البلاد المستمبده

elfatihshowaa · 28-01-2007, 09:47

خلفك جريح
جرحك تميسبو
الريح....
تفنو علي الفواد
قلبك يناهد بالعشم
طرز مداين الانفصال
وزع علي باقينا
مسدار من دموع...
هشم ضلوع
محبوبو فوق راس الوكت
قطع الرحط...
فرنب تحت
هوزز قنا الايام
بحاحي القمري في شدر الربوع
كجن منافذك
وفيك دخل...
قدر ارتجالك...
ضقت من حال البلد
حلواتو مر..
قد اصطبارك
كان غناك...
بين الجداول والمطر
نازل علي
اب عشرين يجر
سجم الرماد
الفي الفهم مكتوبه
يا فاقد الهويه
جواك حروف الاغنيات
اخدت هواك
لعبتبو لييه
لاويت وقعت...
علي الدعاش
الريح تدقك وانت ماش
الزيف يعلقك...
وانت طاش
لكن وبي رغم العماش
جواك ريدك فيك معلق في القماش
وبرضو قلبك ورغم صنات الطناش
ما زال بحب بلدك صحيح
ما زال بشيل
شبالو من بنوت فريقو
وكت صفاح..
وات برضو صابر ومستبد
يا الفينا راح
سبعين وزادن كم ضراع
تالاي محكر في اليراع
حجبات
تهدهد في الصراع
والروح.. مع حال البلد
دماعا ماع

محمد الامين عبدالرحيم · 28-01-2007, 11:20

اخوي الفاتح

والله انت جميل

وتعرف كيف ترسم علي السطور

دمت رمزا للوطن

يا متفرد

ابوطاهر · 29-01-2007, 23:54

خلفك جريح
جرحك تميسبو
الريح....
تفنو علي الفواد
قلبك يناهد بالعشم
طرز مداين الانفصال
وزع علي باقينا
مسدار من دموع...

المبدع الفاتح ..هذا اشعر بيت شعر قالته العرب والعجم...تحياتي لك وشكرا علي هذا التميز....