أعتقد إنكم على جانب كبير من الصواب
لكن السبب الأساسي هو الضعف في الجانب الإعلامي
والترويجي للأغنية في حد ذاتها
أما بالنسبة لمشكلة اللغة فهي ليست مشكلة كبيرة
سبب سهولة الهجة المصرية هي أنها إنتشرت بواسطة الإعلام
أي أنها أيضاً كانت في بادء الأمر صعبة الفهم بالنسبة للمشاهدين في البلدان الأخرى
ومع مرور الوقت وتكثف العمل الإنتاجي من أفلام ومسلسلات وأغاني ونحوها أصبحت من أسهل اللهجات
ومعظم العرب يدركون مفرداتها
هذا يعني أن مشكلة اللهجة سببها لنا الضعف في الجانب الإعلامي
والذي بدوره نجده قد تسبب بطريقة أو أخرى في تراجع المستوى الفني للشعب السوداني
ودمتم
سؤال محتاج لجواب؟؟؟!!
ما عرفت أرد يعني ديل المصريين جيراننا ماعارفين اغانيينا يبقى الباقي كيف؟ حتقولوا لي طيب في فنانين أجانب (مصريين) بالتحديد غنوا سوداني حقول ليكم طيب يعني مع إنهم غنوا ما انتشارنا وبعدين أنا عاوزة الأغنية السودانية يغنيها فنان سوداني حتكون أحلى وأروع كتيير فا لو في واحد منكم بعرف أي فنان شاب يقول ليه شد حيلك وانشرنا لكن ما في حبل الغسيل,أما بالنسبة للدراما فادي قصة عجيبة أنا بشوفها بتمشي خطوة قدام وثلاثة وراء يعني لو جينا للحق أنا بشوف إنوا مسلسلات زمان أحلا زي (نداء-دكين – الدهبية – سكة الخطر.....)وزيهم كتيير قمة في الروعة بس هسه وللأسف مسلسلاتنا بقت ماليها معنى وما عندها مغزى واكترها كوميدية مع المنظر بكون فيها حلو يعني الديكور والامكان البصوروا بس بتكونover شوية ومبالغ فيها و بحس الممثل ما بتقمص الدور كويس يعني اوكي ما بتصدقوا انهوا هو نفسه الشخصية البمثلها حتقولوا لي طيب ما هو أصلا بمثل حقول أيوا بمثل لكن إحنا المفروض نصدق الدور اللي هوا بقدمه عارفة القصة شوية صعبة بس يا ريت يلقوا ليها حل يعني هسي ما شفت مسلسل سوداني في قناة غير السودان ما حصل حتى مسلسل الغول اللي يشاركوا فيه ممثلين سوريين !! وهو بالمناسبة من المسلسلات التحفة,هسي قناة سورية ما بتذيع مسلسلات إلا مسلسلات سورية بس المسلسل السوري ممكن يتذاع في قناة ثانية لكن قناة السودان بتذيع أي مسلسل يعني سوري ومصري وسوداني بس المسلسل السوداني ما بتذاع غير في القناة السودانية!!
بردوا حعيد السؤال دي مشكلة منو الإنتاج ولا قناة السودان ولا منو بالضبط؟؟ 
العرض العادي
