|
مشاركة: الجنجويد طير أبابيل
سلامات يا شباب ...
انا فى الحقيقة عاوز اذكركم بحاجة كلكم زى اخدتكم روح النقاش و نسيتوها , و ده هو نفسو السبب العامل كل المشاكل فى دار فور بين الحكومة و الدارفوريون ان جازت التسمية.
عموما عشان ما نفقد النقطة العاوز اتكلم فيها.. حاسئلكم سئوال واحد ليكم كلكم !!!
ممكن واحد يورينى مكان او منطقة فى السودان ما ظلمتها الحكومات المتعاقبة كلها
ان كان فى التعليم او العلاج او الامن الغذائى او الاهتمام؟؟؟؟ (الخرطوم ما معانا طبعا)
انا اصولى من الشرق فى كسلا !! و حأبدا بيها .. هل تعلمو ان الاقليم الشرقى كلو (كسلا,قضارف,بورتسودان) مهمل من كافة الجوانب و ده لو اخدنا حسابات الخوة فى دارفور!!
مثلا: التعليم: هل تعلموا انو فى ولاية كسلا باكملها عدد 52 مدرسة ثانوية (اذا حسبنا اى حاجة) و فى محافظة الكاملين فقط 48 مدرسة؟؟!؟!
الأمن الغذائى: هل تصدقوا ان ولاية كسلا تعتبر تقريبا من اكثر الولايات تخلفا فى ما يعرف بالسلوك الغذائى و ان نفس عدد المنظمات الموجودين فى الغرب حاليا هو متواجد بها منذ سنين.
اذا ذهبنا الى الجنوب طبعا فحدث و لا حرج و لاداعى نحكى عن اشيا اتولدنا و كبرنا و نحنا متابعينها و كالعادة ما كان فى زول شغال بالموضوع (لا تونى و لا بوش و لا فتة).
اذا ذهبنا الى الشمال و المكان الوحيد اللذى لم ينفجر حتى الان , فسنجد من التخلف المذكور اعلاه ما يغطى قارتين و ذلك ليس ذنب اهل الشمال و لكن ذنب الحكومات و ولاة الامور الذين لم يحركوا شيئا بغرض التغيير.
و الان الغرب (دارفور).... الشئ الجديد الوحيد هو مصادفة فشل موضوع العراق و افغانستان و قوة و عنفوان سوريا و ايران .. و ضعف اهل السودان.و هو الشئ الذى دفع الدارات العالمية ان تتدخل فى الموضوع بالواضح و ده طبعا ااكد ليكم امو سبب (يحنكو بيهو) مواطنينهم لصرف الاموال و الاموال على الاغاثة و التحضير للحرب المتوقعة بدارفور.
من زمان يا جماعة اتعودنا صفات معينة عن اهل الغرب فى سودانا ... التهذيب, قلة الكلام ال(الفارغ) ,الشطارة و الذكاء.
لكن ما ممكن نقول فى يوم من الايام اننا حسينا بحقد (الا اذا حبيت تجمع ناس دارفور مع المهاجرين الافارقة المستقرين فى السودان) و اللى مافى صلة بينهم.
عموما يا ناس, الناس القائمين على الوضع حاليا هم من القلة السيئة التى تتوافر فى اى انتماء و الى ما ممكن نظلم بيها البقية الطيبة.
| التوقيع |
|
My Name..
My Legacy...
...My Curse |
|
العرض العادي
