"تــعالــوا.. نكـــتب حــروف بالـجد لــذاذ.. ونهـديهــا لــي نـاسنـــا العـــزاز.."

شايقية · 20-01-2007, 19:53

أصبحــــت الـــحروف البسيــــــطة التـــي نخطـــها في رســــالة عبر (المـــوبـــايل ) هــي وسيلتنـــا للتعبيـــر عن ما يجول بخــــاطرنا .. وتوصيـــل ما يجيــــش في دواخـــلنا .. وطريقـــــة لتربطنــــــا بكل قريــــب وعـــــزيــــز .. جبرتنــــــــا الظـــــــروف لكــــي نكون بعيديـــــــن عنــــه...

فرايـــكم شنـــو؟؟!! نكـــــتب رسائلنا بـــي أقـــلامنـــا.. وبــي حروفنـــا البتحمـــــل مشاعـــــرنا الخـــــاصة ..بكــــل ما فيـــــها من فــــرح وحــــــزن وشجـــــن وشـــــــوق وعشــــــق .. وبكل ما تعتصـــــره من ألـــــم وفـــــراق ... ونخــــــلي ليـــــها هـــــنا مكـــــان خـــــاص بيهـــــا ...
وأكيد حنرســـلا لي ناســــنا العـــــزاز .. وممـــــكن يمــــر الزمـــــان ونشوفـــــا في (الموبـــايل بتاعنا ).. وتاخـــدنا الدهشة والفرحـــــة .. ونقـــــول دا أخونـــــا (فــــلان) أو أختنــــا (فلانـــة) السطــــر الحروف الحنينـــة دي .. عضــــو/عضــــــــوة فــــي عشـــــاق الســــودان ..

....خـــــــلونــــــــا ننــــحـــــــت حروفنـــــــــا في ســــــــطر الزمــــــــــان ...

وأنـــا بـــي قلمـــي الضعيـــف أبـــدأ وأقـــول :

"بســمة صبـــاح مسقيـــة بي مـــوية دعــاش ..حنينـــة زي أهلــي الغبـــاش ..
مرســومة بي رعشة رذاذ.. وقتيـــن أتـــاوق في عينيـــك زي الحـــزاز ..
وارسم حــروف بالجــد لذاذ.. وأهـــديها لي ناسي العـــزاز .."

واقــــول :

"من بعــد القــمر إنــزاح ..وشمس الخير بـــدت تشـــرق بنـــور صداح ..
وكل عصفـــور تغــــريدو بشعشع في الصبـــاح مصبـــاح ..
وورد نديـــان شذاو فـــواح ..
بهمـــس ليك بصـــوت صـــداح ..
صباح الخيـــر تشـــيل أطــــراح ..وتغــــرس في مداخـــلك نور مـــلان أفـــراح .."

وراجيــــــاكم بي حــــــروف تحمل في جنبــــاتها مختـــلف المشـــاعر والأحـــاسيس ..

emadjaryj · 21-01-2007, 16:53

شايقية ياروح الغنى
الحكمة والأبداع حياتك مسكنة
والفطرة عندك فى الشعر مطوطنة

داير اقول ليك فى القصيد جنبك انا
والفكرة جات منك جميلة وممكنة
بنباركة ونأيدة ونثمنة
نكتب حروف وحروف لذاذ
فى ناس عزاز ونلحنة
ونفرح وياشايقية تبدأ الدندنة
وبى روعة الطنمبور نخلدة كم سنة

لو فى رسائل بالبريد
اوفى (مسج) لى ذول بعيد
اوحتى تبقى تهانى عيد
الفكرة برضها ممكنة
شايقية ليك منى المنى
بى راحة البال والجنا

نبض الحنين · 23-01-2007, 10:27

...فكــــــرتك..إبدااااااااااااااااااااااع....

.......

..وكتبتـــا ليك جملة حروف..ملياانة شوق...مختومة بي مسك الرؤى..

..كتبتا ليك..مابــس حروف..ممكن مشاعر..لو قليبك صادفا..

..بتحكي ليك..

..لهفة الشوق..والحنيــن..بس للأسف..كيفن تصــل..

..وبينا ..الجبال..وأعماق بحــور..

..وكمان هضــاب..لو سندباد..حاول يجيك مابقدرا...!

..بس حبــي ليك..ممكن يصــل..لو بينا مليوون ألف ميــل..

..يتعدى ليك كــل الحدود..ويقول بحبيك..ياســـــــلاااام..وكــل البيحبيك..لي وفا..

..يا حبي..ياكـــل الحنان..بستأذنيك..أنسج خيوط الريد شباك..

..وأصيد قليبك والنبض..شان يبقى..ذكــرى..وبس كفى..

..من واحدة شــاقت ليك كتييير..لوماعرفتي أكيـــــــد..رفا..
__________________________________________________ __________________

تخريمــة/
..مابقـــت رسالـــه..مقال عدييل

..يابت مشتاااااااااااااااقين..كمياااااااااااات...

..وقفت المذاكرة..وقلتا أعمل لي بريك....

ابوطاهر · 23-01-2007, 23:14

الرائعة شايقية ...الفكرة رائعة ومدهشة ...فشكرا علي هذا التميز ..ولكي تحياتي واعجابي.....

