ترحبو بى (ياعشاق) او ارجع اقوم جارى

emadjaryj · 13-01-2007, 14:00

اأخوكم جاء عماد جارى
ترحبو بى (ياعشاق)او ارجع اقوم جارى
اسأل ربنا البارى
اكون بينكم على البيضة وطوالى
حديثكم يبقى لى الذاد وفى بالى
حبابكم تانى ياعشاق
وللعاشقات كلامى دقاق
أخاف اهمس باناتو يجينى الفاق
خلاص جيتكم ابقوا رقاق
عشان القومة سدارى
ترحبو بى (ياعشاق) او ارجع اقوم جارى

**طارق** · 13-01-2007, 14:26

أهلا وسهلا بالأخ عماد .... ونرحب بيك أخا وعضوا ... نظن فيك كل الخير ...
وحبابك الف بين أخوانك واخواتك في المنتدى ..... ونتمنى منك التواصل ...
وروح المشاركه الجميله ....... !

وحياك الله .....

White Angle · 13-01-2007, 16:43

اهلا وسهلا بيك فى منتدى الحلوين....
اوعه تجر مننا

mejo_33 · 13-01-2007, 16:48

شنو يا عمده لى جارى مننا..

انتا بين اهلك وناسك...

يلا ورينا مشاركاتك

ابو اسراء · 13-01-2007, 19:32

عماد جاي
اهلا وسهلا بك فى منتداك
قال جاري قال..الن كان تجري جوة المنتدي بس

لكن جري لى برة كان فى الحلم ما تشوفو
ابقى داخل يا زول..وحسي (عاشق هناء) بجيك بالقهوة والعجوة.
وحبابك عشرة

عوض مجذوب عبدالماجد · 14-01-2007, 13:17

اقتباس:

ترحبو بى (ياعشاق) او ارجع اقوم جارى

وليييييه تقوم جاري

روق نفسك وابقى هادي
واقعد بهنا وبغادي
حوشنا حدادي ومدادي
للخير خليك جاري
وللمشاركات قوم سداري

اها يا اخوي قاعد ولا بتقوم جاري

كسلاوية · 14-01-2007, 14:20

اهلا مرحب بيك اخونا عماد جاري

قشاش الدموع · 14-01-2007, 15:01

جاري ،، وانا جارو ،، وبتعزب بنارو ،، ياناس عماد ود الحله وجانا في منتدانا والله ،، والله ،، والله ،،
مرحبتين حبابك
عليه الطلاق تقوم جاري الناس دي تسكك ماتخليك ،، اكان جيت بعد سنه للحول ما تخليك ،، ما وصية مهندس ..!!

3ashg hana · 14-01-2007, 15:38

ألف مرحب بيك ..

وليه الجري دي كلو ...

كدي قول بسم الله وخليك قاعد ...

وفي أنتظار جديدك ...

وكل أحترامي ...

تخريمه :.

كلامك جميل فخليك أجمل من كلامك ووأصل وخليك قريب ...

emadjaryj · 15-01-2007, 16:51

يا عشاق يعلم ربى عالم الغيب
وفرحان بالردود الجاتنى والتعقيب

ياعابر سبيل مشكور على الترحيب
ويا (mejo) تعال الليلة ابقى قريب
عوض مجزوب حوشو كبير عندو الشاى بالمحريب
ويا ابو اسرا قوم لى قهوتك جيب

كسلاوية قلبك فى بياضو حليب
وقشاش الدموع قبلك طلاقو عجيب
جيتك يا (hana) يا درة العشاق ونو الويب
وجيتكم كلكم وكلامنا بى ترتيب

يا عشاق زمنا عصيب
تعالو الليلة نحى السنة نبقى قريب
نتناصح نوضح للسمح والعيب
ونتشاور وندى الفى القلب والجيب]عمادجارى