على الرغم من ان هذه النكتة سخيفة شوية... لكن أنا مُصر على اني أقولها!!! لأنها متعلقة بسودانية...

قالوا: سودانية فلسفته زايده شوية وجات لي بتها زيارة في السعودية... بتها قالت ليها عليك الله يا ماما انزلي جيبي لي دجاجة من المحل التحت ديه... ونزلت الحجة... للمحل وكان محل فقيه (للدجاج الحي)... البائع سوداني لئيم من الدرجة الاولى... وقفت الحجة قدام المحل وقالت ليهو يا ولدي عندك دجاج فرنسي... (ولزيادة المبيعات فقط... ومن الحركات... عرف الحجة بتاعت جخ) قال ليها ايييي في دجاج فرنسي... وبثقة تامة وتحريك عيون قالت ليهو اديني واحده عليك الله... راح جايب ليها واحده... وراحت الحجة ضاربة الدجاجة بيدها ضربة خفيفه في في الخلف في مؤخرتها... وصاحت الدجاجة ككك... قالت ليهو سجمي دي ما فرنسية يا ولدي شوف لي واحدة تانية... راح جايب ليها واحد تانية... وراحت ضربتها تاني وصاحت الدجاجة ككك... بري دي برضو ما فرنسية... واتكرر المنوال... ولمن زهجت صاحت الحجة في وجه الزول وقالت ليهو انت من وين ما بتعرف الدجاج الفرنسي... راح مدنقر ليها وقال ليها عليك الله ياحجة اضربيني هنا عشان تعرفي أنا من وين....