مقهـى عشــاق الســودان للشمـــارات

**AyMaN** · 04-03-2007, 20:46

طبعاً الكل حيسألني عن سبب تسمية البوست دا كدا ليــه

ببساطة عشان في وهمات كدا حاصلة .. واسيادها ما موثوق بهم

فبالتالي ممكن ينكروا وكدا يعني

عشان كدا قلنا نعمل قعدة شمارات بسيطة كدة نضرب منها دستة عصافير بي حجر واحد ...

نعرف آخر الشمارات ونوثق الأحداث الغريبــة من اخوانا وكدا

عشان كدا اعملو حسابكم ..

والبيتشالق ويتشوكش

.. ما يجي يبكي بهناك

الكلام ليك يا المنطط عينيــك

**AyMaN** · 04-03-2007, 20:51

عندنــا اخونا كدا عامل فيها ود عم توم كروز

ما صدق قعد ليهو في مكتب ( محطرم ) ..

جا يرتب اوراقو كدا ويربط الملفات وينظم حنك الشغل ..

قام لخبت الشغل كلو ..

وجاتو عقدة لمن راسو لفا .. وقال دي فيها رفد عديل

قعد يفتش في واسطات لكن في النهاية قال اخير اكلم المدير عديل كدا
عشان ما يفهمني بخرب .. وياخد فكرة سمحة عني

لكن كان الموضوع ما اتزبط .. اخير استقيل بي كرامتي

كانت حتكون اول استقالة في ظرف 72 ساعة من التعيين الرسمي .. لموظف في مقتبس العمر

و تيك ات ايزي يا حبيب
الدنيا ما بتستاهل كدا

selvister · 04-03-2007, 21:01

دا منو العوير دا

مع إني ما فاهم حاجة

لكن شكلو أهبل

مع إحترامي

بس أوع يكون الفي بالي

هههههههههههههههه

يديك العافية يا أيمن يا فردة

**AyMaN** · 04-03-2007, 21:07

اقتباس:

المشاركة الأصلية كتبت بواسطة selvister

دا منو العوير دا

مع إني ما فاهم حاجة

لكن شكرو أهبل

مع إحترامي

هههههههههههههههه

يديك العافية يا أيمن يا فردة

ولا يهمك يا اصلي

لكن عندي تفسير من تفسيرين

انت يا ما عندك شمار .. وانا ما بظن كدا .. لأنو شايفك اول زول خش الموضوع

يا عارف الزول دا منو ..

لأنو ما لمحت لي حاجة بالشكل دا

يلا يا اصلي .. ما تعتر ليك قشة

selvister · 04-03-2007, 21:13

والله القشة دي إلا تعتر لي الفي بالي دا

لأنو .................

لكن شمارك قديم خلاص يا أيمن

وكلامك صح أنا عندي شمار لكن ما بقولو هسي

لحدي ما أتأكد منو

هههههههههههههههه

**رغــَــد** · 04-03-2007, 21:14

بتبالغ يا ايمن ليه يعني كدة

ما دايرة اضحك ياخ

يخسي عليك

selvister · 04-03-2007, 21:21

رغد إنتي بتضحكي في شنو

التقول فاهمة حاجة

ولا إمكن تكون فاهمة ؟

معقووووووووووووووووووووووووووووووول

الشمار دا إنتشر لي الدرجة دي

الزول دا مسكين والله ما يستاهل البتعملوهو فيهو دا

ما بعيد خبرو يصل لي المنتديات المجاورة وبعد شوية بتعرف بيهو ألأمم المتحدة عديل كدا

**AyMaN** · 04-03-2007, 21:21

ههههههههههههههه

سيلفيستر البريء .. رغد الخاشة غلط

انتوا لسه شفتوا حاجة ؟؟

....

جاءنــا الشمــار التــالي ..

اخونا داك مرتو حامياهو يخش نت .. عشان قالت ليهو عينك زايغة

بس بيخش يكشف بالدس ويكب الزوغة ..

لكن حرف ما بيكتب ..

عشان كدا نصيحتي ليهو يخش الكشافة .. قسم الدفاع عن النفس من المفاريك وأدوات المطبخ الحادة ..

والمقاشيش وما شابه

selvister · 04-03-2007, 21:25

دا ياتو دا العريس الجديد داك ولا شنو ؟

العرسو كان قبل كم شهر دا ؟

الإسمو مجا ...........................

ولا زول تاني ؟

لا لاء دا ما مرتو هارشاهو

دا عايز يوفر حق النت عشان المصاريف بقت كتيرة عليهو

ههههههههههههههههههه