وهج الشمس

وهج الشمس · 15-01-2007, 13:26

اسدلت شعاع وهجي على منتداكم المتواضع فإما استقبلتموه فحفاوه
او ارتد الى موطنه المشمس ..

اعزائي هل تقبلوني عضوه جديده في منتداكم المتواضع ام اجمع كلماتي و اعود ادراجي

وهـــــج الشــــمس

توتا · 15-01-2007, 13:49

اهلا وسهلا بك وهج الشمس بيناتنا
ونورتي

بس قولي انتي سااي دايرة ترجعي ادراجك معقول ما نرحب بيك

عوض مجذوب عبدالماجد · 16-01-2007, 12:30

ادراج شنو ودواليب شنو

اتفضلي

ومرحب بيك بيناتنا

وكلماتك العاوزة ترجعي بيها دي

كلها كبيها لينا هنا

....

....

اها وهجك وينو يا شمس

قشاش الدموع · 16-01-2007, 13:26

وهج الشمس ،، توهج المنتدى نورا بقدومك ،،
فاصطعي فينا ما شئتي ،، وكيفما شئتي ،،

mejo_33 · 16-01-2007, 15:09

ستكونى شعاع جديد ضمن المجموعه السودانيه العاشقه

الف مرحب بيك معانا...

emadjaryj · 16-01-2007, 15:49

["]وهج الشمس وهجك تانى مابرتد
كلامنا معاك يد بى يد
وكل ما تكتبى موضوع قبل ساعة يجيك الرد

وتلقى الراحة بيناتنا تكون اختك معاك فى الحد
وتلقى اخوك وتلقى ابوك وتلقى الجد
وهج الشمس شوقنا اليك مابنحد
ولا بالكالكوليتر ياوهج بتعد
قايتو خلاصتو واصلين فى هواك الحد

كلمة اخيرة ليك بالجد
بى وهجك بيتفتح صباح الورد
ومن غيرك يكون اسود
نرحب بيك ونهدى ليك عبير الند

كسلاوية · 16-01-2007, 21:54

اهلا ومرحبا بيك ياوهج الشمس وديمه متوهجة

ابو حسام · 16-01-2007, 23:47

حباب وهج الشمس فى المنتدى...

عبده خالد · 17-01-2007, 00:01

مرحب وهج الشمس بيناتنا ومنورة منتدانا

شايقية · 19-01-2007, 22:13

وهجـــــــــك طريق شايفنــــــــــو..
ونورك أمل راجينــــــــــــــــــــــو..
ومن غيرك في حلـــــــم فاقدنــــــــــــو..

أبقى داخـــــــــــــــلة طوالى .. حبابـــــــــــــــــــك ألف .. وانشاء الله نشوف منـــــــــك الجديد والجميـــــل ..