حبي الوحيد

aljoker · 13-02-2007, 16:11

باقة ورود اهديها ليــــــــك

مليانه حب مليانه ريـــــــد

في كل لحظة تفوت عليك

اذكرني ياقلبي السعيــــد

اذكرني يا حبي الوحيــــد

أنا حبي ليك شي ماجديد

الحكيم · 13-02-2007, 18:47

أسمع ما تكون أرسلتها ليها بالموبايل , أحسن رسالة يا معلم
تحياتي
الحكيم

aljoker · 03-04-2007, 13:31

والله ياحكيم دي رسلها لي قلبي

عزة محمد · 03-04-2007, 13:54

وريني كيفن أستريح
أو أستبيح مداخل زفة في يوم فرحتك

جواك أتحكر مسامات نبضتك
وأكسر عناقيد الهزيمة التخبتك

وريني بس وانا قدر زمن الرهان
وقدر خلق المساحة التفتح منافذ جنتك
وتسلم يا زوق على الكلمات الرقيقة

جمة حشا المغبون · 03-04-2007, 18:46

يا شبيه الريم يا عـذب السجايـا
يا عبير الورد يا زهـره نديـه

يا وطن عمري ويا غيمة سمايـا
يا نظر عيني ويا نـوره وضيـه

الفنان · 04-04-2007, 11:41

في نظرتك وجمال خدودك وبسمتك
مستنى يا قلبي الحزين يوم فرحتك
من بدري قلت خلاص بمزق صفحتك
ولمحت لون حبي الوحيد في لمحتك

جووووووكر ...
حاسب ....
ما تعشوشق
خليك عاشق ..
حبة
حبة
حبة
قطرة
قطرة

emadjaryj · 04-04-2007, 13:43

جوكرنا ياطعم النشيد
ماتندفق ياخوى شديد
خليها حبه بريس بريس
وغير وأحذف لى ياخ كلمه وحيد
ممكن تعدله (اذكرنى ياحبى الأكيد)
لانو ياخ لو أقتنع أنو الوحيد
بعمل تقيل بعمل عنيد
بعد تعدله رسله
كان بى مسج أوبالبريد

bintalbadia · 04-04-2007, 15:11

لا ياعماد قصدك واااااااااااااااااضح

وخلي الزول في حالو يختار على كيفو هو عارف انو الوحيييد

انت اطلع منها انت وافكارك دي

emadjaryj · 04-04-2007, 16:47

بنت الباديه مالك بى
قدر ماخش فى موضوع تنطى لى
طلبتك بالله أرتى لى
وياخ براحه حنى على
قبيل دار أقنع الفنان خربتى على
وهسى نصحت للجوكر وقفتى لى
بت الباديه عاينى لى لحقت أفى

الفنان · 04-04-2007, 17:21

والله أضحكتني بنت البادية
ويبدو أنها يا عمدة قد اتخذت معاك
خطة إحباط كل محاولاتك لاستقطاب
أعضاء جدد
ههههههههه