واقول لها تلك التي سكنت فؤادي....

حبيت اقول لِك في المساء كيف كان صباحِك ....
وتخيلي.. من دونك انتي مسايا كيف...

نفسي اكتب عن حياتك ...عن عيونك....عن جمالك..عن صناعتك لي مداين الفرحة فينا...
بي مواساتنا وحنانك ...بابتسامتك ..بالعذوبة الفي كلامك...بالاماني الطيبة منك..بي دعاءك
..بي صلاتك...ترحل حزاينا وتموت ...وكل غيمة هم تفوت...

نفسي ارحل في الزمن ..واعبر مسافات في الكآبة والحزن....ولما امر عليك والقاك في حالة صفا..
واسمع كلام منك جميل ..انسي كل العشتو في مر الزمن ..وكل الشفتو من تعب السفر ...

لو كنت صاحي سلامي ليك ...ومن كل قلبي بحن ليك ..ياريتني لو اقدر اجيك..
واهديك سلام ...وكل عمري معاهو ليك..

tuha250 · 24-01-2007, 01:12

الشايقية الرائعة
(بركة بالشوفة ) يا قول أهلي ناس الغرب
وأنا :
************************
سوف أكتب عنك آلاف المقاطع
أصطفيك بكل حرف
أجتبيك بكل رائع
أرسم الكلمات لحنا عبقريا
و أغنيك نشيدا لا يضاهى
لا يضارع
************************
ليك التحية تاني علي ابداعاتك المتفردة .. ودمتي
الفاتح

شايقية · 27-01-2007, 01:32

أخــــونا الجميــــل :emadjaryj
كـــلام جميل .. زي النغـــم .. كلو طـــرب.. وبالجــــد حنيــــن ..
منتــــظرة منـــــك كل الحــــــروف .. بي بهجـــتا ... وبي فرحــــتا .. وخلي يدك تنحــــتا ..

أختـــي الغـــالية : نبـــض الحنيـــــــن
شـــــوقي ليـــــــك فـــاق الوصـــف .. فـــاق الخيـــال ..
حــــرفك شجــــن .. وشـــوقك جـــواي ريــــد ما ليهو حـــد..
أكتبـــــي وادينا من نورك ألــــق..

أخونـــا الجميــــل : أبوطــــاهر
يملـــــؤنا العشــــــق فنغـــــرق فيه .. ولا ندري هل نحمـــل عشقـــا أو موتـــــا ... فبعـــض العشـــق يكو الموت .. وبعض الموت يكون العشق ..(كما قال شاعرنا الجميل :فـــاروق جويـــدة)

عشقــــــك وهج ... رسم طـــريق الأمــــل .. وجمــــال الأمنيات .. وروعــــة الحلم ..

ومنتــــظرين المزيـــــــد ...

أخونـــــــــا الجميـــــــــل : الفـــــــاتح
ســــؤالك عني بيسعــــدني ... وأعفو لينــــا عن الغيبــــــة ..
كعـــادة حـــرفك .. يتـــألق بتمـــــيز ..
راجيـــــــــنك ... فأكتــــب من حـــروفك الريــــانة .. وخلينـــا ننهل منــــها ..

شايقية · 27-01-2007, 01:40

وبقـــــــــــــول :

زمــــــــان الريــــــــدة سبنــــاهو
وقلبنــــــا خــــــلاص قفلنــــــــاهو
وعشان نتحـــدى نــــار الشــــوق
قطعنــــا وريدنـــــا شلنـــــــاهو
وحلم الليــــــــل بي قســـوة قتلنـــــــــاهو
وفؤادنـــــــا خلاص رمينـــــــاهو
وفي دنيــــــــا العشـــــــم
جنينـــا عليهو وفتنــــاهــــــــو ..

emadjaryj · 30-01-2007, 14:56

ياشايقية شن جاهو
كلامك عن حكاية الريد قريناهو
لكن ماقبلناهو
ومنك انت بت شايق أقول بالذات رفضناهو
لانو الريد منكم اكتسب جاهو
لانو الريد كنتو بدايتو ومرباهو
تجينى بعد سنين وسنين تقولى لى قتلناهو
كلامك مارضيناهو

خلاصة القول وفحواهو
زمان الريد بديناهو
وقلبنا خلاص فتحناهو
وعشان نتحدى نارالشوق غراس الود شتلناهو
فتحنا وريدنا للمشتول سقيناهو
وشلن خطانا للمحبوب وزرناهو
وثقرو الباسم الريان لثمناهو
انحن حياتنا فى رؤياة ونحن دوانا فى فاهو

شايقية · 02-02-2007, 02:17

ريدتـــك لي نبــــع يروينـــــي ويتجدد
ينـــاجينــي بعذب الهمس ويتفرهد
ينـــادي علي .. تعال نغنــي لي النجمات
وبي ضيا نهيم بالشوق لي أبـــعد
تعــال نسرح في لحظــها يــوم
عــشان بسيـــوفو يقتـــلنا ونكون أسعـــــد ..

أخـــــــــــونا : emadjaryj

إنشــــــــــاء الله المــــــــرة دي يكون مقبـــــــــول ..
وبالجـــــــــد حـــــــــــروفك رنــــــــانة .. فأكتب وخلينا نسمع موسيقاها ونتعجب

..