعشت في غصونها وعاشت بهجتا

ولك خالص الود والأشواق

الحلنقي · 11-08-2008, 15:09

في برنامج أيام لها إيقاع سأل الاستاذ حسين خوجلي الشاعر إسحاق الحلنقي
هكذا كان السؤال كسلا ؟ وانا أترقب الاجابة من عاشق لكسلا مثل الشاعر الكبير الحلنقي فأجابه
كسلا جنة في أرض الله

اسطوره · 11-08-2008, 19:40

سلمت يداك مبدع الشرق الحبيب