إقتراااااااح رهيييييييييييب ضروووووووورى !؟؟!؟!؟!

HimOvicH · 10-03-2007, 22:00

سلاماااااااااااااات...

فى الحقيقة أنا ماعرف أبدأ الموضوع ده كيف لكن علشان ما أكتر فى الكلام... حأحكى ليكم حاجة حاصلة لأى طالب سنة نهائية فى أى جامعة (بالنسبة لطلاب الكليات المعلوماتية هندسة علوم ألخخخخ.....)...!!! ودى حاجة حاصلة لأىواحد و أنا متأكد تماما من أنو أى خريج مر بيها...؟!؟؟!

الموضوع و ما فيه أنو أى واحد لما يجى الوقت المفروض يختار فيه مشروع التخرج بيدخل فى حالة بتاعة (كبكبة) رهيبة...فى شنو؟؟.... إختيار المشروع المناسب!!!

عارفين طبعا مشروع مناسب ده شنو صاح؟؟ ..... نفترض إنو ما عارفين..هو:-
1-مشروع تحس بعده انك حتى لو ما أضفت حاجة علمية للساحة (محليا طبعا) ,تكون طبقت حاجة بصورة مفيدة فعليا!! و ركزوا على مفيدة دى شدييييييييد!!
2-مشروع يخلى الناس بعد تخرجك يقولوا (تتذكروا مشروع فلان داك... ايوه يا كان مبالغة!!).
3-مشروع يخليك تحس إنك قريت سنيين الجامعة و طلعت بفايده منها (حتى لو ما كان على صعيد الدرجات العلمية) ,ممكن المروع يصلح ليك كل الفات.
4-نقطة أخيرة ما أعتقد تهم ناس كتير و هى أنو المشروع يحسسك انك فخور انك سوداااااااااااانى .

عموما انا فكرت كتير ايه السبب البخلى الدول التانية (المتقدمة طبعا) تتقدم علينا بكتييييييير (سنين ضوئية طبعا) و لقيت أسباب كتييرة..... و موضوعنا ده واحد منها و اللى هو أهمية البحث العلمى و .................................... مافى داعى لل (برى الكلنا عارفينو). المهم أنو الدول دى بتراعى كويس الطلاب الى هم عاوزين يعملوا مشاريع مهمة (مهمة دى طبعا فرق بينا و بينهم), و المراعاة دى كيف ....:-
1-الواحد منهم بيحس إنو مهم إجتماعيا مش بس على النطاق الأكاديمى لأنو الجهات المسؤولة بترفرض على المجتمع إحترام أمثاله علشان يتمكن من أداء احسن ما عنده.
2-زى ما تمت تغطية الحوجة الإجتماعية كمان القروش ما بقصروا فيها .

بأختصار بيؤمنوا إن المبدع لازم يكون بالوا مرتااااااااااااااااااااااااااااح.

طبعا ده كلو ما موضوعنا..... الموضوع بتاعنا هو انو يا جماعة طالما نحنا الظروف الممتازة دى كلها ما قدرت حكوماتنا توفرها لينا ,نحنا كمان شوية نتحرك و قصدى اننا ما نكون ساخطين (بالعربى داقين جرس و عاملين نايمين).
أنا عندى إقتراح يا جماعة .....!!!!

موضوعنا الرئيسى كان عن الطلاب الخريجين المالاقين مشاريع... إقتراحى إنوا نساعد الناس ديل بإننا نكون لجنة هنا فى الموقع تكون مؤهلة و إستشارية علشان تطرح مشاريع تكون بشروط محددة (ممتازة - قابلة للتنفيذ - تساعد على رفع المستوى العلمى بالطلاب الخريجين), أنا اكيد انو فى ناس حيقولوا مافى جديد فى الموضوع ... لكن المشاريع دى حيتم الإشراف عليها من إستلامها خطوة بخطوة لحد مناقشتها من قبل اللجنة بتاعت الموقع.و ده مهناه الإستغناء عن أكبر عقبة لطلاب المشاريع و اللى هى الأساتذة المشرفين (اللى مرات بتحس انو هم الهم الأكبر من المشروع ذاتو) و ده إذا كانو مفيدين (ده ما بحصل كتير).

يفترض بالمشاريع دى إنها تكون حسب الطلب و حسب متناول أى شخص و مدروسة بعناية علشان تتنفذ كويس .و كمان يفترض انو تكون اللجنة (القلتها قبيل) متابعة لتطور المشروع مع الطلبة شخصيا خطوة بخطوة و دى حتكون خطوة ات فائدة رهيبة و أى واحد مر بالحاجة دى قبل كدة متأكد من كلامى ده.(المتابعة حتكون بلآراء و العلاقات على مستوى الكوادر العلمية فى البلد ).

أتمنى أنو يكون فى ردود و نقاش حول الموضوع ده و تفكير عن مدى الفائدة اللى حتكون لما يبدأ تنفيذه, و أنا بأطلب من أدارة المنتدى تثبيت الموضوع ده و أنا بأتعهد تماما بالمواصلة فيه للنهاية و إنشاء الله قريبا حأقوم بطرح مجموعة من المشاريع المدروسة شاملة نسبة إمكانية التنفيذ و الميزانية المتوقعة لكل مشروع.

و شكرا

عاشق النجمه · 20-09-2008, 00:53

مشكوووووووووووووووووووووووووووور