طـل الحبيب ... غـرد

الطاهر التاي · 08-01-2007, 13:04

طل الحبيب .. غرد.. وجداني في ترحاب
زهت المشاعرريد ..... حيتـه في إعـجــاب
دمع العيون .. زفزف .. قالت حباب الغاب
حباب حبيب الروح .. حبابه .. ألف حباب
والـدنـيـا إحـلـوت ...... لـفتها أحـلـى ثـيـاب
سألت عليهو الروح والليـله جـاهـا جــواب
والليلة طـل حبيب .. أسمر... جميل خلاب

طل الحـبـيـب شـرف... بـعـبيـرو رشـانــا
بـبـسمه حـلـوه أنـيـقـة ..... شـرف وحـيانا
زهـت البـدور غـنـت... والـدنـيـا طـربـانـه
والـكـون صـبـح غـنـوه طـروبـة نـشـوانـه
والناس في حالة وجـد ... ولهانه ... ولهانه
عم السرور الكون ........ ورياضه فرحانه
أعماقنـا في نـشوه .......... تــغـني ألـحـانـه
أهلا حبيب الروح ....... أجمل حبيب جـانا
الليلة جيت .. شـرفـت .... جـملت دنـيــانــا
خليت ربيع الحب ........ يـشرق فـي دنيانا

قـلـنالـو ويـن غـبـت ..... زودت أحـزانــا
خليت دروب ريـدنا ... جـديبـه عـطـشانـه
خليتنا في وحشه ..... وقـلـوبـنـا حـزنـانـه
وعيون هوانا بكت في دمـوعه غـرقـانــه
وفقدنا أروع زول ....... كان ديمه يغشانا
وفقـدنا أجمل زول ...... كان ديمه يطرانا
بـالـلـه ويـن غـبـت ..... ســودت دنـيــانــا
يا أحلـى مـن شـرف .... بـعـيـونـه حـيانـا
نهواك ونهتف بيك يـا أغلى مــن جــانـــا
وبـي هوانـا نعيش ...... أحـلــى أيــامــنــا

طل الحبيب يا ناس ...... بالعطر رشوهو
جيبو البخور والند .... غطوهو غـطـوعو
ومن العيون بالله بسـوره ......... أحموهو
لو شفتو زول معيان .......... منو دسوهو
وأوعه من حاقدين ........ يـقومو يأزوهو
مـا خلاص حـبيبي حضر بالسيره زفوهـو
في بيتنا أحـلى مـكان ...... بالله جـيـبوهـو
خلونا فيهو نعيش ..... وتـعالـو زوروهــو
طل الحبيب يا ناس ...... بالعطر رشوهو

محمد الامين عبدالرحيم · 08-01-2007, 13:45

متفرد .. متفرد .. متفرد ..

ابداع .. ابداع .. ابداع

اقول ليك سر انت مجنون

الطاهر التاي · 09-01-2007, 00:25

نعم انا .... مجنون !
والجنون فنون ... ياأخي ...
ومشكور على المرور الجميل

مع محبتي .... وكل ودي

ابو اسراء · 09-01-2007, 14:02

يديك العافية الطاهر التاي كلمات فى غاية الروعة
وما يحرمنا من حبيب يا رب
تحياتي..

الطاهر التاي · 11-01-2007, 22:36

أبو اسراء .....
لك المحبة يااخي ... وانت تشرفني
بإطلالتك الحلوة ... ومرورك الجميا .

مع محبتي .... وكل ودي

شايقية · 20-01-2007, 16:08

قالو الحروف نديانة بيك
في كل يوم تتشابي ليك
منسوجة بس من سحر ايديك
ومرسومة بي فنك الأصلو منك وفيك ..

أخونا الجميل جدا : الطاهر التاي
عندك يكمن الإبداع .. فنصمت في ذهول وبكل دهشة ..

Mr_Left · 24-01-2007, 13:16

أيها البلبل الصداح غني
بحكيات الهوى
أيها الشادي.. طربنا اليوم.. غني
لاتنائٍ أو نوى
يا أبو الطاهر غني
بمنانا ورؤانا
وإنفعالات هوانا
والجوى

يعني إلا الواحد يغيب حتن تطلعو الحاجات السمحة دي