الكرسي الساخن : تجلس عليه الأخت ( توتا )فتفضلوا أخوتي بإلقاء أسئلتكم عليها ... - الصفحة 2

توتا · 08-03-2007, 15:10

بسم الله مبتدا ومنتهى

اولا لكم جزيل شكري
وأنتم تحفوني بهذه المشاعر الصادقة الجياشة
وبكل هذا الحب

وأتمنى من العزيز الجبار أن يحل عقد لساني
واوفق في اجاباتكم وإرضاءكم

كما لا يسعني إلا أن اشكر العزيز الغالي
أخو الأخوات :
عاشف هنا

لاستضافته لي وفره لي هذه المساحة لأحلق معكم في افاق اخرى

والله الموفق

توتا · 08-03-2007, 15:13

[b]

اقتباس:

المشاركة الأصلية كتبت بواسطة 3ashg hana

الجميله توتا ..

أولا" (البطاقة الشخصية) ..

الاسم : تهاني الصادق

العمر :3/4/1975( يعني عيد الميلاد قرب جهزوا الهدايا )

المهنة : موظفة

القبيلة : بديرية

المراحل الدراسية : الابتدائي مدرسة الموردة الابتدائية - المتوسط الشنقيطي المتوسطة- الثانوي ام درمان الثانوية - الجامعة القراآن الكريم

المؤهلات الدراسية : بكالورويوس الاقتصاد والعلوم السياسية ( الاقتصاد المقارن ) من جامعة القرأن الكريم
دبلوم حاسوب من جامعة السودان
ماجستير الاداب في الدراسات الدبلوماسية وفنون التفاوض مجال الدراسة السلام والتنمية مجال التخخصص النزاعات الأفريقية وخاصة منطقة البحيرات العظمى من جامعة جوبا .
حالياً احضر للدكتوراة بالجامعة الاسلامية في نفس المجال .

الحالة الاجتماعية: عازبة والحمد لله وماخدة شاكوش حار
السكن : أم درمان -شارع الأربعين

طيب تاني شنو نتو قولو وانا بقول

B]

توتا · 08-03-2007, 15:22

اقتباس:

مرحب مرحب مرحب مرحب مرحب مرحب مرحب مرحب مرحب مرحب مرحب مرحب
مرحب مرحب مرحب مرحب مرحب مرحب مرحب مرحب مرحب
مرحب مرحب مرحب مرحب مرحب مرحب
مرحب مرحب مرحب

هسي بدل مرحب دي كلها لو رسلت لي شيك بدل كل وحدة كان أموري استعدلت
جنس بذار

مرحب بيك مليون زيزي وشكر للترحيب الرهيب ده

اقتباس:

دعينى نبدأ الكرسي الساخن بسؤاله التقليدي
(البطاقة الشخصية)

لحدي ما أمشي أجيب ليك رغد بي خيمته وناهد بي سوط العنج
وعاشق هناء بي كدايسوا وعوض مجذوب بي العابه الناريه...

وأنا كمان ماشي أشوف سلكي وين....!!!!

هيع وتاني هيع

البطاقة جاهزة

هي رغد عندها خيمة !!!!!!!!
انتي في مستشفى رفيدة الحربي ولا شنو !!
وناهد عندها سوط ؟؟ ياخ حرام دي عندها سام سبعة وبعد الزواج اتطور ايرانياً - قال سوط عنج
عاشق هنا خلا الكدسة وعوض مجذوب دخل المدرسة وبقى يعمل مولتوف
وانت سلكك هجا خلا البلد
بتسو شنو ؟؟

توتا · 08-03-2007, 15:24

اقتباس:

المشاركة الأصلية كتبت بواسطة كسلاوية

أهلا أهلا أهلا توتا هلا والله
زي ماقال معتز نتعرف علي بطاقتك الشخصية أول وبعد داك نمشي نجيب ليك الاسئلة

جيبي اسئلتك سااااي

انا راجياك

الصريح · 08-03-2007, 15:30

مرح بيك والله وقعتي وقعا سودة

يلا
اولا:البطاقة الشخصية

ثانيا:الجنس(من اي قبيلة)

ثالثا:لماذا استقلتي من الاشراف

رابعا:اعز اصدقائك في المنتدي

يلا امشي واجيك

توتا · 08-03-2007, 15:46

اقتباس:

المشاركة الأصلية كتبت بواسطة رغــَــد

سلامو عليكو

انتو من زمن البطاقة الشخصية... !!!

