قناة هارموني : أول قناة سودانية تهتم بالفنون والتراث تنطلق اليوم

وعد اللقيا · 15-03-2007, 16:13

ينطلق اليوم عبر القمر الصناعي نايل سات البث التجريبي لقناة هارموني الفضائية كأول قناة سودانية مهتمة بالفنون والتراث وأخبار النجوم.. وتبث القناة برامجها من القاهرة بعد إنتاجها وتصويرها بالسودان.

وأجمع نجوم الفن السوداني الذين تم استطلاعهم عبر البرنامج الترويجي للقناة على أنها تمثل فتحاً سودانياً جديداً عبر الفضاء وأنها تمثل جمال وروعة السودان وتعكس وجهه المشرق للعالم.

المصدر : صحيفة آخر لحظة

**zesty4ever** · 15-03-2007, 16:24

ألف شكر وعد اللقيا على الموضوع ...

وأتمنى أن تكون القناة الجديدة واجهة مشرفة للسودان ...

ولكن! إذا أمكن تزويدنا بالتردد الذي تعمل عليه القناة حتى نتمكن من ضبطها بصورة جيدة ...

كل الشكر

**رغــَــد** · 15-03-2007, 16:27

مشكور اخي وعد اللقيا على الخبر

وان شاء الله تكون القناة جميلة وتعكس صورة بهية عن الفن والتراث السوداني

وياريت لو عندك التردد تكون ما قصرت

صدفة البحر · 15-03-2007, 17:00

واخيرا
شكرا وعد اللقيا

selvister · 15-03-2007, 17:50

تسلم وعد اللقيا

ومستني مع الشباب التردد

::::::::::

أنا سمعت إنو قالو في قناة إسمها ( قناة زول الفضائية ) برضو في بث تجريبي

لكن ما عارف المعلومة دي صحيحة ولا لاء

يا ريت الشباب يتأكدو لينا من المعلومة دي

**طارق** · 15-03-2007, 18:01

حاتتحول بعد شويه ان لم تكن في البدايه .. على نهج راديو الرابعه ومانجو ....
في لوي الكلام .. وتقليب اللهجه السودانيه .. بداعي تليينها لفهم المشاهدين ...
العرب وغيرهم ... بس اتمنى انها توصل .. التراث السودانى .. واصالة السودان ..
وتاريخ قبائله ... وهكذا مواضيع ..

أما انها تكون لينا بوابه .. للترفيه الما منو فايده .... ولعب ساااكت ... اخير
تتقفل ... مع الشكر ..

وعد اللقيا · 15-03-2007, 23:23

تردد قناة هارموني

10796

27500

3\4

أخيراً فعلها الفنان معتصم الجعيلي ذلك الرجل مسكون بالإبداع ..

وفي اتصال تلفوني خاص مع مالك القناة الاستاذ معتصم الجعيلي
قال بأن القناة سوف تكون بشكل ومضمون جديد يعكس صورة طيبة للفن والثقافة السودانية وهي قناة متخصصة من أجل الوطن ومواطنيه ..القناة على القمر العربي نايل سات وهي مفتوحة لجميع المشاهدين
(غير مشفرة)

لي عودة ...
شكرا لكم

ابوسماح · 17-03-2007, 00:14

اقتباس:

المشاركة الأصلية كتبت بواسطة عابر سبيل

حاتتحول بعد شويه ان لم تكن في البدايه .. على نهج راديو الرابعه ومانجو ....
في لوي الكلام .. وتقليب اللهجه السودانيه .. بداعي تليينها لفهم المشاهدين ...
العرب وغيرهم ... بس اتمنى انها توصل .. التراث السودانى .. واصالة السودان ..
وتاريخ قبائله ... وهكذا مواضيع ..

أما انها تكون لينا بوابه .. للترفيه الما منو فايده .... ولعب ساااكت ... اخير
تتقفل ... مع الشكر ..

تحياتى اخى عابر سبيل والله لو بقت زى الرابعه ومانجو يبقى عليهو العوض

shankotte · 17-03-2007, 11:25

مشكورة كتير وعد اللقيا علي القناة الجميلة