الدواح

elfatihshowaa · 25-01-2007, 15:21

مو النواح لي حبك عاشق
ومو الدواح لي دربك لاحق
بس يا سمحه
انا قتلك طالق
من دنياي الابسط منك
بي احساس متوكد وصادق
وبالانفاس انا بُعدك شاهق
ماني كرهتك
لا ني قهمتك
من لاعشاق
بس بيناتنا الف سلالم
والف عوايق
سلم بعدك
وبعدي الفكري الكامن وعايق
لاني ثقافتك
لاني سخافت الزمن الظالم
وبيني وحسك سبعه اراضي
وسبعه طوابق
بس لو تقدري تنزلي حبه
وتنسفي حاجز وتنسفي طابق
يمكن اقدر
اطلع طابق
وممكن اصبر وببقى موكد
اني موافق
انو يكون بيناتنا علاقه
وتبقي عيونك
هاجسي العالق
وتبقي رنين
القلب المولع
بي جياتك دون ما سابق
وتبقي نا فجأة
وآآه يا خالق
لو فجاءاتك
تنسف وتكسر كل البينا
وتبني طوابق ريد متوافق
وتنسف وتكسر كل طوابق
واقفه عوايق
وتبقي معاي في الطابق الارضي
يا حورية وحسنك فايق
كل بنات الجيل في الدنيا
وحور الجنه
وكل الضو الساطع وشارق
بس لو صرَّ
اْحساسك قرر
تُسكني انتي في آخر طابق
تبقي اخترتي البين من بدري
وقبل اقولك
حقو تقولي براك لي نفسك
انك طالق... من دنياي الابسط منك
قبل الحب العزري
يطول ويفسد
باقي الدم االرايق
ويفسد دم الرادك وواثق
انك اجمل بت في الدنيا
وفيك اتشكل ضي الخالق
بس ميعادك
عندنا فارق
قولي هبر او قولي منافق
بس راح قولك
اني صبر من كنتك عاشق
وكنت بحاول
اقرا افكارك
شان ما اجيب متوسط فكرك
علي متوسط
فكري السطحي
واعمل بين افكارنا توافق
الا خلاص
ما عندنا قدره
وآخر كلمه انا ممكن اقوله
انك طالق
مني كريده
من احساس يوم رادك صادق
ورغم مروقك كان بي خاطري
فيّ اتشكل....
حزن الدنيا
وطعم الغنيه الاصبح ماسخ
وفهم الزفت الاصبح راسخ
بين ازهانك...
وواضح وسالخ
من جلباب الجلد
النمل...
من قريف البن الحدق
بي من شفتك..
واصبح حبك...
باين وصارخ...
ماني الببكي
عليك يا ستي
لاني البشكي
واقول اخترتي
ترحلي عن دنياي
الابسط..
من افكار جواك انزرعت
قبل اشوفك
وتبقي حبيبتي
عيش حياتك
داخل بيتكم...
وانا في وطني
الاجمل رايق
فيني غلابه...
ان كوش من رمض السكه
تبقي نجوم
جارالي سحابه
ديل يا ستي...
طيبانين في الدنيا صحابا
لا غراهم قرش الغربه
بس هامهم...
هذى الطيبه..
بين احضانم شالو ترابا
وفي اتولد اعشق بلدي
واكندك ارضو
سرابا سرابا
الا وحاتك
ما تعلم في المدرسه اصلا
قولة ماما وقولة بابا..
ماني هويتك
لاني قضيتك
لانتي هونتي
ولانتي قضيتي
واعلم انك كنتي حبيتي
شكلا ورسما..
لا احساسك بشبه حسي
لا انفاسك كانت نفسي
لاني بعد...
ما اكل البوش
بمشي اتهور واشرب ببسي
اصلي بسيط...
بس زولا دغري

شايقية · 27-01-2007, 02:10

ســـألني قليبي عـــــــــــن حرفـــــــــك .. وســـــــألت حــــــــرفــك في ذات اليــــــــوم
متيـــــــن نعبـــــــــر جســــــــو الريد
ونــــــــوصل لي مصبـــــــــاتك..
متيـــــــن نتحكر الأعمـــــــــاق
ونحكي عن عوينـــــــــاتك ..

أخـــــــونا الجميــــــــــل: elfatihshowaa
البســـــــــاطة .. كنــــز ..
لــــــــيك كل التــــــحايــــــــا .. وخليـــــــك واصـــــــل ..

emadjaryj · 27-01-2007, 14:55

حاجة جميلة يافنان
حروف ترقص على الالحان
حديث اليوم ويحمل لى معانى زمان