عايزين تبردوا ليها الكرسي من أولها كده؟؟؟؟

تــــــــــــــــــــوتــــــــــــــــــــــــا

الشخصية المرحة.. المحبوبة... المشاكسة... تدعمها شخصية مثقفة بمختلف المجالات..

= ماهي نوعية الكتب التي تفضلينها... ؟؟

= ما أكثر ما يشدك للكاتب السوداني بشكل عام... وما أكثر ما يستهجنك عنده ... ؟؟

= آخـــر كتاب قرأته... الفائدة التي حصدتها منه... وما هو الكتاب التالي... ؟؟

كده كفاية... عشان ما نتطرد من اولها

تحذير أمـني: كل زول داخل يجيب معاهو جردل موية... عشان الكرسي دا احتمال ينفجر

يا بتي براحة علي !! ده كلو سؤال !! إنتي الليلة ما عندك مرور
ولا علمييااااات !!!!!!!!!

يا رغد

لمن كنا صغار كان عندنا هوس اسمه كتب وقراية لا في نت ولا ديجتال كان الكتاب هو الصديق الوحيد !! اما في زمن النووي الايراني ده بقى الكتاب ومعه اشياء أخرى اهمها عاشق هنا
لكن ابداً ما تقدري تستغني عن الكتاب

بصورة عامة شغوفة جداً بالأدب العالمي شكسبير = جان جاك روسو مغامرات اجاثا - الكسندر دوماس - براون - الكسندر توماس
أخر كتاب قرأته : الزنيقة السوداء للكسندر توماس لكن اجمل كتاب قراته شفرة دافنشي وملائكة وشياطين لدان براون .

ما يشدني للكاتب السوداني هو أنك حين تقرأين تكشتفين أن هناك حجرات ومداخل في بيتك الصغير لم ترينها يوماً ولم تدخلينها تتأقلمين سريعاً لأن تلك طبيعتك وبيئتك ولكن اذا كان الكاتب جيد ياخذك سريعاً الى تلك الحجرات ، وعموماً الأدب السوداني مميز وإن كأن أغلبه يرتبط بالأحوال السياسية .

ما استهجنه لدى الكتاب السودانيين هو أن اي كاتب في داخله افاق للتحليق فيبدأ بفرد جناحية وتتسع افاقك تبعاً لتلك المساحة ويبدأ بالتحليق فتبدأين ولكنه سرعان ما يتذكر أنه مشدود للأرض فتيراجع وتسقطين لا نزال ندور في بؤو محددة في أدبنا السوداني لا نخرج منها الا بخطوات ...

الرواية تحكي عن ارتباط محب الزهور بمهنته وينتج عن ذلك زرع زنبقة سوداء بهدف الفوز بجائزة وتتطور الأحداث حتى يدخل الرجل السجن ليجد مفاجأة أخرى - لن أحرق الرواية لمن اراد قراءتها
.
يا بت يما بتنطردي
لو حبيتي ترجعي أنا منتظرة

توتا · 08-03-2007, 15:58

اقتباس:

المشاركة الأصلية كتبت بواسطة محمد الامين عبدالرحيم

والله مرحب كتيرررررررررررررررررررررررررررررررررر

وقعتي وما سميتي

والله جردل موية ما بحلك

امسكي الكرسي داااااااا بس ما يطير

الوطنيه شكلا ومضمون فيما تُجسديها ؟؟

التواضع والتكبر اقطاب اطرافها متنافره في نظرك هل هناك مواقف تتطلب التكبر ومتي يُخجلكِ التواضع ؟؟

