ماذا يريد الشعب السوداني - الصفحة 2

ahabb_2001 · 19-02-2007, 14:30

سلام جمة،،،

هذه الشعارات ذكرتني بشعارات الشيوعيه (الماركسية)... وقبل ان نطالب بها علينا ان نسأل انفسنا من اين تاتي هذه المطالب؟؟؟ هل هي تخلق ام تصنع؟؟؟ وان كانت تخلق فلنصلي كثيراً (كما قلت سابقاً)، لندخل الجنة!!! وان كانت تصنع فالشعوب هي التي تصنع الامجاد والحضارة توفر لنفسها لقمة العيش...

وأعلم ردك بأن الحكومة هي التي تخطط... وهذا صحيح... ولكن منذ استقلالنا حتى يومنا هذا الم تأتي حكومة من صلب الشعب لتخطط؟؟؟ وان قلنا نعم فعلى الشعب السلام!!!

ولك التقدير

صدفة البحر · 28-02-2007, 11:18

شجراوى وجمة .. هىىىىىىىىىىىىىىىى دايرين شنو؟؟
اذا كان الشعب السودانى يرديد ذلك ال....ال.. وال... وال...
فماذا صنع ليحصل عليه ؟؟
وبصفة الاغلبية دعونا نعترف باننا:
نحن شعب همجى غير منظم لا يحترم اللوائح والقواعد العامة .. باين فى سواقتنا ونظافة مستشفياتنا
وشكــــــاااااااااى .. باين فى رئاستنا
وما بقعد ساى .. باين فى جامعاتنا ..

الموظف ما داير يلتزم .. ويشتغل.. خليك من يجتهد (امشى وتعال يطوطح فى العميل والمواطن المسكين)
المدير ما داير يلتزم (يعين برا .. او بواسطه)
الغفير نايم الليل كلو .. (شخير بالفم والمناخير)

والحسرة الطالب.. ما مجتهد .. جنو مقالب..
والعلم عندو .. زنقة الامتحانات .. يعنى كم يوم وتنتهى

لو تركنا الحكومة جانبا وحللنا الشخصية السودانية فسنجدها .. كسولة .. غير مخلصة (غير متفانية) فى عملها.. واتكالية شديدة .. وطموحة طموح مركب شراعى وسط محيط ما برحم .. ومجالمة لحد العوارة

والاخلاق الضيقة شى براااااااااااااااااهو
مافى اسلوب فى الكلام _ جلافة لحد السخافة - حتى فى الاوساط الكلها ثقافة !!!!!!!!!!!!!!
مافى صبر ، مافى تفكير لبعيد، مافى حيوية حتى فى الابتسام..

اهم حاجة نحن شعب مشتت الافكار .. غير محدد لحاجته .. غير موحد لكلمته .. انقيادى جدا .. وثرثار يفضل ان يفجر فى كمسارى الحافلة المسكين كل معاناتو من البلد والحكومة ومن الشعب السودانى (البطل)

كيف الامة تنبنى .. من دون همة ومهام..
لن يغير الله ما بفوم حتى يغيروا ما بانفسهم .. صح؟؟

اما الحكومة فدى حقها برااااااااااااااه
ومنها ابره..
واستبرا..

لكن ما ممكن يدوا اى زول الحكم صح؟؟ اذن لابد لنا من ان نتغير
حتى نعترف بانفسنا وقدراتنا
وعندها فقط يمكننا ان نقول للحكومة ,, قم وقف وانت بتكلمنى ..

صدفة البحر · 28-02-2007, 11:21

شكرا الاخ ايهاب على هذه المساحة

ahabb_2001 · 28-02-2007, 12:23

اختي الصدفة... سلام

لا اريد ان ادخل من شباك المجاملات ولكن (من الباب) لاقول انت حقاً صدفة لؤلؤية... تستحقين خوض البحار للوصل لكلماتك الصريحة الرائعة... وإن كنا نكتب أختي... لا لننال من شعبنا الطيب ولكن لنضيف إليه لمسة تسند اعوجاجه ليتسقيم على الطريق...

ولك خالص تقديري

ahabb_2001 · 14-07-2007, 17:50

ماذا يريد الشعب السوداني حقاً...؟؟؟

محمد سيف · 31-07-2007, 00:26

لا يستطيع السودان التخلى عن قطاع دارفور لان السودان شعب واحد وعشيره واحد ولا شى امامنا غير الصموض فى هذه الشده وهى الغزو المتوقع والدور اتى على جميع الدول العربيه ولا حل غير الوحده العربيه

ECHOO · 01-08-2007, 05:07

مع الاعتزار لكل الاخوه الذين قبلي ومن قبلهم صاحب الموضوع:
ولكن بصفتي عضو في الشعب السوداني وعضو اصيل حيث انني ولدت وعشت وترعرعت في هذا البلد وكما اننني عضو في منتدي عشاقه (اسما) ايضا وبهذه الصفه اريد ان اقول كلاما استنتجته من واقع عضويتي هذه وعضويتي هذه عضويه خاصه في الشعب السوداني حيث ان معظم السودانيين عندهم عضويه خاصه والاقليه عندهم العضويه العامه الاقليه التي تنادي وتتكلم باسم الشعب وهي ليست منه ولا تعيش واقعه ولا تعيش بينه ولا فيه وتسيطر عليها الايدلوجيات والبس عليها ابليس حب السودان عبر السياسه توهما .
اقول:

ان السودانيين لا يعرفون ماذا يريدون وبالفم المليان

ahabb_2001 · 16-06-2008, 14:52

هذه هي مشكلتنا يا ايكو...!!!

في اعتقادي لا يوجد سوداني ربع و سوداني نص و سوداني كامل... كلنا سودانيين... ومن عاش ولم يعش واصوله سودانية ومازال محتفظ بجنسيته... فهو سوداني... ولا احد يستطيع نكرانه...!!!

وماذا انت قائل::: قول....

تولستوي · 16-06-2008, 15:11

دايرين تعليم قوي .. بدل ما نمشي أوكرانيا.

دايرين معامل عشان نخلق منها: قنبلة، وإبرة.

دايرين اهتمام بالاوائل بدلاً من تكريمهم بـ (محاضر/أستاذ)، دعوهم لعلمهم لا لطلابهم..

دايرين مشاريع التخرج (كافة) تظهر واقع..

عبدالعظيم م · 16-06-2008, 21:21

والله كلامكم صاح
بس وين السامع ؟
العدل زي ماقالوا أساس الحكم