عوده قشاش الدموع للوطن

emadjaryj · 17-03-2007, 18:59

أخونا قشاش الدموع قرر العوده بعد غربه أمتدت (8) سنوات فتعالوا نرحب بعودته معا

حبابك جيتنا بينا تـقيم
حبابك تانى فى ضل السدر والنيم
طماطمك تبقى الله كريم
فرشك يبقى ريش هضليم
وتسمع صوت غتاك وكت يجيك نسيم
ضلك تانى يبقى سما
وحلمك تانى ينمو سما
تنوم وتـقوم تلاقى ضل ضحاك رما
تجيك أمك بعد ما حلبت غنمه
وكفى ورضعت بهمه
يجيك الشاى ليقماتنا حلات لقمه

تعال سودانا ياخى نما
وجانا سلام حقن للامه سفك دمه
بنادقنا بقت للفرحه تب من الحرب عصمه
وجا البترول وجاتنا التنميه يازول مايقدر أعد نعمه

ياقشاش دموعنا تعال
تعال للخاله والعمات
حبابك جيت خيرا جا وشرا فات
فرحه منتدانا تعم للعاشقين والعاشقات
يرحب بيك معتز والبروف بالذات
يرحبو بيك أخوانك بنين وينات
ترحب بيك ناهد ياعشا البايتات
يرحب بيك مستر لفت وودمجدوب دعا وصلوات
يرحبو بيك توتا ومقنع الكاشفات
وسلفستر والعاشق أخو الأخوات

حبابك بينا ياقشاش
هل خريفنا بى عودتك وجانا دعاش
يمين فرحتنه مابتنحاش
يرحبو بيك رغوده وأيمن بى وجيها باش
ترحب بيك كسلاويه بت القاش
ترحب بيك شايقيه وليها شهر داقه طناش
لكن عايده بى عودتك وذايده حماس

ياقشاش ليك أشواق
هاك تحيه العشاق
أخوك ود الأمين مشتاق
ومن عابر سبيل وهشام حب دفاق
جمانه وروز تهانيهم ليك بالعوده ياقشاش من الأعماق
أخوك ودالمتمه بقول عليهو طلاق
يضبح ليك يوم جيتك عبور وعناق
أخونا الصخره هو الضباح
والشجراوى هو السلاخ
وأنا الطباخ
سلام جايك من نبض الحنين ياصاح
ومن أبوأسرا من صدفه جات تتدفق الافراح
ومن كيمو وود محمود دعاء الامات مع البياح
الكل بيك يهلل وقال قرارك صاح

تعال وأرجع بغيابك شاق
وبعدك عنا مابنطاق
تعال للحله والمعلاق
تعال للورى والدقداق
تعال للنيمه والرقراق
تعال للقرفه والمحريب تعال لى حرجل الشقاق
يداوى النطره والنحار والشقاق
يجينا الليل
تجينا الزيفه والبراق
كلامنا يقل ويبقى دقاق
كلام عشاق
ونحن نقل ونبقى رقاق
يجيبوا عشانا بى لبنا عليهو رقاق
وقدر ماكترت الأيدين على الماعون كفى وحاق
قادر ربنا الخلاق
ياقشاش فرحنا الليله بى عودتك
تعال وأرجع بعادك شاق
وبعدك عنا مابنطاق
تعال وتعال .تعال لى منتدى العشاق

om momin · 18-03-2007, 12:01

اهلا ومرحب بيك يا قشاش

sanagah · 18-03-2007, 12:07

mejo_33 · 18-03-2007, 13:18

مرحب بيك كتير اخونا قشاش الدموع...
انشاء الله تكون قاشى كويس....

صدفة البحر · 18-03-2007, 13:49

يا عمدة انت عاوز الزول دة لما يرتطم بواقعنا دة تجى سقطة قلبية ولا شنو

قال ما بعرف شنو سودانا ,, ةما عاريف ليه داك

ههههههههههههى

قشاش الدموع انشاءالله بعودتك تقش كل دموع الاهل والاحباء والمشتاقين
ودمعتك اكيد

اتمنى لك (قعدة) كاااااااااااربة مافى منها شردة تانى
عودا حميدا

emadjaryj · 18-03-2007, 15:42

مشكوره أم مؤمن
وأنتى حتكونى فى لجنه الأستقبال

emadjaryj · 18-03-2007, 16:30

مشكور sanagah

emadjaryj · 18-03-2007, 16:32

التحيه ليك ميقو

جمة حشا المغبون · 18-03-2007, 16:55

emadjaryj · 19-03-2007, 17:45

مشكوره ياجمه