ياخوانا الشايقية وين نعلها عافيه

emadjaryj · 15-02-2007, 18:30

الشايقيه مالك ياخ غيابك طال
علك عافيه شفقتينا كيف الحال
ياعشاق جيبو جواب قلنا سؤال
لوعارفنها أدونا بس اشعار
ماتخلونا ندفق عليها أشعار
ونتكبكب وكان العزه لينا شعار

ليها أسبوع حسبتو تمام
ماشفناها لا فى الادبى لافى العام
مره أقول مشت قدام
لى مروى للخيلان وللاعمام
وأرجع تانى للاوهام
اقول صامت عن الاقلام
وهل بيجوز من غير استشارتنا تنوى صيام
غير رمضان مابيجوز ده البنعرفو فى الاسلام
ماداير أخوض فى الفتوى والأحكام
أنحن معاك لى قدام
ونحن وراك ذى ايتام
كل الدايرو ليك دوام
نلقاك طيبه ونديك سنه الاسلام

عيسى عمر · 15-02-2007, 19:01

ما بالغت شاعر عديل كدة

emadjaryj · 19-02-2007, 11:20

مشكور كتير ياودعمر
لى الليله ماجابت خبر
مرسالنا فات وماعاد وصل
وشعرنا ضارب فى الحجر
طال الغياب نتفقدم ياودعمر
والله ماقاصدين غزل

emadjaryj · 24-02-2007, 15:29

لارده لى لاجاب خبر
وأرجع اعاين فى أسامى المشرفين ألقاو حضر
الزول ظهر والحكمه ماجايب خبر
أنشاءالله خير مايبقى شر
ماكون طرقت مجال خطر
لكن كمان طبع البشر
يسأل عن الغايب ويباشر الحضر
ده طبعنا فى الريف العكر
بس أنتو ياعشاق ياناس الحضر
لاتسألوا لاتجاوبو للزول ان سأل
برى منكم
وأهلنا قالوا فى المثل
التور أكان صد وجفل
مابنقرع الا البحـــر
والمابيلقى مكانوا مابين الأهل
افضل يقولوا عليو رحل

شايقية · 07-03-2007, 18:09

أخوي العزيز : عماد
والله حروفك أخجلت تواضعي بشدة.. حتى قلمي عجز انو يرد عليك .. فربنا يجزيك كل خير على سؤالك عني ..
وأنا حسي الحمدو لله بخير ..

فليك كل التحيات والتقدير والإحترام ..

emadjaryj · 08-03-2007, 10:28

نبض الحنين · 29-03-2007, 01:05

أخــــتي الغااااااااااليــــة / شايقيــــة

...بالجد نفتقــــــــــــــــــــــــــــــــــــــــدك...

ونفتقد..شخصك الجميل..وهو يحملنا بي لطفو وزوقــو لي أبعد المدى...

..نفتقــــد...طيبتك وحنيتك..المرسومة..بين كل ردهـــة في سطورك...

..نفتقدك..من وقت..عرفنا إنو للروعة..أصل ووجـــــود...

..معك..عرفنا..واتعلمنا..الروعة...

..فعودي لينا ياكـــــل الروعـــة....

..غيابــــــــــــــــــك..طــــــــــــــــــال.. ...