مفهمو الجمال بشكل عام يحمل مضامين كثيرة فيما تلخصية من حيث الانطباع الشخصي ؟؟

اها كدا كيف ... ؟؟

والله قولتا ليكِ امسكي الكرسي دا ساآآآآي

انا ماشي وجاي

اهلا بود اللمين جبت معاك العود ولا نسيت

تتجسد في حبنا لهذا المليون ميل مربع !! وكلنا ؟ من منا لا يحب هذه البلد السمراء
تتجسد في عطائنا الذي هو بلا حدود لبلد يعطينا أكثر وبلا حدود أيضاً
تتجسد في آلامنا لهذا الوطن الذي كثرت جراحاته ولا زالت تثخن جراح تلو الجراح ولا زلنا يحدونا الآمل أن تشرف يوماً شمساً تطهرنا وتداوي جرحنا
تتجسد في أبطال بلادي وأطفال بلادي ونساء بلادي ووشيوخ بلادي وشباب بلادي وكل أهلي الطيبون الكادحين من غروب الشمس حتى مغربها من أجل كسرة الخبز المغمسة بالكبرياء
تتجسد بمن ظل يمسك جمر القضية ومن رحل وظل يمسك جمر القضية وجمر الرحيل ومن لم يطيق الاثنان فمات او لم يمت وكنه بيننا جسدا فقط . يا ود اللمين

ابداً لم يخجلني التواضع يوماً فمن تواضع لله رفعه وهناك مواقف تتطلب التكبر حين نفخر بديننا وفي سوح المعارك

الجمال بنظري شيء يولد في الداخل وينبع للخارج والجمال هو ما بقى ونفع يعني جمال الروح للانسان وجمال المظهر بالنسبة للطبيعة واللا محسوسات .
ولكن من الجميل جداً أن نكون بجمال المظهر والجوهر .

وأنا قاعده منتظراك

توتا · 08-03-2007, 16:06

اقتباس:

المشاركة الأصلية كتبت بواسطة عاشقة السودان

يلا اخدي المذيد 1) مامقياس الجمال بالنسبة ليكي

2) ماتعني تعني لك كلمة حب

3) سؤال بسيط جدا شي واحد فقط تتمنيهه من هذه الدنيا

مرحب بيك وبالمزيد

بالنسبة لي دواخل الانسان اولاً - ثم ملكاته - طموحه - ثم ثقافته - ومظهره - وايضاً من حوله ( مجتمعه )

كل الوجود يا عاشقة السودان الحب بكل أنواعه هو سر الوجود

هههههههههههههههههههههههههههههههه

تمنيت من كل قلبي - وقاتلت من أجل رغبتي ايضاً حتى غضب مني كثير وليتهم يسامحوني أن أدرس القانون وسرت في دربي حتى أعتاب الجامعة - ثم حدث امر غير كل توجهاتي في الحياة فلا درست الطب كرغبة اسرتي ولا درست القانون رغبتي - بل درست الاقتصاد السياسي وسبحان الله فقد كان هو قدري في الحياة حتى لحظة كتابتي السطور

توتا · 08-03-2007, 16:10

اقتباس:

المشاركة الأصلية كتبت بواسطة مقنع الكاشفات

الف تحية للرائعة توتا ....الف تحية للرائعة توتا ....الف تحية للرائعة توتا ....الف تحية للرائعة توتا
ممكن نعرف بس على الأقل إنت من وين في السودان عشان نقدر نسألك ؟؟؟؟!!!1

هههههههههههههههههه
هو انت داير تقعدني في كرسي ساخن ولا داير تعمل لي اتفاقية سلام يا مقنع الكاشفات !!!
قال من وين !! مش ياهووووو

طيب يا ولد لو بتقصد القبيلة بديرية دهمشية من منطقة الغابة !!( في داعي هسي عاشق هنايا داك ما حيريحني غابة غابة - انا ناقصة ) ده من جهة الأب
الأم اصلها يمني - من الركابية -

اها نشوف الاسئلة العنصرية دي كييف بتكون