اعــــذريني - فرفور

توتا · 27-02-2007, 01:24

اعذريني الدمعة ديا
حتبقى اخر دمعة ليا
تاني لو قربت منك
يبقى ليكي الحق عليا

اعذريني محال اعاود
تاني ريدتك وامشي ليها
ولا ارحل في عيونك
والطفولة الضاجة فيها
كيف اريدك وانتي اصلك
ريدتي ما حسيتي بيها

بالبعاد ما تعذبيني
اعذريني واعذريني

ماقدرتا مرة واحدة
بالغلط اغلط عليكي
وانتي عمرك كلو ظالمة
والدليل غفراني ليكي
انتي ظالمة وظالمة ظالمة
عارفو قلبك ما معايا
برضو تاعب روحي بيكي
بالحنان ما تعشميني
اعذريني واعذريني

من زمان وانا راجي منك
كلمة بيها تفرحيني
وانتي ما فرحتي قلبي
كنتي ديما بتجرحيني
قسمة الزول ما بتفوتو
والبجيني معاك بجيني
لو بكت منك عيوني
سامحيها واعذريني

http://www.rogepost.com/n/2301321781

ابو اسراء · 28-02-2007, 11:00

توتا
تسلمي على الاغنية الحلوة

توتا · 28-02-2007, 13:35

تشكر يا ابو اسراء

اقو ليك سر
قصدت بيها زول

لكن حلف ما يسجل دخول خخخخخخخخخخخخخ

محمد الامين عبدالرحيم · 28-02-2007, 13:49

جاري التحميل

تعرفي كايسه لي زمن

تسلمي كتير وربنا يدك العافية

ــــــــــــ

اوعه اكون عرفتو

توتا · 28-02-2007, 13:51

ههههههههههههه
بس عرفتووووووووووووووووووووو

عامل فيها ابو الزويغ

هوووي يا ود اللمين بعد تحمل رسل لي الشيك - شيكاتك كترت الايامات دي

تسمعووووا سااي

محمد الامين عبدالرحيم · 28-02-2007, 14:00

اقتباس:

المشاركة الأصلية كتبت بواسطة توتا

تسمعووووا سااي

دا ما من العلينا
ــــــــــــــــــــــــ

شكلي كدا ما عرفتو

هههههههههههههه

ولا اقول ليك احسن اعمل فيها راااايححححححححححححح

توتا · 28-02-2007, 14:02

هههههههههههههههههههههههه
ما مشكلة
انت ما طوالي رايح

جيت متين

محمد الامين عبدالرحيم · 28-02-2007, 15:00

كدي طيب وصفي لي حي العمدة بي وين

عشان ما اروح تاني

توتا · 28-02-2007, 15:07

حي العمدة ؟
حي العمدة ؟
ايوااااااااااا

بس تركب مواصلات الحاج يوسف
لما توصل أخر محطة تنزل
تلف شمالك
يمينك
يمينك طواالي شمالك
شمالك ترجع شارعين ورا
وشمالك طواااالي
بتلقى حي العمدة

قلت ليك كان باريتني ما بتروح

محمد الامين عبدالرحيم · 28-02-2007, 15:33

خلاص مســـــــــــــــــــــــــافة السكة

بس ...